امامي سياره c280 2008 فضي فرش اسود فابريكه من الداخل والخارج عداد ٨٠ الف كيلو بحاله جيده وكشف الشركه اوضح انها تحتاج الي ٢ مساعد امامي وطنابير اماميه وانا اعتقد انها تحتاج الي كاوتش ايضا والمطلوب فيها بعد الفصال ٢٦٠ الف هل هذا السعر مناسب ولا لا والبائع يحتاج الي رد مني سريعا ارجو لمن له خبره ان يفيدني
زود شوية (مش كتير) و هاتلك 508 هاي لاين و هتبقي راكب عربية زيرو من الأول و بامكانيات جبارة ... أنا مش بقارنها بالمرسيدس لأن مفيش وجه مقارنة و لكن طعم الزيرو يفرق و هتاخد منها كل ما تتمناه ... قوة و سحب و ثبات و وسع و راحة و كماليات لا تحصي و حاجات كتير لو قعدت أحكي مش هخلص :)
260 مناسبة للمرسيدس بس نصيحة ماتشتريش حاجة انت عارف إن فيها حاجة عايزة تتصلح ... الواحد بيجيب العربية عشان تريحه مش تخنقه :)
طبعا بغض النظر انها مرسيدس (جباره) وبغض النظر ان قطع غيار الالماني ممكن تعمر اكتر من مبنى سكني عندنا .. بس االزيرو ليه فرحته كده ومعاك ضمانك . يا عالم فيها خازوق كبير .. استخير كده بس انا رأيي زيرووووو .. موفق في الشراء انشاء الله
السعر معقول لكن اخصم منه ثمن الحاجات دى ...اقتباس:
المشاركة الأصلية كتبت بواسطة ashmawe
او تخلص على ٢٥٠ و اعمل انت الحاجات دى لو متأكد ان باقى الحاله ممتازه ...
و ال ٢٨٠ موتور شديد ٢٣٠ حصان و عزم ٢٧٠ نيوتن و بنزين ٩٢ و زى الفل :)
تحياتى ...
ال508 163 حصان و عزم 240 نيوتن.متر و بنزين 92 زي الفل برضه :)اقتباس:
المشاركة الأصلية كتبت بواسطة batman372
على عينى و راسى بشمهندس مارك .. لكن لا وجه للمقارنه :)اقتباس:
المشاركة الأصلية كتبت بواسطة ENG.MaRk
احنا بنأكد ان ال ٥٠٨ هى البديل الاوفر للمرسيدس و البى ام و لكن ليس المنافس ... حتى لو استعمال نظيف ...
السى ٢٨٠ مو ٢٠٠٨ عزمها للتصحيح ٣٠٠ نيوتن و قوه ٢٣١ حصان و تسارع فى ٦.٩ ثانيه ...
و كانت زيرو فى ٢٠٠٨ ب ٤٦٠ الف .. يعنى اليوم اما تلاقيها بحاله ممتازه و تقريبا بنصف السعر يبقى قمه الاغراء و best good money value و حيخسر مستقبلا اقل من اى عربيه زيرو رنجها ٣٠٠ الف ... لانه كاسر مبلغ محترم بالفعل ... غير طبعا انها مرسيدس تتباع هوا ...
و لو كان فيه سى ٢٨٠ الشكل الجديد مو ٢٠١٥ كامت حتعدى ال ٦٠٠ الف ...
فقط يجب التأكد ان الحاله ممتازه ... غير كده مفيش اى مشاكل و حيستمتع جدا بالعربيه غير طبعا فخامه المرسيدس ...
انا فى التوكيل بشوف عربيات مو ٢٠٠٣/٢٠٠٤ و عامله بال ٢٥٠ الف كم و حالات زى الساعه السويسرى ...
تقبل تحياتى ...
