الموضوع: تغيير اويلسيل الاسكاتره وتغيير زيت الباور

1السلام عليكم ورحمه الله احبائي اعضاء المنتدي
اردت ان احكي لكم تجربه تغيير زيت الباور وكمان تغيير اولسيه الاسكاتره لصديق لي معاه لانوس 2008 كان بيلاحظ زيت تحت الدواسات تحت رجله المهم راح للميكانيكي يبص ويكشف
المهم الميكانيكي قاله تشتري :-
1-اويلسيل او اولسيه اسكاتره ب10جنيه
2- زيت موبيل atf320ب59 جنيه
المهم اشتريناهم ورحنا نركب الاويلسيه بصراحه الميكانيكي قعد يفك ويحل 15دقيقه لقينا الدركسيون بقي مفكوك بالعامود الطويل بصيت لقيته بيفك القديم وركب الجديد ودق عليه بماسوره قطرها نفس قطر الاويلسيه زي تركيب رولمان البلي المهم ركب وتمام بعد كده جاب حقنه كبيره سحب بيها الزيت القديم من قربه زيت الباور بصراحه لم يفك اي خراطيم
بعد كده ضاف الزيت الجديد وشغل الموتور وقعد يحرك الدركسيون يمين وشمال وبعد كده غطا القربه وكمان غير البوجيهات وقفل الكبوت ومد ايده وقال الحساب 60جنيه ايه رايكم في الموضوع ده انا لي ملاحظه هو مش بيفك خرطوم الباور علشان يصفي الزيت القديم ويصفيه من كل العربيه
يا ريت اللي له تجربه تغيير الزيت يفيدنا علشان نعرف الصح من الغلط علشان الميكانيكي لو حمار حنعرفه من الشغل بتاعه

ممكن شرح كيفيه تغيير زيت الباور
يعني نشفطه بسرنجه بس ولا فيه حاجه تتعمل تاني .....يا ريت المشاركه