صوت غريب فى اليارس

**kehso** · 30-10-2008 03:17 AM

اولا ازيكم يا اخوانى الاعزاء ... انا بسمع صوت غريب عامل زى صوت اهتزاز حاجةمش متربطة كويس مثلا... والصوت حاسس ان خارج من علبة الدركسيون وساعات بحس انه خارج من الهواية الشمال بس بردةه حاولت اقفل التكييف والهوايات لقيته لسه موجود والصوت دايما بيظهر لما بقفل الزجاج ... ياترى حد عنده تفسير للموضوع ....؟!الصوت عامل زى حاجة بتزن كده..

**kehso** · 30-10-2008 03:02 PM

مفيش حد عايز يرد ولا ايه.....؟!!

**KHALED AYMAN** · 30-10-2008 03:08 PM

والله يا باشا انا اوبلاوى بس اعتقد ان الموضوع بسيط و هتلاقى اى حاجه مفكوكه و عايزه تتربط بس متروحش لاى حد غير التوكيل لانه هو الى عارف هيفك القطع بتاع التابلوه دى ازاى.
برده استنى رد حد تويوتاوى

**Yarisawy** · 30-10-2008 04:37 PM

انا بصراحه معنديش فكرة ومش هفتى وخلاص ... انا رأى الاحسن تروح التوكيل وان شاء الله تطلع حاجة بسيطه ... متقلقش .. بس تبقى تقولنا طلع ايه

**tamohsen** · 30-10-2008 04:59 PM

Check this

http://nilemotors.net/Nile/showthread.php?t=38096

**boing** · 31-10-2008 12:58 PM

بص انا ليا قصص مع شركة تويوتا وتوكيلاتها
لان معايا كورولا 2006 جايبها من 3 سنين وهقولك على اي حاجه تتعبك وهريحك

بس انت ما فهمتنيش ايه اللي عندك بالظبط وانا اقولك
لو تقصد انك بتسمع صوت الطابلوه بيشخشخ وزنه بسيط طالعه منو
يبقى كده التابلوه عايز يتفك ويتكبس تاني مش اكتر

اما لو تقصد حاجه تانيه وضح منشكلتك اكتر لو سمحت

**kehso** · 01-11-2008 11:32 AM

شكرا اولا على النصائح يا اصدقاءى.... بس الصوت عبار عن زنه خفيفة تكاد تكون مش ملحوظة اوى تحس انة خارج من خلف الدركسيون ودايما بسمعه وانا قافل الزجاج ومكنش مشغل الكاسيت .. وبيكون على فكرة على طرق ممهدة لانى اول مرة سمعته كان على الطريق الدولى وان دايما ببقى مشغل التكيف كان صوت زن غريب خارج تحس انه خارج من ورا الدركسيون او من الهوايه الشمال بس قفلت التكيف وحاولت اطمن على كل حاجة زى الطفاية مثلا او اى حاجة ممكن تكون فى درج التابلوه ممكن تعمل الصوت ده.. بس برده لقيت الصوت لسه موجود من الاخر عامل زى صوت زن وبتسمعة وانت عازل العربية عن الشارع ومش مشغل الكسيت يعنى فى الهدوء التام.. على فكرة العربية 2008 فول اوبشن وبقلها يدوبك شهريين معاية ..

**BLOODY_STONE** · 12-04-2010 01:07 AM

تصور انا كمان عندي الصوت ده ؟؟؟ بس انا بحس بيه بالذات لما اقفل باب العربية بتاع السواق
ربنا يستر حبقى اروح للتوكيل اشوف في ايه

**asemx1** · 15-04-2010 08:23 PM

ياجماعه كفايه وسوسه بقى انا تعبت من كدا هههههههههههه
فعلا لازم تريحوا الجمجمه حبه طبيعى يطلع زن او اى اصوات من اى مكان فى العربيه لان الى عاملينها مش ملايكه يعنى
تانى حاجه اى زن فى العربيه او اصوات مع المطبات واى حاجه دا شىء طبيعى وبيروح وبييجى تبعا لدرجات الحراره ( تمدد وانكماش )
اكنك بالظبط جبت تكيف وبتشغله هيقعط يطقطق كدا فى اوقات دا علشان تمدد وانكماش المواد بيعمل فروقات ومسافات بين اى حاجات متركبه مع بعض وبالتالى مع الحركه بتحك فى بعض وبتعمل صوت بس لو بتروح وبتيجى دا يبقى طبيعى لو موجوده على طول برضو طبيعى استنى الشتاء او الصيف ولو راحت يبقى تمدد وانكماش :)
تشاااااااو