السلام عليكم
الحمدلله رزقني الله تعالى بعربية byd 2012 ولكنها بنفس التعديلات بتاعت موديل 2013 من حيث الجنوط واضاءة العداد الازرق لانها علقت نمر نص 2012
انا اشتريتها في شهر 12/2012 من المالك الاول لها وكانت ماشيه 9700 كيلو تقريبا
الحمدلله رب العالمين العربية مريحة ولكنها اتحكت مني كتير
خاصة الاكصدامين الامامي والخلفي وفيه خبطه خفيفة في الرفرف الامامي مطبقاه شوية وخبطه في الباب الخلفي بس حاجات خفيفة كلها لكنها معلمه في العربية
انا محتار بصراحة هل اسمكر وادهن حزام واكصدامين واجدد العربية واسيبها وتكلف في حدود كم لو شغل محترم ؟
ولا ابيعها على حالتها لانها لسه فابريكا بالكامل واشتري عربية تانية فابريكا بالكامل كسر زيرو برضه وممكن يكون فرق السعر كم لو هشتري 2013 كسر زيرو ؟
ولا اقضيها كده وخلاص من غير تجديد ولكن مش مستريح قوي للحل الاخير ده
ياترى لو حضراتكم مكاني تعملوا ايه ؟