ايه افضل برفبوم شبابي يكون فوااااااااح و حط خمس ست سبع خطوط تحت فواح .... و ياريت يكون سعره في حدود ٦٠٠ جنيه :shyy:
عرض للطباعة
ايه افضل برفبوم شبابي يكون فوااااااااح و حط خمس ست سبع خطوط تحت فواح .... و ياريت يكون سعره في حدود ٦٠٠ جنيه :shyy:
ارمانى كود اكثر من رائع
رائحة قوية يعنى Eu Du perfume دة بقى بيبقى مركز وبيقعد اكتر من خمس ساعات
خلى بالك لان Eu Du Tollite خفيف جدااا ومابيقعدش غير ساعتين بالكتير
خمس خمسات
212 vip
وان مليون
جرب ال xs فقط مش البلاك رائع جدا جدا وللاسف اغلب الموجود منه مش اصلى وبيباع على انه اصلى
كان المفضل عندى من فتره ...
اهم شىء للعطر انه ميخنقكش لانه لو عملها هيخنق اللى حواليك
الاكثر تركيزا ... البرفيوم .... ويليه فى التركيز .. اوديو برفيوم ... وبعديهم الاقل اوديو تواليت.. وبتاع البيبى بقى اوديو كولدج وده حاجه كده باماره
كارولينا هيريرا
ون ميليون
هوجو بوس
ون مان شو
سيلفر سنت
روشاس
لعدم ثقتي في البرفانات الجاهزة
باعمل تركيب وخلاص
مع اني نفسي اجيب جاهز بس يكون اصلي وبخااف اتغش فية :(
اشتريت برفان اوجينال من دولس اند جابانا اسمة the one
وغالى بصراحة بس ثباتة مش اكتر من ساعة وبعد كدة بخ
أنا هقول اللي جربته one man show gold edition
او تحط AXE مزيل بيستمر طول اليوم
هوجو بوس الارزق بس خلاص مش لاقيه
قالولى ايفوريا زيه لكن للاسف مش بيقعد خالص
جرب الآتى
Cartier declaration d'un soir EDT
Blue de Chanel القديم إصدار 2010 و ليس 2013 بس ده أكتر من 600 جنية
Azzaro summer ده فواح جدا و يناسب السن و ثباته عالى ممكن يستمر ل 5-6 ساعات
Guirlan l'instant
يوجد أنواع قديمة شويتين بس مازالت لها شعبية و رائحتها شبابية و ثباتها كويس
cool water from Daffidov
CK one
Givency Instant
و أسعارها لا تتعدى ال 600 جنية
الأهم إن العطر يكون أصلى فعلا و ليس صينى أو جبل على أو مكسيكى .
هريراا 212 روعة
التركيب بيخليني عايز ارجع بصراحه :(
جرب Dior Homme هيعجبك بس غالي شويه ب 950 جنيه
ملاحظات لضمان ثبات العطر أطول فترة ممكنة
1-العطور لا ترش على الجلد مباشرة و بالذات تحت الإبط لإنها تتفاعل كأى مركب كيمائى مع غيرها و بالتالى الرائحة تتغير
2-العطور الصناعية (مكوناتها عبارة عن مواد كيميائية تصنع فى المعامل و ليست مكونات طبيعية ) و المركبة قد تسبب حساسية و أضرار للجلد
3-يفضل رش العطر على الملابس و ليس على الجلد.
4-يمكن إستعمال مزيلات العرق عديمة الرائحة أو ذات الروائح الخفيفة لتقليل رائحة العرق خصوصا فى الأجواء الرطبة الحارة زى عندنا فى مصر و بعدها يرش العطر على الملابس.
5- النظافة الشخصية من أحد العوامل التى تساعد على ثبات العطر فترة أطول
جرب
لاكوست الزرقا
هوجو بوس الزرقا
بلاك اكس اس الاصلية
جنتل مين اونلي الاصلي
ولو محتار في مجموعة من 18 عطر (عينات) بتتباع اسمها سمارت دور عليها واللي يعجبك منها ابقى اشتريه اصلي
هي بتبقى بحوالي 200ج
1 مليون عطر رائع لكن مش فواح رائحة رقيقة مش قوية --العطور الفواحة اللى بحبها ماربرت مان ودانهيل القديم بس يمكن الشباب مبيفضلوش الانواع دى
Chansy dark night
جربه و ادعيلي
ولو عرفت تلاقيه قولي فين لأني دايخ عليه
شوف الاعلان ده كده ...
