اخوكم فرب يتجنن

**سمير ويهير** · 14-11-2014 02:57 PM

السلام عليكم ورحمة الله وبركاته
انا طبعا مشترك النهاردة في المنتدى ودي تاني مشاركة ليا
بس بجد قربت أتجنن بقالي اسبوع كل يوم اروح ارفع عربية ويطلع فيه مشكلة مرة تكييف ومرة مش عارف ايه وكل الحكاية اني بدور علي عربية اتوماتيك نظيفة عشان أنا لسه متعلم سواقة جديد وعايز حاجة متبهدلنيش كل شوية عند ميكانيكى وتكون في حدود 40000ج
تنصحوني بأية يا أهل مكة

**amr011111** · 14-11-2014 03:13 PM

فيه مشكله عن مشكله تفرق
يعنى بالاربعين هتلاقى مثلا عربيه لانوس موديل 1999
وطبعا بقالها ماشيه 15 سنه
فممكن تلاقى عيوب فى بعض الحاجات
بس مثلا لو لقيت عربيه محتاجه مساعدين مفيش مشكله
عربيه تكييفها عاوز شحن مفيش مشكله
طالما مش حاجه فى اساسيات العربيه كالشاسيه والبارومه

**سمير ويهير** · 14-11-2014 03:20 PM

ربنا يبارك فيك انا فعلا معلوماتي صفر في العربيات
و عشان كدا غرقان
ياريت أي حد يدخل يفيدني زيك بمعلومة ويقولي اشتري ايه وهتكون في حدود كام وحالتها كويسة جدا وتستحمل معايا لغاية لما ربنا يفرجها
وجزاكم الله كل خير

**J A G U A R** · 14-11-2014 03:26 PM

اللانوس 99 كويسه وصيانتها سهله واى حد بيفهم فيها بس دور على حاله كويسه

**J A G U A R** · 14-11-2014 04:33 PM

المشاركة الأصلية كتبت بواسطة سمير ويهير

الف شكر على رد حضرتك بس المشكلة اني فعلا مش لاقي حد يدلني على حاجة كويسة

وكمان كل لما الاقي عربية القي صاحبها شاريها من كام يوم او من كام شهر وماشي بتوكيل

ومش عارف ايه قصة التوكيلات ديه

دور بس كويس وان شاء الله هتلاقى

التوكيل ده بتكون العربيه مش ب اسم اللى سايقها اللى هو المشترى وصاحبها الحقيقى بيكون عامله توكيل علشان يبقى موقفه قانونى

او لما تكون عليها اقساط ولسه مخلصتش فصاحبها بيعمل للمشترى توكيل يمشى بيه لغايه ما يخلص اللى عليها وبعد كده بينقل ملكيه