الموضوع: رينو فلونس ولا ميتسوبيشي لانسر شارك

المشاركة الأصلية كتبت بواسطة ٍٍsara khattab

على حسب انت محتاج ايه..
لو محتاج أوبشن عالي و شكل فخم انا شايفه انه مش شبابي هو رجالي أكتر بس مش عربية بتاع جري و ثباتها مش عالي يبقى هات الفلونس
عايز شكل هجومي شبابي ثبات واعتماديه و سرعه و جري يبقى هات الشارك بس خلي بالك ان الأوبشنز اللي فيها اقل من الفلونس
انت عايز سرعه ولا رفاهيه؟؟

ما عليش حضرتك من حيث الاعتماديه الشارك اكتر على اى اساس ؟ :) . دى موتورها و فتيسها ميتسوبيشى و تكييف يابانى و الفلوينس موتور و فتيس نيسان و التكييف نيسان . نيسان و رينو شركه واحده .

من حيث الثبات . حضرتك جربتى ثبات الرينو و الاوروبى عموما مع اليابانى قبل كده ؟ من زمان يقولوا مصطلح عربيه بطه على الاوروبى عموما بسبب تقل عربياتهم و اهتمامهم الكبير بالثبات على حساب سحب العربيه بعكس اليابانى و الكورى اللى بيهتم بسحب العربيه و الموتور على حساب وزن و تقل العربيه على الطريق . كنا بنقول عليهم عربيات خفيفه على الطريق . و اسألى اى حد ركب لانسر و رينو الثبات بين الاتنين عامل ازاى .

معاكى فى نقطة مش شبابى دى حقيقه . لها استايل و شكل قياده خاص .

تحياتى :)

المشاركة الأصلية كتبت بواسطة ٍٍsara khattab

على حسب انت محتاج ايه..
لو محتاج أوبشن عالي و شكل فخم انا شايفه انه مش شبابي هو رجالي أكتر بس مش عربية بتاع جري و ثباتها مش عالي يبقى هات الفلونس
عايز شكل هجومي شبابي ثبات واعتماديه و سرعه و جري يبقى هات الشارك بس خلي بالك ان الأوبشنز اللي فيها اقل من الفلونس
انت عايز سرعه ولا رفاهيه؟؟

اتفق مع حضرتك فى كل ما قلته تقريبا فيما عدا ثبات الفلوانس الاتنين نفس مستوى الثبات وانا سقت الاتنين وامتلكت الاتنين

المشاركة الأصلية كتبت بواسطة yasser100

ما عليش حضرتك من حيث الاعتماديه الشارك اكتر على اى اساس ؟ :) . دى موتورها و فتيسها ميتسوبيشى و تكييف يابانى و الفلوينس موتور و فتيس نيسان و التكييف نيسان . نيسان و رينو شركه واحده .

من حيث الثبات . حضرتك جربتى ثبات الرينو و الاوروبى عموما مع اليابانى قبل كده ؟ من زمان يقولوا مصطلح عربيه بطه على الاوروبى عموما بسبب تقل عربياتهم و اهتمامهم الكبير بالثبات على حساب سحب العربيه بعكس اليابانى و الكورى اللى بيهتم بسحب العربيه و الموتور على حساب وزن و تقل العربيه على الطريق . كنا بنقول عليهم عربيات خفيفه على الطريق . و اسألى اى حد ركب لانسر و رينو الثبات بين الاتنين عامل ازاى .

معاكى فى نقطة مش شبابى دى حقيقه . لها استايل و شكل قياده خاص .

تحياتى :)

ماهو بردو مينفعش تقول الياباني والكوري عربيات خفيفه على طريق عشان الاتنين مش زي بعض ابدا..
يعني اوك ماشي الياباني خفيف بس ثابت جدا و انا جربت عربية قريبي على الدايري و غرز غبيه على 160 و العربيه مبتعومش ابدا و الrespond بتاعها تحفه كمان في الزوايا الضيقه على عكس الكوري اللي خفيف ومش ثابت.. صح اتحسن بس مش ياباني يعني
الأوروبي عموما مبرتاحلوش البيجو والرينو والكلام ده مبيدخلش دماغي على السرعات العاليه بحس اللي انا بطلبه من العربيه مش اللي بلاقيه يمكن ده ليه علاقه بإن كان معايا نوبيرا او مش عارفه ليه
انا شايفه ان الفلونس عايزه راجل لابس بدله رايق و هادي و شيك.. عمري ما هستسيغ شكلها و هيا ماشيه على 160 و جواها واحد لابس شورت مثلا

المشاركة الأصلية كتبت بواسطة just_magdy1

اتفق مع حضرتك فى كل ما قلته تقريبا فيما عدا ثبات الفلوانس الاتنين نفس مستوى الثبات وانا سقت الاتنين وامتلكت الاتنين

اوك تمام معاك حق يمكن التعبير خانني شويه بس انا بحس رد فعل العربيه على اللي انا طلبته منها بالذات في المواقف اللي انا بحتاجلها فيها افضل في اللانسر..
تمام كده؟؟

المشاركة الأصلية كتبت بواسطة dr.mg

السلام عليكم
بعد التحية للجميع , عايز اضيف بعض النقاط
اولا اللى عايز يقارن الثبات فى عربيتين مختلفتين لازم يكون هو نفس الشخص ويمشى بيهم نفس المسافة وبنفس السرعة العالية وفى نفس الوقت وفى نفس الظروف من زحمة مثلا اوحر او مطر او غيرة
ثانيا موضوع الاحساس بثبات العربية دة بيختلف من شخص للاخر مع انها نفس العربية ودة حسب احترافية القيادة
واكبر دليل على كدة هو كلام استاز just_magdy1 ان الاتنين بنفس مستوى الثبات ,,انا بختلف معاة لان لازم يكون ف فرق بنهم فى الثبات لاكن هو قال الكلام دة فالغالب لانة بيعرف يتحكم فى القيادة كويس جدا فملاحظش الفرق دة
من الاخر اللى بيعرف يسوق كويس لو ركب فيرنا هيااول بسم اللة ماشاء اللة العربية ثابتة وتمام واللى مابيعرفش لو ركبتة بى ام هتلاقية مكلبش فالدريكسيون وماشى اخرة على 80 فالسريع وخايف يزود

مش عارف حضرتك بتتفق معايا ولا مختلف معايا فى الاول حضرتك قلت ان اللي يحكم لازم يكون هو نفس الشخص إللى جرب العربيتين فى نفس الظروف وانا بقول لحضرتك أنى امتلكت العربيتين وباكد لحضرتك ان الثبات واحد .
وده ما يقللش من الشارك لانها فعلا عربيه ممتازة ويكفى أني أقول لحضرتك أن اخر تلات عربيّات معايا قبل الفلوانس كانوا شارك بس حقيقى فعلا الفلوانس بتتميز عن الشارك من وجهة في نقاط كتيره أهمها بالنسبه ليا نعومة ألعربيه ..عفشة موتور ..فتيس .. بالاضافة الى العزل تقبل تحياتي