السلام عليكم ورحمة الله وبركاته
عاوزة افتح حساب بالدولار ومش عارفة ايه المطلوب
وهل بتفرق من بنك لاخر وايه افضل بنك
ولو بتفرق من بنك للتانى ايه نظام HSBC
وشكرا لكم مقدما :tumb:
عرض للطباعة
السلام عليكم ورحمة الله وبركاته
عاوزة افتح حساب بالدولار ومش عارفة ايه المطلوب
وهل بتفرق من بنك لاخر وايه افضل بنك
ولو بتفرق من بنك للتانى ايه نظام HSBC
وشكرا لكم مقدما :tumb:
انا كنت فاتح حساب بالدولار من حوالي 6 سنوات وقفلته تاني لعدم إحتياجي له .. في بنك الأسكندريه
بالبطاقه الشخصيه فقط ومبلغ بسيط بالجنيه المصري لم يتعدى ال 500 جنيه .. أكيد كل ده أتغير حالياً ( لكن مش تغيير يبعد الناس عن البنوك )
النصيحه اللي اقدر أفيد حضرتك بيها وبتجيب مالأخر .
1- حضرتك تبحثي على جوجل وتحددي فلتر البحث مصر - اخر سنه ( علشان تشوفي تجارب الاخرين الحديثه )
2- كل بنك له موقع عالنت .. وداخل الموقع بعض التفاصيل الغير كامله عن خدمات البنك والحسابات
والأهم رقم خدمة العملاء اللي غالباً بيكون رقم مختصر خمس ارقام
هتتصلي بكل بنك .. وتاخدي المعلومه من عقر دارها مباشرة وتكوني مجهزه قبل إتصالك انتي عايزه تسألي في ايه وايه وايه
غالباً ( ايه هي إجراءات فتح حساب بالدولار , كام الحد الأدنى لفتح الحساب ونوع عملة الإيداع , نظام الفوائد , نظام الحوالات الخارجيه , نظام السحب , نظام ال atm وعملة السحب , هل يتوفر إمكانيه إدارة الحساب من على موقع البنك .. الخ )
موظف خدمة العملاء ( عامل زي الروبوت ) بيرصلك التفاصيل بالتفصيل الممل من قبل ما تسألي وكلامه هو الصح أكتر من موظف الفرع نفسه ( سعات موظفين الفرع بيكون عندهم معلومات غلط .. اه غلط عادي بتحصل معايا كتير جداً )
وطبعاً بعد كل مكالمه هتكتبي في ورقه اسم البنك ونتائج المكالمه ( علشان ترجعلها بعد ما تخلصي كل إتصالاتك وتقارني بينهم وتراجعيهم ) لأنك بعد اتصالين تلاته هتتلغبطي بين معلومات كل بنك ومش هتفتكري مين قال ايه .
3- بعد ما تعملي فلتر وتنقي كام بنك قررتي انك تبقي عميله عند أحدهم
يبقى السؤال : مين أفضل في التعامل وبينجز بين البنوك الفلانيه ( ومش هتكوني محتاجه تدخلي في دوامة ايه الإجراءات , طب وازاي , طب وفين ) .. وهيدخل واحد بعد شويه يقولك أنسي الإجراءات معقده ولازم تعملي تحليل dna وفيش وتشبيه وإثبات مهنه .. الخ الخ ويعقدك ويحبطك .
بالتوفيق .
Hsbc ..... كلمي الكول سنتر و شوفي الشروط
انا فاتحه من 3 سنين تقريبا .....
فيه البنك العربى ميزته انك ممكن تسحبى من المكن دولار وده مش موجود فى اى بنك تانى تقريباً
بالنسبه للانتشار فماكينات Hsbc ماليه الدنيا وموجوده فى كل سوبر ماركت مترو ماكينه برضه
من خلال تجاربكم انهى بنك افضل في التعامل بالدولار خاصة في حالة تحويل دولارات من برة مصر لحسابى
عن تجربة hsbc خدماتة سيئة لو هايتم التحويل من خارج مصر
بس للامانة جوة مصر رقم 1
فى بنك الاتحاد الوطنى كويس جدااا وكمان مصرف ابوظبى الاسلامى الاتنين دول مصاريفهم البنكية قليلة جدا
افضل واسهل بنكين لاستقبال التحويل من السعودية بالذات هم الاهلي ثم بنك مصر
لكن الدول الاخرى ماعرفش
متابع
لو ناوى تحول من السعودية او الامارات او اى دوله خليجية
يبقى افضل البنوك الاهلى او مصر او القاهرة
هما دول اكثر بنوك معرفة و مسجله بأتقان فى كل مكاتب التحويل
اما لو بنك مش مسجل او مش معروف فى الخليج فسوف يتم التحويل لاحد تلك البنوك و هى تستقبل الفلوس فى مصر و بعد ذلك يتم تحويلها لبنكك و هنا هتخسر عموله التحويل و عموله بنك القاهرة مثلا لتحويله لبنكك
بس نصيحة ابعد عن بنك اسكندرية حرامية رسمى
كنت فاتح حساب ب 500 دولار علشان احول علية بعد بالضبط 6 شهور ارسلت احد من عندى ليسئل عن الدفتر مش عارف ليه اكتشفت ان المبلغ نقص اتريهم بيخصموا مبلغ كل سنة من مبلغ الدفتر بيقولها عموله البنك او مصاريف البنك او اى كلام فارغ فقمت بسحب المبلغ و غلق الحساب و فعلا اعطونى اخذوا مش فاكر بالضبط عشرة او اكثر دولا و اخذت المبلغ ناقص
