متابع الناس اللى اشترت تقول حصل معايا ايه
عرض للطباعة
متابع الناس اللى اشترت تقول حصل معايا ايه
هو الى معاه فيزا بالمصرى يعمل ايه
حد استلم ؟؟؟؟؟؟؟؟؟؟؟؟
انا عملت أوردر لشاشة 17 lcd ب 2.12 دولار وأستخدمت ماستر كار وخصم مني 15.10 جنية مصري فقط لا غير "وده على سبيل التجربة "
طيب يا جماعه قولولنا النتيجه بس قبل ال١٤ يوم عشان نشتري احنا كمان:-)
طيب موظف الجمارك .. هيقتنع بالسعر ده ؟
اكيد هيشك ان الفاتوره غير منطقيه وهيقيم سعر المنتج بنفسه ويحسبله جمارك وضريبة مبيعات
يعني في النهايه الشاشه ام 2 دولار دي .. ممكن تتقيم على انها ب 80 دولار يعني حوالي 16 دولار جمارك وضريبه يعني توصلك ب 20 دولار تقريباً بعد شهرين لو طلبت شحن مجاني ما يعادل 150 جنيه تقريباً
ممكن يكون سعر الشاشه الفعلي لو موجوده في مصر .. لانها شاشه رديئة الجوده وما خفي كان أعظم
مش هتطلع بايظه .. لكن ممكن تطلع شاشه ماتحبش تستخدمها اصلاً .
انا دورت على تابات سامسونج ملقتش .. ومش عارف ليه .. وكأنهم خايفين يحطوا منتجات مكتوب عليها سامسونج
ولقيت تابات لينوفو .. مش موجوده في مصر .. مع ان مواصفتها حلوه جداً بالسعر ده .. لو لينوفو اصلي مش متقلد
هل ممكن يكون التابات دي ممنوعه تدخل مصر .
على العموم اللي يشتري ياريت يبقى يقولنا تجربته بعد مالمنتج يوصله بالسلامه .
هو حجم الشاشه كام بوصه لانهم مش محددين؟
انا اشتريت 3 17 بوصة وواحدة سامسونج 27 وواحدة aoc 27 بوصة
لعبة قمار ب 27 دولار ونص - يا كسبت من وراهم ياتعلقوا في الفيزا لغاية مايرجعوا من على اكسبريس
وصلنی ايميل حالا ان علی اكسبريس اشتبه فی البائع وعلق كل الاوردرات لحين مايتاكد ان الطلبات سليمه وورق الشحن سليم
ده اللی جه فی الايميل بالزبط
علی العموم زی ماقولت هی تجرب والموقع كاتب فی الايميل ان الفلوس موجوده لو حابب تعمل refund
لو فی جديد مع ای حد يقول برضه
وده نص الايميل بالزبط
You order is currently frozen, due to the sellers suspicious trading activities.
We have suspended this seller’s account because we have detected unsafe trading activities. We have therefore requested the seller to provide sufficient evidence, such as shipping documents and certificates which they must provide within 3 business days (not calendar days).
If the seller fails to provide any evidence within 3 business days, we will issue you with a full refund. In the event the seller does provide evidence, it could take about 15 business days for the case to be resolved.
We apologize for this inconvenience. At AliExpress, we are committed and always taking steps in improving our customers shopping experience and to the protection of both the buyer’s and seller’s interests.
Your understanding and cooperation are highly appreciated.
Sincerely,.
AliExpress Trade. Security Department
2014.11.16 18:25
قلت كده قلتوا اطلعوا من البلد
يا جماعة الخير ........
