الموضوع: قربه مياه المساحات بالموتور ولوحه عداد للبيع

المشاركة الأصلية كتبت بواسطة فادى محمد

بالمناسبه يا اتش..
انت اشتريت سيستم رشاشات الفوانيس وركبته في الاكصدام مع تغيير الاربه بالموتور؟ ولا اشتريت اكصدام كامل برشاشاته ؟ والاسعار ايه؟ مشكور مقدما

الحكايه بدأت لما لقيت اكصدام استيراد بلون عربيتى حالته حلوه جدا بس فاضى .. من غير الفوجات والشبكه اللى تحت وكده
اشتريته وركبته وكان فيه طبعا الخرمين بتوع الرشاشات
من هنا جت الفكره ليا انا وعبد الرحمن حجاج لانه كان معايا واشترى اكصدام معايا بنفس الطريقه

انت ما عندكش مشكله من ناحيه الاكصدام لانك ممكن بسهوله تعمل فيه خرمين على قد الرشاشات
بالنسبه للتكلفه هى ١٥٠ جنيه تمن القربه ومفتاح المساحات ابو حركتين
ولو سألت عليهم عند حد تانى غير السورى هايبقوا اغلى من كده
طبعا انا مش لاقى الرشاشات الاصليه بس استعوضت عنهم برشاشات مساحات كبيره تقريبا بتاعه عربيه نقل
جبتهم ب ١٥ جنيه
الخراطيم هاتجيبها من اى حد بتاع اكسسوار طبعا
بالنسبه للرشاشات الاصليه موجوده على موقع اى باي بس لقيناها على ما توصل هاتبقى ب ٤٠٠ جنيه وعبد الرحمن اقنعنى انى اصبر شويه لغايه اما نلاقيها مرتاحه
بالله عليكو اللى يقرأ الموضوع ده وعارف سكه ليهم يقولنا ههههههههههههههه
تحياتى

بص يا باشا وركز معايا ... القربه بتيجى بموتورين واحد منهم اللى هو فى الاصل بتاع رشاشات الفوانيس ده مش هانشغله لان له مفتاح مش موجود عندنا
الموتور ابو روحين ده ماينفعش نستبدله ب T على الموتور القديم لانه كده زى ما انت قولت بحركه واحده هاتدخل المياه على الفوانيس والمساحات فى نفس الوقت
بمجرد ما تركب المفتاح والقربه وبالمناسبه كل الفيش هتلاقيها موجوده عندك ان شاء الله من غير اى تعديل
اول ما تركب وتوصل المفتاح ده


هاتشده عادى عليك هتلاقى المساحات اشتغلت و ناحيه من الموتور ابو روحين طلعت ميه ودى الناحيه اللى هانوصلها فى خرطوم المساحات
هاتزقه على الطابلوه هتلاقى الناحيه التانيه من نفس الموتور طلعت ميه بدون ما المساحات تشتغل ودى اللى هاتروح على رشاشات الفوانيس

المفروض الطرف اللى احنا وديناه على رشاشات الفوانيس ده فى الاصل بيروح على مساحه الزجاج الخلفى فى العربيات اللى فيها الاوبشن ده ... والموتور التانى اللى احنا ما اشتغلناش بيه هو فى الاصل بتاع رشاشات الفوانيس بس انا مش عارف انهو زرار او مفتاح بيشغله مع انك هتلاقى فيشته موجوده عندك ان شاء الله زى ما لقيتها عندى
بالنسبه للرشاشات اللى انا مركبها مش محتاجه تيله ولا حاجه لانها ركبت بالظبط كأنك بتركبها فى الكبوت ... دخلت ضغط

انا من الاخر ما وصلتهاش زى ما الخواجه عملها ... بس شغلتها برضو من غير اى لعب فى الكهربا وبشياكه ومن نفس مفتاح المساحات
وماتنسانيش فى الرشاشات يا باشا
مساء الفل