الموضوع: سؤال بخصوص السماعات الكينود 500 وات

المشاركة الأصلية كتبت بواسطة AHMED_HAMDY

السلام عليكم


انا نويت اجيب طقمين كينود ال 500 وات العاديين


طبعا بعد مسئلت اكثر من مره هنا واغلب الاعضاء قالولي الكينود افضل من السوني والبايونير


نزلت اخد لفه هنا في المكان الي فيه


موجود عند الناس بس كله يقولي نصيحه خد البيونير بلاش الكينود اغلب المحلات ده راييها مع ان عندها الاثنين



السؤال هنا بقى

الكينود ال 500 سعرها عند ناس 420 وناس 400 وناس 320 وناس 350 دي اول حاجه

الصناعه اما سئلت واحد على النت عنده محل قالي ماليزي الي عندي وناس عندها صيني


للافاده بقى اعرف ازاي السماعات لو مضروبه من تققليد

انا هنزل من الزقازيق اشتري من القاهره في الاغلب ومش عارف اماكن كثير لو حد معاه رقم تليفون او حد مستري منه توكيل صقه يقولي برضه

او يقول هيا صناعه ايه الي كويسه واعرفها ازاي وسعرها واسف على الاطاله بجد

شوف يا احمد السماعات الموجوده فى السوق 90% منها صينى بس فى منها توكيل اصلى وفى منها مضروب وعشان تريح دماغك من الموضوع ده قدامك ثلاث حلول
اول حل انك ممكن تروح تجيب من التوكيل بتاع كينود وتريح دماغك وعندك فروع وموزعين كينود كثير فى فرع فى احمد عرابى فى المهندسين وفى توكيل كينود فى التوفيقيه وفى توكيل سيمفونى فى التوفيقيه موزع لكينود وعندك فروع ادريان والسجان كل دول بيبيعوا كينود
او تدور على الكينود الاندونيسى الاصلى بس دى غاليه شويه لانها زيها زى اليابانى بتاعت زمان
او تجيب كينود 400 وات دبل بيز فيتنامى ودى لو فى منها مش اصلى بيبقه مكتوب عليها صناعه صينى مش فيتنامى
ودى شوية صور للسماعات الاندونيسى والدبل بيز
اول ثلاثه للسماعات الكينود ال 500 وات العاديين الاندونيسى الاصلى






ودى صور للسماعات ال 400 وات الدبل بيز

المشاركة الأصلية كتبت بواسطة ahmed_hamdy

والله انا عاجز عن الشكر ليك بجد مش بتتاخر عن حد


يعني افهم من كدا ان ال 500 العاديين اغلبهم صيني بس الصيني فيه مضروب وفيه بتباع في التوكيل او الموزعين المعتمديين

وفيه اندنوسي ؟ ده بالنسبه لل500

يا باشا لا شكر على واجب
انت كده وصلتك المعلومه يعنى هات حاجاتك من مكان موثوق فيه او التوكيل او الموزع المعتمد
بس فى ملحوظه السماعات الاندونيسى مش موجوده ونادرا لما تلاقيها غير بعد لف كتير جدا وسعرها
ضعف سعر الصينى يعنى اخر سعر كنت شاريهم من حوالى 6 شهور
و كانوا ب 590 جنيه من محل اسمه البركه فى التوفيقيه

والله انا عندي سماعات بيونير 500 وات 3way وصوتهم ماشاء الله عليهم مركبهم على كاسيت بيونير
وكنت مركب الاول سماعات كيينوود وتقريبا الفرق بسيط بينهم