الموضوع: عيوب استرا و انسيجنيا 2014

المشاركة الأصلية كتبت بواسطة mariachi

يا باشا والنبي بس بلاش سمعنا ده علشان احنا أكتر شعب بيفتي فالعالم!
مبدئياً كده فتيس الإنسيجنيا مالوش أي علاقه بالنتشة، إنت أول واحد أسمع بيقول الكلام ده ومفتكرش إن في أي حد قال كده برضه والي يقلك كده خليه يثبتلك!! فتيس ناعم جداً عن تجربه و عن تجربة كل الناس إللي أعرفهم معاهم العربيه.
بالنسبه لموضوع البنزين هي زي أي عربيه ألماني تكنولوجي حديثه لو هتحوط بنزين نضيف سواء 92 أو 95 هتمشي زي الفل زي ما مكتوب فالكتالوج من أول 91 شغال لكن لو هتحوط بنزين مضروب زي إللي بيحصل في مصر دلوقتي في بنزينات كتير سواق بقي 92 أو 95 أو حتى 98 هتكركر و هتقف و هتبهدلك طبعاً بس الخلاصه ده عيب بنزين مش عيب عربيه وله أيه رأيك؟!
نفس مشكلة المرسيدس اليومين دول ولا هي علشان مرسيدس مطلعش عليها اشعات برضه؟!! ماهو نفس الحوار!

من خلال متابعتي للعربية و اخبارها فعلا كل كلمة صحيحة

الفتي كتر اوي في البلد دي

اللي بيحصل فيه النتشة دي في الفتيس بعض العربيات الاسترا و ليس كلها و كمان الانسجنيا من انعم العربيات سواءاً فتيس از عفشة و لو انها جنط 18

و انا معايا فيكترا سي و قابلت حاجات كثيير بسبب البنزين ده بس الموضوع بقى ملاحظ اوي الفترة اللي فاتت

مرة العربية تكركر و مرة تبقى كركرة بزيادة اوي و مرة مفيش اي حاجة خالص و كل تفويلة غير التانية و الفيكترا سي و لا تربو و لا غيره

ما بال الناس بعربية تربو و compression ratio عالي و بتحط 92 و ممكن تمشي معاه عادي و لو ان طبعا 95 او 98 افضل

طب ما بالك ب 92 و سئ و مغشوش

السمع حاجة و التجربة حاجة تانية

و الافضل ان ملاك العربية زي استاذ mariachi و الناس اللي متابعينها و فاهمينها هما اللي يتكلمو او يتسألو عنها لأنهم ادرى من اي حد