الموضوع: هــل الريجاتا أفضــل من الـ 131

الريجاتا احسن من 31
1- الشكل احسن
2- اوسع
3- محرك احدث
4- مكيفة
5- قطع غيار اكثر
6- انعم

المشاركة الأصلية كتبت بواسطة ahmedsrs

الريجاتا احسن من 31
1- الشكل احسن
2- اوسع
3- محرك احدث
4- مكيفة
5- قطع غيار اكثر
6- انعم

+ فيه موديلات ب زجاج كهرباء وكمبيوتر اعطال واعمل بحث عن

الريجاتا هتلاقى مواضيع حلوة عنها

المشاركة الأصلية كتبت بواسطة mrghost

طبعا ال131 افضل لانها دفع خلفى وبالتالى مفيش مشكلة الكبالن وكمان ده بيزود وزد العربيه مما يعنى ثبات اكثر على الطريق بخلاف الريجاتا فاضيه من الخلف وكمان عاليه مما يعنى انها ممكن تعوم مع السرعات العاليه بسهوله

خذ بال حضرتك ان الدفع الخلفى فيها مشكله الكورونا لو حصل فيها حاجه لا قدر الله ثمنها مبلغ و قدره
لا توجد مشكله كبالن فى الريجاتا الا فى حاله ضعف العفشة و الشاسيه و لو حصلت مشكله فى الكبالن حلها صيانه او تغيير جوز كبالن 170 جنيه لكن مشكله الكورونا هتفتح باب كبير جدا

المشاركة الأصلية كتبت بواسطة maka

+ فيه موديلات ب زجاج كهرباء وكمبيوتر اعطال واعمل بحث عن

الريجاتا هتلاقى مواضيع حلوة عنها

و فيه موديلات فيها باور ستيرنج (85s) و (100s)
و لو لم يكون فيها باور الدركسيون مبنى على سكاترا ناعمه جدا تجعله خفيف لدرجه لا تصدق بالقياس للسيارات الاخرى فى نفس الفئه مثل اللادا

المشاركة الأصلية كتبت بواسطة mrghost

مع احترامى لرأى اخوانى الاعضاء بس مال131 فى منها مكيف وزجاج كهرباء وباور وسنتر فابريكه وموتورها برضه حلو وموجود من 1300 او 1500 او 1600 او 2000 سىسى وهى امتن من الريجاتا من ناحية الشاسيه

الاختلاف فى الرأى لا يفسد للود قضية

القرار الاول و الاخير بيد من يقتنع بالموديل اولا ثم يبحث عن سياره مستعمله بحاله جيده

و مين عارف مش يمكن يلاقى عربيه موديل تانى خالص احسن من الاثنين بسعر كويس ؟!

حصلت مع واحد صاحبى كان بيشوف عربيه 128 يشتريها على 28 الف (كانت موديل 2000 تقريبا) و لقى بالصدفه واحد عارض عربيه مازدا 323 مكيفه بحاله المصنع بلا مبالغه بـ 27 الف فغير رأيه فى ثانيه و اشتراها

الله المستعان

عن تجربة مع دى ودى الريجاتا برقبة ال131 لو افترضنا ان الاتنين بحالة واحدة

الريجاتا صالونها اوسع بمراحل
الريجاتا شنطها قد شنطة ال131 بمرتين على الأقل
الريجاتا موتورها أنعم من موتور ال 131 لأنه كامة علوية وبدون تاكيهات
الريجات سحبها افضل بكتييير من ال 131 ، حتى من ال131 1600 ، لأن موتور الريجاتا 1500 قدرته الحصانية اكتر من قدرة موتور ال131 1600 القديم ، الى جانب انه جر امامى وده بيوفر كتير جدا من اهلاك القدرة فى آلات الجر
الريجاتا بلا جدال اثبت على الأرض فى السرعات العالية وده لأن قاعدة عجلاتها اطول واعرض بشكل واضح من ال131
الريجاتا افخم من جوة من ال 131 بكتير لأن ال 131 تصميمها يعود للسبعينات لكن تصميم الريجات اللى كان سابق عصره لا يتختلف عن سيارات اوائل التسعينات
قطع غيار الدفع الخلفى فى حالة الاحتياج اليها مكلفة جدا ، فيكفى ان نعلم ان تمن كورونا الدفع الخلفى بتاعة ال 131 استيراد وتعبانة وطلعان عينها بيعدى ال 2000 جنيه، تمن فتيس ال 131برضه بيعدى ال 2000 جنيه ، وولسة عندنا آلات الجر فيها فلانشات وصلايب واكسات الديفرانسيل مجموع تمنهم لن يقل عن 1000 جنيه تانى، علما بأن كورونا ال131 معدل مشاكلها عالى، فى حين ان فتيس الريجاتا شامل الكورونة بتاعته(لأنهم قطعة واحدة) تمنه كله 1000-1200 جنيه ، واصلا عمره ما بيجيب مشاكل، وجوز الكوبلن تمنهم جديد ايطالى 250 جنيه وجوز اكسات الكوبلن فى حدود 200 جنيه ، يعنى آلات جر الريجاتا كلها فى حدود 1600 جنيه مقابل 5000 جنيه لل131 ، اكثر الأشياء احتياجا للتغيير فى الجر الامامى هى الكبالن(يعنى ممكن كل 100 ألف كيلو مثلا لو نوع كويس واستعمال نضيف) تمنهم 200 جنيه، فى حين ان اكثر الاشياء احتياجا للتغيير فىالجر الخلفى هى الكورونا (لو جايبها استراد ولو وقفت على شعرك عمرها ما هتكمل 60-70 ألف كيلومتر) وتمنها 2000 جنيه

يبقى مين اللى قال ان الدفع الخلفى فى الفيات القديم افضل من الجر الأمامى