الموضوع: إستفسار لأهل الأوبترا أرجوكم

السلام عليكم و رحمة الله و بركاتة

امبارح روحت عشان أشترى أوبترا أوتوماتيك 2014 الشكل القديم و لقيت أن فيها عدد واحد أير باج و كمان طارة مالتى فانكشن ف قولت يا ما انت كريم يا رب

و بعدين صاحب المعرض قالى هقولك على نصيحة
أولاً : العربية دى بتنزل مصر من 2005 عمرها ما كان فيها و لا ايرباج و لا طارة مالتى و لا أى حاجة طول عمرها بينزلوها فاضية تماماً و العربية بتتباع و ناحجة
ثانياً: العربية دى اتوقفت تماماً و مفيش منها و لا عربية خالص فى مصر من حوالى 5 شهور بالرغم من أن كان فى ناس بتسأل عليها لأن الناس كلها عرفت أن الشكل الجديد العربية هتبقى صينى من الألف إلى الياء ف محدش عاوز يغامر بفلوسة

ف هو قالى العربية دى أنا متهيألى ان فيها ريحة الصينى و انا مش مرتاح لها من ساعة ما شوفت الايرباج و الطارة دول

أرجوكم يا جماعة أنا من إمبارح فى حيرة جامدة جداً لأنى كنت رايح أخلص خلاص و فجأة لقيت النصيحة من الراجل اللى المفروض عاوز يبييع

حد يفيدنى لو سمحتم على وجة السرعة لأن انا عارف أن فى جهابزة أوبترا هنا فى القسم

المشاركة الأصلية كتبت بواسطة shamardal

على فكرة هيا كورى
ممكن اعرف موجودة عند معرض مين والسعر كام
علشان عاوز واحدة

باشا انا عدلت عن قرارى فى شراء العربية دى لأنى أكتشف من ملاكها إنها حوت بنزين الفلوس اللى تتحط فيها ممكن تتحط فى ميتسوبيشى لانسر بومة 2013 مثلا و تبقى انت كدة عملت الصح مع نفسك
- عربية معدل إستهلاكها كويس جدا جدا
- قطع غيارها متوفرة جدا جدا و تعتبر رخيصة (مقارنة بقطع غيار اليابانى)

عاوز أسمع أراء الناس برضة