الموضوع: يا ريت تساعدوني في القرار

المشاركة الأصلية كتبت بواسطة Ahmed zaeter

موتور ال GLA هو هو موتور ال C ومفيش مقارنة ما بين GLA و CLA لأن دي Catagory ودي catagory تاني خالص

ال CLA عربية شيك اوي وsport جدا ولكن واطية جدا وضيقة جدا جدا يعني عربية محدودة شبابية وليس عائلية
ال GLA من وجهة نظري عملية أكتر منها بكتييير خصوصا لو في عائلة

يعني من الأخر لو بتحب الشكل والمظهر وبتحب تشد : CLA
لو انت عملي وبرده تشد: CLA

ولو انا اشتري ال 316 ومجبش CLA

لية حضرتك تفضل تشتري ال ٣١٦ مش المرسيدس cla or gla مع فرق الإمكانيات والاوبشن مابين البى ام والمرسيدس

المشاركة الأصلية كتبت بواسطة ahmed zaeter

انت صح العربية مغرية جدا جدا جدا ولكن نقف على البنزين ........... انصحك انتظر شوية لحد ما معرض اوتوماك ان شاء الله في شهر ٣ الجاي جايز يحلوها ده لو انت مش مستعجل وانا مفضلش الأستعجال في شراء عربية بالمبلغ ده ............. هتلاقي varity اعلى كتير في المعرض اكيد،،،،،،،،،،،لكن متحطش أمل ان مرسيدس هتحلها لأن لو حلتها هتنزل software جديد للعربية وده هيقلل ال hp وده هيخلي العربية سيئة ومرسيدس مش هتغامر بأسماها ولا بالناس اللي تعبت في ابتكار تكنولوجيا مواتير مرسيدس
لأن الخلاصة المشكلة مش في العربية المشكلة في بنزين بلدنا

مواتير مرسيدس اللي بالشحن التوربيني الجديدة بتاخد البنزين الطبيعي مش اللي في بلدنا من 91 الى 95
فتوكيل مرسيدس في مصر بعد استشارة المانيا كل العربيات الجديدة من مرسيدس تحط بنزين 95 بعد التحليل
وهتمضي اقرار بكده لما تشتري العربية ان التوكيل مش مسئول لو حطيت 92
لو انت مستعجل توكل عل الله وحط بنزين 95 من بنزينة أمارات مصر أو وطنية
ومتقلقش لقدر الله لو حصل حاجة بعد الشر وحللوا بنزين عربيتك وانت بتحط 95 هتتطلع نتيجة التحليل في أسوء الحالات 92 وانت كده في الأمان وجو الضمان

هتفرق فى اية لما هو يستنى معرض أوتوماك مفيش جديد الا الفولفو الشيب الجديد بس غير كدة مفيش جديد

المشاركة الأصلية كتبت بواسطة potter2006

طمنتني و الله ممكن الواحد يجبها و مش مشكلة مشوار بنزينه الامارات ده ربنا يسهل

بس سوْال يا جماعة هل فعلا العربيات ممكن ترخص بعد شهر يناير انا سمعت الموضوع دةً كل سنة بس السنة دية حاسس انها ممكن ترخص حتى فى صورة عروض للسيارة خصوصا لو طبقوا الموضوع دة العربيات آلو فوق ال ٣٠٠ الف هتقل مش اقل من ١٥ الى ٢٠ الف جنيها

بص ياباشا
مبدئيا كده انس تماما سي ال ايه .......عربيه سيئه تماما عفشه ناشفه جدا ...ضيقه جدا من ورا .....ده غير كده تقفيل المجر .....يعني متدفعشي فيها جنيه
الجي ال ايه ....عربيه وارد المانيا ...عاليه عن الارض ....نفس السي تقريبا من جوه حتى بالساوند سيستم .....هات الجي ال ايه....بس حط بنزين 95 من امارات مصر وبالمناسبه وطنيه مفهاش 95 .....وطبعا لو معاك فلوس هات السي ارقى وافضل وافضل طبعا ....

اولا انا باعتذر بس بصراحه حاجه غريبه حدا الناس فاضيه للدرجه دة انها تجيب عربيه اي ان كان نوعها واقعد ادور على بنزينه احط منها بنزين كويس هو فعلا الناس فاضيه اوى كده بمنتهى الامانه تغور العربيه اللى بالشكل دة

المشكلة في مصر البنزين والدى معاه e280 موديل 2008 والمشكلة دائما في البنزين لازم كل 6شهور انظف رشاشت بنزين وآخر مرة مغير اتنين ثانياً موضوع سعر البنزين 95 فى التفويلة يعنى 80لتر فى 6.25 يساوى 500 بلبل ومش موجود فى كل المحافظات.