عطور سمارت كولكشن الاصلية الفرنسية للبيع - مكياج وكريمات في الإسكندرية - مصر
طب هل faces حاجته اصليه ولا لا لاني اشتريت منه قبل كده وحسيت انه مش اصلي رغم ان البرفان كان معدي ال 600 جنيه سنة 2010
المفروض إنه يبيع أصلى . أنا تعاملت معهم بس فى الخليج و أجزم أنه أصلى مثل باريس جاليرى
إنما فى مصر الله أعلم . حاول تختبر اللى عندهم مثلا تاخد رشة من التستر على ورقة كرتون من عندهم و تشوف حتستمر معاك كام ساعة .
قارن رقم التشغيلة (رقم موجود أسفل العلبة بجوار الباركود عبارة عن حروف و أرقام ) يكون مطابق للرقم المحفور على الزجاجة , و هذه علامة مميزة يشترط وجودها فى أى منتج عطور تابع للمصنع الأصلى و لا تكون موجودة على زجاجات العطر التقليد.
أما موضوع إدخال البار كود و الكشف علية من النت فأحب أقولك إن الباركود بيتقلد بإحترافية عالية.
رج الزجاجة بقوة فإذا شاهدت فقاعات صغيرة جدا مستمرة لمدة طويلة فهذا دليل على جودة العطر أما لو إختفت بسرعة ( مثل كولونيا 555 ) فهذا دليل على التقليد و نسبة الكحول العالية.
شكل السوليفان المغلف للعلبة و مدى جودته .
جرب invictus من paco rabanne لسه جايبه قريب رحته قويه جداااااااااااااااااااا
ده رائحته مميزة جدا وتحفة
http://i.imgur.com/c97oyFW.jpg
وده ارخص من السابق وريحته مميزة وتحفة
http://im83.gulfup.com/hij5JH.jpg
انا متابع كل رد فى الموضوع عايزن تفاعل اكثر
انا عشقى البرفيوم الشيك اللى ميخنقش ..... عايزين نستفيد من خبراتكم
انا كنت زمان اشتريت برفيوم من اوروبا كان رهيب بمعنى الكلمه ورائحته جميله ومميزه لو دخلت مكان ومشيت منه اللى يعرفونى ودخلو المكان بعدى بساعه بيشموا رائحته وبيعرفوا انى كنت موجود بس مش فااااااااااكر الاسم خالص
عايزين خبراتكم واسماء برفانات رجال الاعمال وشويه شبابى بردوا للشباب الجميل
LOL
أنت شوقتني أعرف أيه البرفيوم ده!!
طب قولنا مواصافاته حتى, أو أسمه بيتكون من كام حرف! lol
عموماً, أنا هقول البرفيومز اللي أنا بحب أستخدمها شخصياً و في منها الشبابي و في منها الفورمال..
Chanel - Allure
Chanel - Platinum Egoiste
YSL - La Nuit De L'Homme
Loewe - Solo Loewe
Creed - Green Irish Tweed
Paco Rabanne - One Million
Carolina Herrera - 212 VIP و ده لأول وهلة تفتكر أنه وان ميليون لكن بعد كده بيختلف
Hugo Boss - Bottled Night
Dior - Pour Homme Intense
Guerlain - L'Instant De Guerlain و ده فيه شبه كبير من ديور
Burberry - The Beat
دوا اللي قادر أتذكرهم دلوقتي, بس للأسف أنا بشرتي من النوع اللي بيكتم أي بيرفيوم مهماً كانت قوته, فحاجات قليلة أوي اللي بتبقى فواحة عليا و بتثبت لفترة طويلة,,
لكن من ضمن الحاجات اللي كتبتها و كذا مرة حد يسألني ايه البرفيوم اللي حاططها هما الcreed, ysl و boss..