الموضوع: العربية بتحدف من ورا افيدوني

انا شاري عربية الانترا 2009 من كام يوم المهم العربية من قدام تمام المشكلة ان العربية بتحدف من ورا يمين وشمال كأنها بتتزحلق مع ان الارض مفيش فيها زحلقة ومش مركب علايات ولا حاجة العفشجي قالي غير القنطرة اللي ورا غيرتها والمشكلة لسة زي ماهيا ارجو الافادة

هو فعلا السؤال بتحدف من ورا في انهي حالة سواقه .
هل بتحدف و انت بتاخد ملف
بتحدف في المشي المستقيم
بتحدف و انت بتفرمل .

الاسباب المحتملة .
1 - التايرز , ممكن يكون العجل الي ورا جايب اخره و الي اودام لسا حالته كويسه و ده ممكن يكون ان حضرتك بدلت العجل الامامي مكان الخلفي , فا العجل الي ورا خلاص مش قادر يدي ال traction الي العربية عاوزاه فا العربية بتتزحلق من ورا .

2 - ممكن يكون فيه مشكلة في العفشة الي ورا ممكن في المساعد او الياي و المشكلة دي هتبان معاك و انت بتاخد ملف

3 - زوايا ممكن العربية تكون واخده كامبر زيادة من ورا فا ده مأثر على التراكشن الي بيديه العجل فا بيأثر على ثبات العربية او ممكن العربية تكون واخده زاوية تو فا برضو نفس المشكلة , فا انت كدا هتحتاج زراجين .

لو مكانك هعمل التالي .
1 - راجع نفسك هل في فتره بدلت الكاوتش الامامي مكان الخلفي , لو كدا يبقا احتمال المشكلة في الكاوتش
2 - روح لبتاع زوايا يقيسلك زوايا العجل الخلفي و اطلب منه يقولك ارقام الزوايا القياسية للعربية و يقولك الارقام الي هو قاسها خصوصا للكامبر و التو و لو لقيت الزوايا مختلفه اختلاف كبير يبقا انت محتاج ظبط زوايا و هيتم بالزراجين بس روح لحد متخصص ,
3 - اخر حاجه اكشف على المساعدين و السوست بس كدا انت بتتكلم في مساعد متدمر تماما لدرجة انه عملك المشكلة دي بس المشكلة دي لازم تبان اكتر في الملفات .
لو انت ماشي في خط مستقيم و الحدفه دي بتحصل يبقا كدا زوايا .

في حالة تانية ممكن تكون المشكلة بتظهر و انت بتدوس فرامل , فا كدا بنسبة كبيره هيكون مشكلة في نظام الفرامل .