If it is too good to be true, it probably is
مفيش شاشة بشحنها ارخص من الكرتونة اللي ملفوفة فيها
مهما كان التاجر عايز يجيب تقييم و لا بتاع
مش هيبيع بالخسارة الشنيعة دي
الفلوس رجعت لكارت الفيزا من تاني والعملية اتلغت
فتش عن المستفيد
مع ان موقعAliexpress مشهور جدا و مش محتاج دعاية و لكن
بصراحة حاسس ان الموضوع اشتغالة
علشان الناس تطمن اكتر و اكتر تجاه Aliexpress
Your unpaid order 64671698740106 has been closed
Dear abdo elsahy,
Please note that the account of the AliExpress seller: ZuoHong Xiao has been suspended because of their suspicious trading activities. We have now closed all your unpaid orders with this seller. Please do not make any additional payments or place any more orders with this seller.
At AliExpress, we are committed and always taking steps in improving our customers shopping experience, and to the protection of both the buyer’s and seller’s interests. .
Your understanding and cooperation are highly appreciated.
Sincerely,
AliExpress Trade Security Department
2014.11.16 18:26
زي ما قال استاذ أحمد كمال , الموضوع من الاول خالص مكنش فيه منطقيه خالص , ومفيش حد في الدنيا دي أهبل عشان يبيع بالسعر ده , فيه نصابين بس و كتير كمان :)
بس اهم حاجه ان الموضوع كان تجربه ولكن محدش خسر حاجه ديه اهم نقطه
وانا اول ماجالى الايميل عرضته ليكم على طول بس الايميل مبيقولش انه نصاب
هما بيقولوا شكوا فيه لانهم طلبو ورق وشهادات شحن البضاعه للعملاء وهو لسه مردض ولو مردش فى 3 ايام هيتوقف الاكونت ليه خالص وعلى العموم فلوس الناس كلها هترجعلها مش ناقصه قرش
واسف لو كنت عايز الخير ليكم بس انا زيى زيكم معرفش طبعا الموضوع هيمشى ازاى ودخلت فيه لانى مطمن للموقع مش اكتر
يا باشا حصل خير , ادينا بنستفيد برضه من تجارب الاعضاء , انا اصلي مدمن شرا من على النت بس كل مشترياتي من سوق دوت كوم مصر و الامارات و امازون , ماجبتش حاجه من علي اكسبريس قبل كده
أنا كنت اشتريت 3 شاشات مع بعض من ام 2.17 دولار وشاشة سامسونج 27 بوصة ب 11ز5 دولار
جالي ايميل ان ال 3 شاشات اتشحنوا امبارح :120105~352:
والنهاردة جالي ايميل ان الشاشة السامسون اتلغى اوردها وهيرجعوا لي الفلوس :shyy:
جمرك الملابس 30% من الثمن, + 10% ضريبة مبيعات
نفترض ان الملابس تمنها 100 جنيه
يبقى الجمرك 30 جنيه,
وضريبة المبيعات 10% من جمع التمن + الجمرك, يعني 10% *(100 + 30 ) = 13 جنيه
يعني هتدفع 43 جنيه.
دا طبعا بخلاف مصاريف الشحن والتخليص الجمركي لو هتخلي شركة الشحن هي اللي تعملك التخليص.
انت ممكن تفاصل مع البائع على علي اكسبريس كمان, غالبا ممكن تنزل 3 - 4 دولار من اي قطعه لو هتشتري كذا حاجة. و خلي بالك من المقاسات لان مرة جبت جاكيت اتنين اكس لارج و طلع يلبس مقاس ميديم عندنا في مصر. فلازم تأكد عليه الطول و العرض بتاع اي قطعه, و قوله انك هترجعهم لو طلع اي غلط في المقاس, عشان تجبره يقولك القياسات الفعلية بالسنتيمتر او البوصة.
وخلي بالك الجمرك اليومين دول مشدد اوي في الملابس. يعني حتى لو جبت فاتورة مضروبة بسعر قليل بيدخلوا على علي اكسبريس و بيعرفوا السعر كام و يحاسبوك على اساسه. و دا بيخليك تتعطل و تدفع أرضية كمان. انا مش بحبطك لكن بقولك اللي حاصل اليومين دول عشان تبقى فاهم الموضوع.
طب لو شحنت الملابس على الامارات يا جماعة ف الفوجيرة وحد جابهملي وهو نازل هيكون ايه الوضع