نصائح عند استلام الفلوانس

**drhassen** · 22-11-2014 01:12 AM

ان شاء الله هاستلم الفلوانس e3 الاسبوع ده وعاوز اعرف من اهل الخبرة اخد بالي من ايه وافحص ايه وقت الاستلام لاني معنديش ادنى فكرة ... معلش هاتعبكم معايا بس اخوكم مزنوق واتمني الاقي مساعدة منكم وشكرا مقدما

**hanyyacot** · 22-11-2014 01:27 AM

استلم الصبح فى النور عشان تبص على كل حاجة كويس . جرب كل حاجة فى العربية . كل الزراير و الزجاج . شوف الاستبن نفس المقاس . اتاكد من العدة زى الكوريك و قطعة القطر . استلم 2 مفتاح . جرب الانوار كلها . شغل الكاسيت . واستلم الاريال . عداد العربية يكون عامل 60 كم بالكتير. خليهم يشيلوا اللزق الابيض اللى على العربية و اتاكد ان مافيش تحته اى خدوش . بص على الاكصدامات . ياريت تاخد واحد صاحبك معاك يبص معاك واكتبوا الحاجات دى فى ورقة . اتاكد ان كل اوراق العربية استلمتها . وياريت تخليهم يبعتوا معاك مندوب للمرور عشان يخاصلك التراخيص . والف مبروك