الموضوع: محتاج للمساعدة جداً من اهل الخبرة فى فيات 127

مساء الخير على كل الاعضاء:
انا الناس الى اتعملت معاهم علشان اصلح عربيتى بعد الحادثة للاسف كلة كان بيشتغلنى و انا مش فاهم اى حاجة.

اتمنى انكم تقدروا تساعدونى :

انا عندى عربية 127 نصر موديل 1982 متسقط فيها ماتور توب 1050 سى سى . العربيه بصراحة اول لما اشتريتها كانت زى الفل كانت مشكلتها الوحيدة انها بتسخن و ده طلع علشان الزور بتاع ترمبة الميه كان متاكل و روحت عند الخراط و عملت واحد جديد و من ساعتها و هى مافيش اى عيوب . بس للأسف عملت بيها حادثة و خبط فى رصيف و و غيرت قنطرة اماميه و السمكرى استعدل بعض الاجزاء فى الحوض و من ساعتها بقى و كل شوية تتلعلى مشكلة جديدة و انا بصراحة تعبت و زهقت و مش عارف اعمل ايه .

المهم بعد ما السمكرى خلص شغلة و رجعت الماتور روحت اظبط زوايا و مشيت بالعربية يا دوب 10 دقايق و لقيتها بترزع كل ما ادوس بنزين على كل الغيارات جبت المكانيكى شافها قالى ارجع للسمكرى علشان الشاسية مفتوح رجعت للسمكرى و سبتهالة ساعتين قالى انها كدة تمام و مافيش اى مشكلة اخدتها من عاندة ماشية بس العجل طبعا بيحك و بيعمل صوت جامد اوى روحت اظبط زوايا تانى و بتاع الزوايا قالى كده تمام بس من ساعتها العربية مش مظبوطه و الدركسيون مش فى النص زى ما كان و كمان بتحدف يمين و شمال.

اخر حاجة عملتها روحت لمكانيكى فك العجل و حاول يظبطها هو ظبطها فعلاً شويه بس مش الى هو بردوا العربية فيها حاجة غلط بس المكانيكى ده فك الدراع الى بيحرك العجلة اليمين و قطع منه نص سانتى عند الخراط من ساعتها حاسيت انها ياعنى اتظبطت شويه بس بردوا فيها حاجه غلط و بردوا الدركسيون مش فى النص الطارة لافه يمين شوية.

يا ترى اعمل ايه انا زهقت اوى يا ريت بجد تقدروا تساعدونى .

شكراً جداً جدااااااااااااااااااااااا اااااااً

ممكن موءقتا تفك الطاره و تعدلها و بعدين تربطها تانى بس ساعه ما تعمل كده تبقى متاكد ان العجل مضبوط لقدام علشان لوحه الدركسيون تروح
مع ملاحظه ان ده مجرد حل لشعورك ان الدركسيون معووج لكن مالوش اى علاقه بمشاكل العفشه عندك