يا باشا لو حضرتك قريت أول مشاركة ليّ هتلاقيني قلت إن البيجو مش بديل للمرسيدس و لا ينفع حتي تتقارن بيها :) ... بس لما تدفع مبلغ محترم (ربع مليون) في عربية من سبع سنين و عاملة 80000 كم في حين إنك ممكن تبقي راكب حاجة زيرو و مش قليلة برضه يبقي انت حسبتها صح ... عموما علشان أجيبلك المفيد يا باشا أنا لما اقترحت عليه ال508 ما ألزمتوش بيها و قولتله لازم تجيبها ... أنا رأيي كان مجرد نصيحة و صاحب الموضوع هو الوحيد الحكم في الموضوع :)اقتباس:
المشاركة الأصلية كتبت بواسطة batman372
اولا شكرا على الرد يا بهوات بس انا اصلا راكب c 180 2004 بقالي اربع سنوات وعارف يعني ايه مرسيدس مع احترامي لكل ما ذكره سيادتكم بس المرسيدس لا تقارن باي حد والي ركب مرسيدس عارف الكلام ده مش حتعرف تركب عربيه تانيه للاسف يعني حتدمنها وصعب تنزل منها لانك من الاخر حتحس انك فعلا نزلت مهما ركبت زيرو مع احترامي للكل المهم ربنا يسهل بس انا خايف بصراحه من استلهلاك البنزين يكون كثير
حضرتك طلبت النصيحة و أنا قولت اللي عندي :)اقتباس:
المشاركة الأصلية كتبت بواسطة ashmawe
يا باشا أنا معايا في ألمانيا e63 amg يعني أحسن مرسيدس ممكن تركبها و برضه معايا ال508 و راضي عن أدائها ... أنا باتكلم عن فئة سعرية بوجه عام مش بقارن بين شركة و شركة لأن بشهادة أي حد في العالم مرسيدس ماتتقارنش !!!
E63 amg يعنى راجل ميرك/بنزاوى صرف :) و سايبنى اوضح يعنى ايه مرسيدس :)اقتباس:
المشاركة الأصلية كتبت بواسطة ENG.MaRk
و كمان فى المانيا ... يعنى تعرف تطلع براحتك الوحش beast الى فالموتور على الاوتو بان :)
تحياتى ...
الفرق الى حتشعر به النقله الكبيره من قوه موديلك ال ١٤٣ حصان لل ٢٣١ !!!!اقتباس:
المشاركة الأصلية كتبت بواسطة ashmawe
طبعا بالاضافه ان الشكل w204 افضل و مختلف من موديلك w203 كركوبه و راحه ...
البنزين بصفه عامه فى كل مواتير مرسيدس غير موفر للبنزين عكس مواتير البى ام ...
لكن لا اعتقد انه حيمثل مشكله كبيره لو عثرت على الحاله الممتازه المتصانه ...
اومال الناس الى عايزه و حاجزه السى الجديده و لازم ٩٥ تعمل ايه .... :)
تحياتى ...
بس اعتقد ان شركه زي مرسيدس لازم حتحل مشكله البنزين ٩٥وترجع الي البنزين ٩٢ باي طريقه لازم يحلو المشكله لان كده الخسائر حتبقى فادحه المهم انا بفكر الغي فكره السي ٢٨٠ دي واروح احط الفلوس دي مقدم لc180 2015 وافسط الباقس يعني لو اتفضل مائه الف على قسط سبع سنين حيبقى القسط حوال الف جنيه مش كده احسن ولا خليني في ال٢٨٠ ايه رايكم
أقل فئة c180 2015 ب 378000 بس بصراحة تستاهل ... سيبك من c280 و خليك في ال180 و قسط الفرقاقتباس:
المشاركة الأصلية كتبت بواسطة ashmawe
بفكر جديا في كده اصل مينفعش يكون الفارق حوالي مائه الف جنيه بين عربيه ٢٠١٥ وعربيه ٢٠٠٨
الفرق مش في الفلوس بس علي فكرة ... عندك فرق في قوة الموتور و الكماليات و كل حاجةاقتباس:
المشاركة الأصلية كتبت بواسطة ashmawe
قصد حضرتك ان الفرق لصالح الc180
آه قصدي لصالح ال180 و عندي 100 دليل يثبت كلامي
متفق مع سعادتك تماما بس انا بصراحه مش مرتاح لموضوع اني احط بنزين ٩٥ ده لان كده العربيه حتبقى مكلفه جدا وبعدين في السفر حنجيبلها ال٩٥ منين في البنزينات التعبانه يعني حتكون معرضه للخطر وده شيء مقلق انما لو عدلوها تقبل ٩٢ عادى يبقى ١٠٠/١٠٠ صح
يبقي تسمع كلامي و تجيب ال508 أو الانسيجنيا :) !!!اقتباس:
المشاركة الأصلية كتبت بواسطة ashmawe
