الموضوع: الكهرباء الشهر ده 8 أضعاف كل شهر

المشاركة الأصلية كتبت بواسطة أبو آسر

السبب زي ما قلنا قبل كده هو ان البهوات بياخدوا قرايات عداد وهمية كل شهر أقل من الاستهلاك الفعلي وبتجيلك الفاتورة كل شهر معقولة مش كتير أوي وبتبقى فرحان وفجأة في شهر من الشهور وغالبا بيكون 8 - 9 - 10 يجيبلك القراية الصحيحة مع الفوارق بتاعة الشهور اللي فاتت كلها في شهر واحد وبالتالي يدخلك في شريحة عالية جدا ولو جيت اشتكيت يقولك ده استهلاكك يا بيه احنا مش بنفتري على حد حتى روح شوف القراية في عدادك
مثال:
استهلاكك الطبيعي كل شهر 300 كيلو وات يعني حوالي 65 جنيه حسب الأسعار الجديدة ، ييجي المحصل ياخد القراية 250 ويدفعك 52 جنيه بس ويفضل كده لحد شهر من الشهور يجمعلك 50 كيلو الفرق × 11 شهر = 550 + 300 استهلاك الشهر = 850 ك.و يعني 303 جنيه !! مع ان الـ 50 ك لوحدهم مفروض بـ 8 جنيه بس يعني 8 جنيه × 11 شهر = 88 جنيه لكن علشان انت دخلت في شريحة عالية (الشريحة الرابعة) فالـ 88 جنيه هيبقوا واقفين عليك238 جنيه تقريبا !!
لعبة قذرة واتهرست قبل كده كتير وقلنا الحل ان كل واحد يبلغ قرايته كل شهر من يوم 15 - 20 على الموقع ده
شركة شمال القاهرة لتوزيع الكهرباء
أي خانات مش موجودة في وصل النور حط مكانها صفر
واتأكد من كل فاتورة بتجيلك انها القراية الصحيحة ولو كانت أقل من القراية الصحيحة روح الشركة وبلغهم فورا علشان متتراكمش عليك بعد كده

ما هما فعلاً حراميه ده غير بقى كهرباء العماره جايه السنه دى بس 10 الاف جنيه
بس انا ساكن فى الجيزة هل برضه ينفع اسجل القراءه على الموقع برضه
وهل لو المحصل جه خد القرايه ساعتها بيخدوها من الموقع ولا من المحصل