قررت اطلع عربيتى من الجراج و اركنها فى الشارع احميها ازى؟

**atamim** · 30-10-2008 01:58 PM

السلام عليكم ورحمه الله و بركاته

العربية فرنا مو 2008 من يوم ما جبتها و هية فى الجراج

بس الجراج 150 جنية فى الشهر و انا لسة حفتح بيت فلازم احوش كل مليم

قررت احطها فى الشارع فاحميها ازى من الشمس و التراب

علما بان غطاء العربية ممكن يتسرق و ممكن اى حد يخدة يتغطى بية

هل فية لمعة معينه للعربية او ورنيش حماية؟

ارجو الافادة

**AHMEDCAR** · 30-10-2008 02:12 PM

حاول تركنها فى مكان كويس فى الشارع يعنى ماتكونش مركونه فى ملف ولا حاجه و غطيها

**ahmedsrs** · 30-10-2008 04:44 PM

مفيش فايدة الحافظ ربنا وخد بالك لازم تتختم

**sh23** · 30-10-2008 04:49 PM

شوف جراج تاني يكون أرخص من كدة
عموماً الجراج أرحم من خبطة تكلفك ألوف
((( والله خير حافظ وهو أرحم الراحمين )))

**omardeneo** · 30-10-2008 04:50 PM

مافيش حل غير الكهرباء

**sh23** · 30-10-2008 04:59 PM

المشاركة الأصلية كتبت بواسطة omardeneo

مافيش حل غير الكهرباء

*********
أزاي يعني؟؟؟

**ibrahimsaad** · 30-10-2008 05:10 PM

بص ياباشا

الحافظ هو الله

ولو مقدر تنخبط هتنخبط حتى لو فى الجراج انا كنت راكن عربيتى قدام بيتى فى امان الله سمعت صوت انابيب بتخبط وانا ولاعلى بالى وانا رايح اركب عرفت هى كانت بتخبط فى ايه

الانابيب طارت من فوق عربيه الانابيت وهات يارزع فى العربيه بتاعتى بس الحمد لله كدمات بسيطه

قصدى اقول لك انها كانت واقفه بعيد فى امان الله لكن ربنا قدر لها كده

لكن انا خد بالاسباب واترك النتيجه لله وقم بعمل التالى

1- تخير مكان كويس يكون بعيد عن احتكاك اى عربيه لو مرت بجانبها
2-غطى العربيه بغطاء وده مهم وماتخافش انه يتسرق وانت بتغطيها ابقى سم الله وقل اللهم انى استودعك مالى فانت خير الحافظين
3-عملا بالتوكل على الله ابقى خلى طرف من الغطاء بين باب العربيه والقائم يعنى تقفل على جزء من الغطاء علشان ماحدش يقدر يشده او تربطه برباط ومافيش مانع تركب انذار لو عايز
4-توكل على الله وقل اللهم انى استودعك مالى يامن لاتضيع لديه ودائعه

روح نام وتوكل على الله وسيبها لله وحده فهو خير الحافظين

**Noha.M** · 31-10-2008 11:16 AM

يا رب يحفظلك العربية و ييسرلك امرك و يعينك على امورك و حياتك:)

متخافش ان شاء الله مش هيحصل اى حاجة . انا عربيتي القديمة اتخبطت و هي في

الجراج !! يعني بجد كل حاجة في الدنيا دى نصيب لو ربنا اراد انها تتخبط و انا ركناها في

جراج خاص برده هتتخبط انت بس استحفظ ربنا عليها بس حاول على قد ما تقدر تركنها في

مكان كويس

ربنا يبعد عنها اى سوء و يحفظهالك

**medomada** · 31-10-2008 11:28 AM

طبعا الحافظ هو الله سبحانه و تعالى لكن أنا شايف إن دى خطوه مش صحيحه
الجراج حتى ة ان كان إحتمالات الخبطه فيه وارده لكن بيصون العربيه
إحنا بنتكلم على 60 أو 70 ألف جنيه , الركنه فى الشارع حتخلى العربيه تتبهدل شويه شويه معى الوقت , من ناحيه التراب و المطر اللى الموسم بتاعه على وشك , و الشمس فى الصيف , و أطفال المدارس هواه المزاكره فوق العربيه , و كلاب الليل اللى بيعشقوا النوم فوق السقف, إلخ إلخ إلخ من رأى حرام تستخصر تمن الجراج و فى المقابل تعرض العربيه للبهدله , خصوصا و أعتقد إن كل واحد فينا متعته إنه يشوف عربيته دايما عروسه. مش كده ولا ايه ؟

**Samir Elshahawy** · 31-10-2008 11:39 AM

سيدي الفاضل ..

الف مبروك علي العربية و ربنا يبارك لك فيها , انا مع الرأي اللي قالك ان 150 جنيه في الشهر ارحم من الوف تدفعها نتيجة خبطة واحدة و انا شايف انك مش مقتنع بركنة الشارع , خليها في الجراج احسن , و علي فكرة انا كنت بسافر بالشهور و كنت بركن في جراج كنت بدفع 250 جنيه في الشهر بس كنت مطمئن عليها الي حد كبير لان اخطار الشارع اكتر بكتير مش موضوع خبط و بس

الموضوع: قررت اطلع عربيتى من الجراج و اركنها فى الشارع احميها ازى؟

LinkBack

أدوات الموضوع

عرض

قررت اطلع عربيتى من الجراج و اركنها فى الشارع احميها ازى؟ - انشر الموضوع فى :

-

-

-

-

-

-

-

المواضيع المتشابهه

موضوع هام : قررت انى اقلب عربيتى غاز طبيعى ؟

قررت أبيع عربيتى هل من مشترى

قررت ابيع عربيتى....الحقونى

مش عارف اركنها فين

قررت ابيع عربيتى التمبرا

الكلمات الدلالية لهذا الموضوع

المفضلات

المفضلات

ضوابط المشاركة