صعب ابعد عن النجمه لو كده يبقى خليني زي ما انا راكب السي ١٨٠ بتاعتي وخلاص لحين اشعار اخر
انت عايز تغير للتحديث ولا العربية زعلتك في حاجة ؟!اقتباس:
المشاركة الأصلية كتبت بواسطة ashmawe
هات E-class من 2004 ل 2008 هتلاقيها في حدود السعر اللي معاك ده و بالنسبة لك نقلة برضه :)
للتحديث فقط هذا اولا بالاضافه الي اني مش من محبي e انا من عشاق الc وخاصه الشكل الي بنتكلم عنه وكمان الموتور الكبير السته مع اسطبل الخيل الي تحت رجلك ده كلام تاني خالص بس دلوقتي الواحد شكله لا حيبيع ولا يشتري لحد ما الصوره تتضح ونشوف مرسيدس حتعمل ايه في مشكله البنزين دي وفي ضوئها نتصرف ان شاء الله
أنا شخصيا من عشاق الe و هي شكلا و مضمونا أحسن من الc ... لو عايز تغير هات حاجة دلوقتي لأن مستقبل العربيات مجهول في مصر
سبحان الله انا بقرا الكلام مع الابتسامة العريضة لاني حاسس اني بكتب كلامك كله :)
يا بيه انا نفس قصتك بحذافيرها :))
ومنت هحجز ال c قولت لا عشان البنزين
فكرت في 508 اولت لا عشان مقدرش اسيب البنز
قالولي هات e 280 2008
ومعايا c240 2004 avantgrande
نفس قصتك ووقفت كل حاجه لاني محتاج اركب زيرو و فكرت في GLK اخر حاجه
ولسه موصولتش لحاجه برده
تحياتي
اؤيد اقتراحك ...اقتباس:
المشاركة الأصلية كتبت بواسطة ENG.MaRk
ال e ٢٠٠ w211 مو ٢٠٠٤ classic لو حاله ممتازه .. رنجها ٢٧٠ ...
اخر ٢٠٠ كامله elegance مو ٢٠٠٩ w211 الفيس ليفت فى رنج ٣٣٠ ... لانهم وقتها جمعوا ١٦٠ عربيه بالعدد و مطلوبه جدا ...
تحياتى ...
فعلا مستقبل السيارات مجهول في مصر احسن حاجه الواحد لا يبيع ولا يشتري لحد ما نشوف حتتحل ازاي وده الي انا وصلتلو لاني ياست واتنفخت واعصابي مش مستحمله السوق كله نصابين والعربيات مكسره وكلها خوازيق ومحدش عنده ام ضمير في سوق المستعمل الواحد كان ممكن يلبس في ستين حيطه انما ربنا بيسترها الحمد لله الواضح ان الزيرو مفيش احسن منه بس لما الدنيا تتضح مرسيدس حتعمل ايه بس برده لو صمموا على موضوع ال٩٥ ده انا مش حشتري عربيه افولها ب٣٥٠ جنيه بصراحه ضميري وجيبي ميسمحوليش بكده ليه يا عم هو احنا كفره
ال glk جميل جدا و لكن يعيبها فقط للاسف سعر اعاده بيع واقع جدا ... لو يهمك الموضوع ده ... غير كده عربيه زى الفل ...اقتباس:
المشاركة الأصلية كتبت بواسطة melouk1
تحياتى ...
شاكر ليك اهتمامك بمشاركتياقتباس:
المشاركة الأصلية كتبت بواسطة Batman372
انا مخاوفي تتمثل اكتر في ان ينزل من GLK شكل جديد
يمكن مش فارق معايا قوي ال resale لاني مش هبيع قبل خمس سنين
ان شاء الرحمن ، بس مش عاوز اركب شكل و يجي عليه شكل جديد مثلاً
هو شعور نفسي مش اكتر و الغريب اني بحب البي ام برده
بس مش مقتنع بالعدادات بحس انها من التسعينات اللهم الا الشاشه طبعاً و I drive
اول مره اتخيل. اني مقدرش اركب مرسيدس في مصر جديد وانا مطمن .... لان عمر العيب
ماكان في البنز العيب انا دوله ناميه عالم تالت بجد مالناش في ال95 و الكلام ده ، ده احنا
من الدول القليله في العالم اللي معندناش جيل رابع في شبكات المحمول ، النت بره ال ٢٠ ميجا بتمن ال ٢ ميجا هنا
عشان كده شكلها مفيش بنز جديد مع محطات و مستوى غش ممكن يحطو ميه بصابون مع البنزين و يقولك ده 95
اسف طولت عليكم
تحياتي
هو ضريبة ال glk اقل سعة موتور تعمل كام اليومين دول؟
الضربيه بالتجديد حوالي ٨٠٠ جميه في السنه
800 جنيه بس ؟؟؟!!!!اقتباس:
المشاركة الأصلية كتبت بواسطة ashmawe
هى مش 3000cc ؟؟