السلام عليكم
العربية لما بانزل الشغل على الساعة 8 صباحا بدورها بدور و بعد بالكتير 30 ثانية بتبطل و ما بتدورش تانى
لما برجع بعد الضهر بتدور عادى جدا و من غير اى مشاكل . عايز تفسير او حل للمشكلة دى.
شكرا
عرض للطباعة
السلام عليكم
العربية لما بانزل الشغل على الساعة 8 صباحا بدورها بدور و بعد بالكتير 30 ثانية بتبطل و ما بتدورش تانى
لما برجع بعد الضهر بتدور عادى جدا و من غير اى مشاكل . عايز تفسير او حل للمشكلة دى.
شكرا
احتمال حساس كرنك
بس اكشف كمبيوتر الاول
نوع الزيت بتاع الماتور إيه
لو حاطط في العربية زيت تقيل مثلا 20w50 هتلاحظ تأخر في الدوارة في الصبح لما العربية تكون باردة ولما يكون الجو دافي تدور عادي
أما لوحاطط زيت خفيف مثلا 5w30 يبقى تكشف عليها كمبيوتر وتشوف المشكلة من فين وياريت متروحشي لأي صنايعي علشان الفتاوي إما التوكيل أو ورشة متخصصة في البيجو
متابع
انا مستبعد ان يكون السبب حساس الكرنك لان حساس الكرنك لما بيكون فيه مشكلة العربية مش ممكن تدور الظهر ومتدرش الصبح
روح التوكيل
شكرا يا شباب على اهتمامكم و موديها التوكيل ان شاء الله
كان نفس الحركه دي بتحصل في عربيه ستروين كانت عندنا
و ده غالبا في اليومين البرد اللي فاتوا دول
لو كده فالموضوع سهل و التوكيل هيحلها بسهوله
أستاذی الفاضل .. ده عيب منتشر فی البيجو ال 301 .. هو مش عيب قوی يعني لكنه موجود .. وهو سوء البوجيهات الموجودة فی العربية .. فأي رطوبة أو نسبة سقيع فی الجو .. تلاقي العربية فی الدوارة الصبح وبالذات لو باتت يومين من غير دوارة أو يوم ساقع .. تلافيها بتغربل اكنها دائرة 3 سلندر وبعدين تبطل وعلاقة كمبيوتر الأعطال تشير لوجود عطل ومروحة العربية تشتغل علی الدوام .. والحل انك تشيل كابل البطارية وتستنی دقيقة كده وتدور تاني مع الضغط علی البنزين سنة كده لحد ما تسخن سنة هاتلاقی العيب راح .. والحل نهائيا فی تغير البوجيهات .. وعلى فكرة التوكيل بيغيرها عند صيانة ال 20 الف