سوزوكى سويفت موديل 98

**moamen5005** · 30-10-2008 06:51 PM

اشتريت سوزوكى سويفت موديل 98 ب 38 الف
فبريكة جوة وبرة كانها كالجديدة
فما رايكم فى السويفت

**mohamed2002** · 30-10-2008 08:54 PM

اخ مؤمن الموضوع مكانه في القسم الخاص به (قسم السوزوكي )
هنا القسم مخصص لتلقي الاقتراحات الخاصة بتطوير المنتدي او استفسارات الاعضاء

**waled369** · 30-10-2008 10:05 PM

المشاركة الأصلية كتبت بواسطة moamen5005

اشتريت سوزوكى سويفت موديل 98 ب 38 الف
فبريكة جوة وبرة كانها كالجديدة
فما رايكم فى السويفت

شوف يا أستاذ العربية دي جميلة جدا و عملية جدا جدا و قطع زي الفل و متوفرة و رخيصة و معمرة .
أنا شايف ان السعر جايز عالي شوية بس طالما فبريكة بره و جوة يبقى تمام
ربنا يبارك لك فيها

**moamen5005** · 31-10-2008 02:28 PM

شكرا يا اخ وليد على اهتمامك وردك وربنا يبارك لنا جميعا

**mokhtar** · 31-10-2008 02:45 PM

المشاركة الأصلية كتبت بواسطة moamen5005

اشتريت سوزوكى سويفت موديل 98 ب 38 الف
فبريكة جوة وبرة كانها كالجديدة
فما رايكم فى السويفت

اولا الف مبروك على السويفت وربنا يديك خيرها العربيه دى بجد من اكتر العربيات المحببه ليا عايز اقولك انها عندنا فى دمياط زى الرز ملاكى وتاكسى بتوع التاكسى هنا راكبينها من اكتر من 10 سنين وكارفينها ومطلعين عينها ومابتقولش لا اعتماديتها عاليه جدا كأغلب السيارات اليابانى بتستحمل وبتجرى معاك بس ثباتها اللى مش حلو واهم حاجه فيها بقى الاقتصاديه بتوفر بنزين بطريقه فظيعه ممكن تعمل 300 كم فى الصفيحه اكتر او اقل حسب طريقه سواقتك وحسب الطريق سريع او جوه البلد وقطع غيارها منتشره واسعارها تقريبا معقوله وعلى فكره بتاخد بنزين 80 وزى الفل مابتقولش لا وعلى فكره عربيتك تجميع مصرى بس فيها تكييف ولا لا دور فى منتدى السوزوكى كويس وهتلاقى عليها كلام كتير

..mokhtar..

**moamen5005** · 03-11-2008 03:40 PM

اشكرك يا استاذ / مختار
لكن السيارة مافيهاش تكييف فهل ممكن اركبله تكييف
وسؤال اخر ليه عداد الحرارة دايما يصل للمنتصف هل هذا هو العادى فى السويفت ام ماذا ؟؟؟؟؟

**wlng76** · 04-11-2008 01:22 PM

اولا الف مبروك على السويفت وربنا يديك خيرها العربيه, بالنسبة لموضوع مؤشر الحرارة فالطبيعى ان العربيات كلها تكون حرارتها تقريبا فى النصف علشان دى لزوم حرارة التشغيل اللى العربية بتكون سحبها وكمان استهلاكها فى البنزين قياسى.

**waled369** · 05-11-2008 11:16 PM

أنا كان عندي السويفت موديل 94 حرارتها ع النصف تقريبا و دا الطبيعي بتاعها .

طبعا تقدر تركب لها تكييف بسهولة لأن مكانه و فتحاته موجودة .

**moamen5005** · 09-11-2008 03:08 PM

اشكركم جميعا ولكن هل لديكم معلومات عن اماكن تركيب التكييف وسعره وهل لو من بورسعيد يبقى ارخص .........
واستفسار اخير لو حبيت اركب جنوط سبور تبقى 13 ولا 14