الله ينور ياحسام بك بس ممكن اعرف جبت منين الصور ديه والمعلومات ؟
تسلم حبيبى
المعلومات من كتلوج Volkswagen والصور من كتلوجات مواقع قطع الغيار المعتمده من Volkswagen من النت
وطبعا بعد التدقيق فديه معلومات مأكده ان شاء الله
وزى ماعودناكم فى قسم سيات المعلومه المتأكده بنقول عليها والمعلومات الغير مأكده بنقول عليها
عشان تبقى مرجع لزملائى الاعضاء او حتى زوار نيل موتورز
وأنا من النوع الى بتحرى قطع الغيار الاصليه وأماكن بعها وطبعا كل مابحتاج قطع لى وبعرضها هى ومعلوماتها كامله لفائدة الاعضاء لأن ديه مشكلة المشاكل أن احنا نعرف المعلومات وشكل القطعه الاصليه ومنعرفش بتباع فين او نقدر نجبها منين
وقريبا باذن الله هعرف الترموستات الاصليه بتجاب منين وسعرها وقلكم بس لما أحتجها وعلى فكره الترموستات الاصليه موجوده بس عاوزه تدوير فى محلات قطع الغيار الموثوقه أنهارده كنت عند الشهابى ونسيت اساله عليها بس جبت معلومه مهمه وهى زيت الباور الاصلى والمعتمد ل Volkswagen غير زيت جنك خالص والجديد ان الزيت تم تطويره 002 الى 004 وهعرضها فى موضوع تجارب الاعضاء لقطع الغيار وبالصور
تحياتى
حسام بيه جاب من الأخر
وفعلا مش كل الكوع زي بعض ونازلة علي شكلين حتي لنفس المحركات ال1400 mpi الأنجيكشن الكامل المختلفة في الأكواد
وللعلم اكتر محرك مشابة للمحرك ال1.0 AER الأستوك في قطع غياره هو المحرك APQ ال1.4
تحياتي
طب دى ترموستات الكوع 84 درجة ، اجيب واحدة للردياتير تشتغل عند 87 ولا الرقم هيختلف ؟
وياريت يا بشمهندس حسام لو تكرمنا وتسرع فى البحث منين بيجى الأصلى عشان خلاص قربت جدا اركبها ان شاء الله
بص يا باشا انا كلمت الدالي الي في فيصل سالته قالي عنده الترموستات اصلي الالماني بس مقالش سعره . بس انتم ايه رايكم في الدالي حاجته كويسه ؟
انا جربت الدالى كانت حاجاته كويسه بس سهل عنده يقول ألمانى
وانا كلمت ناجح اللى ف اول فيصل وقالى انها صينى وفى حدود 70ج بردو
وكلمت الشهابى قالى معنديش
ولاحظت انك لما تتكلم مع اى تاجر فى مسألة بتفتح على كام 84 ولا 90 ولا الكلام ده .. يقولك لاء ورينى صورتها !!!
أنا قلق جدا بسبب الموضوع ده