لذا ابعد عن البنك الحرامى ده
الاجراءات لفتح حساب روح اى بنك و اطلب فتح حساب بالدولار بالبطاقة و قم بأيداع مبلغ بالدولار و خلاص
تتفاوت المبالغ من بنك لاخر
مثلا هناك بنك لا يشترط اكثر من 100 دولار لفتح الحساب
هناك بنك يقولك 300 و اخر يقولك لا 500 و ده اقصى مبلغ ممكن يقابلك
نفترض انك فاتحة حساب فى بنك القاهرة و انتى فى السعودية هتروحى لاى مكان يتم تحويل الفلوس منه
هتطلبى تحول مبلغ لحسابك هيقولك على بنك ايه فى مصر هتقوليله القاهرة مثلا هيدور على بنك القاهرة عندة فى السيستم هيلاقى الكود بتاعة عندة بسهوله هطعطى للشخص رقم الحساب و يتم التحويل و تذهب الفلوس لحسابك فورا على بنك القاهرة ( هنا هتدفعى عموله التحويل فقط )
نفترض انك فاتحة حساب فى بنك اخر لنقول مثلا البنك العقارى العربى المصرى
وانتى فى السعودية هتروحى تطلبى تحويل مبلغ لبنكك هيسئلك البنك ايه هتقولى البنك العقارى العربى المصرى هيقول مش موجود عندنا و مش هيعرف يلاقية عندة على السستم لانه مش مسجل
هنا هيكون الحل انه هياخد منك اسم البنك و رقم الحساب و سوف يقوم يتحويل المبلغ لبنك معروف عندة و مسجل مثل بنك القاهرة و هنا هتدفعى عموله التحويل عادى و بعد ذلك يستقبل بنك القاهرة المبلغ من المكان المحول منه مع طلب بتحويله للبنك العقارى العربى المصرى على رقم حساب كذا
هنا سوف يقوم بنك القاهرة بتحويل المبلغ للبنك العقارى العربى المصرى و يخصم عموله اخرى لنفسة ليقامه بعمل دور الوسيط و تحويله المبلغ لبنك اخر .
---------------------------
بالنسبة لبنك اسكندرية فيتم خصم مبلغ سنويا من دفترك يعتبر مصاريف البنك و هذا حدث معى و انا مش فاهمة لان لى حسابات فى بنوك اخرى زى القاهرة مثلا الفلوس الموجودة بالدفتر تبقى زى ما هيا حتى لو مر عليها سنه او اكثر ال 100 دولار بتبقى 100 اما فى بنك اسكندرية 100 بعد سنة هتكون 95 او 90
بالنسبة لنقطة خصم مبلغ رسوم سنوية دى حسب نوع الحساب، الحسابات التوفير (اغلب الحسابات الشخصية) بتكون بدون رسوم اما الحسابات الجارية فتكون برسوم (لان فيها خدمات مش متوفرة لحسابات التوفير)، فقبل فتح اى حساب تتاكد من نوعة وتتاكد من رسومه.
انا فاتح في البنك الأهلي المصري حساب بالدولار
المصاريف سنوية 5 دولار على الحساب والعائد السنوي ع المبلغ حوالي 1.25 % يعني لو المبلغ قليل يبقى خلال كام سنة هيخلص بسبب المصاريف السنوية ...
البنك الاهلي فيه امكانية الكشف على الحساب عن طريق النت " الاهلي نت" تعرفي المبلغ وصل ولا لا وتعرفي بيخصمو كام وليه وكل التفاصيل موجودة في صفحتك الاهلي نت
اغلب شركات الصرافة والبنوك في الخليج فاتحة حساب في البنك الاهلي وبالتالي التحويل يتم مباشرة من البنوك دي الى البنك الأهلي الفرع الرئيسي في القاهرة ومن ثم الى فرعك الطرفي في الاقاليم .. ولا يوجد بنك وسيط كما ذكر الإخوة فوق ..
اي معاملات حكومية بالدولار مثل المعاشات وخلافه بيتم خصمها من حسابي الدولار بدون عمولة .
في حدود يومية على السحب بالطبع عشان عمله صعبة اعتقد 10 الاف دولار .
طريقة فتح حساب والله لا اعلم بس سمعت ان الاجراءات اصبحت معقدة وطالبين اثبات العمل
كلامك تمام و هذا ما قلتة بالضبط البنوك المعروفة فى الخليج الاهلى مصر القاهرة
و عند التحويل تذهب لحسابك مباشرا بدون اى تعقيدات
و كما قلت من قبل البنك يكون وسيط فى حاله فقط اذا كان البنك المحول ليه غير معروف هنا مثل البنك العقارى العربى المصرى فى تلك الحاله يكون بنك القاهرة وسيط لتحويل الفلوس فى مصر للبنك العقارى العربى المصرى
واحنا ذنبنا ايه يخصموا مرتين عمولة ليه ؟
اللى اعرفه
حساب التوفير بالدولار بيكون له حد ادنى لفتح الحساب