مشكلة مع جيربوكس الماتركس الاوتوماتك

**omarhelmy** · 30-10-2008 08:43 PM

يا جماعة انا حصلي مشكلة ربنا ما يجبهالكو روحت اغير الزيت عند واحد (.....) نزل زيت الجيربوكس و زود الزيت بتاع الموتور فوق الزيت القديم (حسبي الله و نعم الوكيل) ومشيت بالعربية من غير زيت الجيربوكس لمدة يومين و بعدها روح التوكيل و قالولي على المشكلة و الصنايعي قالي مش حتكمل معاك 20000كم كانت ساعتها مشيا 7500كم تقريبا وفعلا انا حاسس ان الجيربوكس بدأ يتبهدل و هي مشيا9400كم ايه الحل يا جماعة المشكلة دي مزعلاني جدا خاصة ان العربية 2008 اسف على الاطالة

**shoudy2005** · 30-10-2008 08:57 PM

الفتيس الأوتوماتيك من اكتر الأشياء الحساسة للزيت لو نقص الى فهمتو من حضرتك تن الراجل حط زيت متور فى الجير بوكس انا كدا فهمت حضرتك صح؟

**fahd_628** · 30-10-2008 09:18 PM

بصراحة مفهمتش اية الى حصل !

و ازاى الجيربوكس بدأ يتبهدل ازاى يعنى اية الأعراض ؟

و ازاى مشيت منغير زيت جيربوكس لأن دة مينفعش !

**shoudy2005** · 31-10-2008 02:08 AM

صح فعلآ ازاى تمشى من غير زيت الزيت هو اصلآ اللى بيخلى الفتيس ينقل احنا فى الشيروكى لما الطبه كان فيها عيب و الزيت تقريبآ فضى العربية مكنتش بتعشق اصلآ

**omarhelmy** · 31-10-2008 02:36 AM

من الاخر هو فك طبة الجيربوكس بدال ميفك طبة زيت الموتور ولما حط زيت الجديد حطو على القديم عشان كان فاكر انو نزلو والزيت بتاع الموتور زي ما هو عشان هو نزل زيت الجيربوكس
العربية الصراحة كانت ماشية بس كانت بتنتش وبتتأخر في النقل شوية بحصل رجة جمدة لو وقفت و بدات اتحرك تاني
لما حطيت الزيت الحمد لله مبقاش يعمل كدة
انا دلوقتي حاسس انو لما اعشق بتاخر دة اولا
تاني حاجة لو وقفت و انا معشق و دست بنزين تاني بتدي لحظة بسيطة جدا قبل التحرك تاني

**shoudy2005** · 31-10-2008 04:09 AM

انا اول مرة اعرف ان جهل الناس ديه وصل للدرجه ديه الجاهل مش عارف لون الزيت و كميته يعنى كده عمل مصيبتين ضاف زيت زيادة للمحرك و ديه لوحدها كارثة و حكاية انو بقى ياخر على ما يلقط يبقى كده الفتيس ابتدى يجيب آخره