مشكلة بعد مطر يوم الجمعة

**maramiros** · 30-10-2008 10:20 PM

يوم الجمعة اللي فات..كنت راجع من الأوتوستراد..وفجأة لقيت المية بعلو الرصيف..والعربيات كلها ماشية وعجلها مش باين من المية.. وكنت مضطر أعوم بعربيتي"كيا-برايد-سيدان-Auto-2002" وسط البحر اللي كان قبل اشارة شارع الطيران..العربية الحمد لله عدت من غير ما تبطل..يوم الأحد بدأت أسمع صوت مع صوت الموتور بس وأنا معشق..لو مورت ودوست بنزين ع الآخر ما فيش صوت..رحتCaltex اللي في عباس العقاد وقالوا لي بللي العجل قدام هو السبب في الصوت..الشمال باظت خالص..واليمين شوية..
أنا عندي سؤالين بعد اذنكم
##هل ممكن يكون البللي سليم بس عاوز شوية تشحيم وتنظيف ؟؟ خاصة ان العربيه عاملة 34000 في 7 سنين !!
##لو لازم أغير..أشتري منين ؟ وحدود السعر كام ؟؟ وأغير شمال ويمين ؟ ولا شمال بس ؟
جزاكم الله خيرا..م/أمير أحمد

**mrghost** · 30-10-2008 10:55 PM

السلام عليكم ورحمة الله وبركاته
الاحسن انك تروح لميكانيكى وتخليه يركب هو العربيه وهو بيحس الصوت ده صوت خشونه فى البلى ولا لا وهو اللى يعرف البليه الشمال ولا اليمين اللى بايظه وعلى ما اعتقد انها مش غاليه يعنى مش هتعدى 50 جنيه

**ahmedsrs** · 30-10-2008 11:31 PM

ممكن يكون البلى محتاج تشحيم بس انا عربيتى الفيات بتزيييق بعد ممشيت بيها فى المطرة عادى

**mrghost** · 31-10-2008 06:30 AM

هو عموما لو البلى عاوز يتغير بيعمل خشونه فى العربيه بس لو فيه صوت تزييق فى العربيه فده عادى وممكن تتخلص منه بغسلها من الاسفل بجاز ومياه فى البنزين وشكرا

**maramiros** · 31-10-2008 10:17 AM

شكرا يا شباب على المشاركة والأهتمام
الميكانيكي فعلا ركب العربية وبعد كدة قالي على موضوع البللي ..بس قالى ان الجنب الشمال كامل عاوز يتغير..وتكلفة قطع الغيار -استيراد مش جديد - 350جنيه !! ولما قلت له لأ سيبني أنا هشتري من بره..قالي لو ها تجيبه جديد هايخش فى 1000 جنيه !! أنا بصراحة مش مصدق وهكلم التوكيل أتأكد..بس فكرة التشحيم هجربها الأول زى ما حضراتكم قولتوا
جزاكم الله خيرا..م/أمير أحمد

**YaSSerwIN** · 31-10-2008 11:09 AM

على ما أظن مش هاتغير جنب كامل هاتغير سرة بس

**romeeoo** · 31-10-2008 01:41 PM

عايز تعرف المشكله من البلى ولا لأ؟
ارفع العجل الأمامى بالكريك وحط ايدك ع الرفرف اللى فوق العجله ودور العجله بإيدك لو حسيت بصوت خشونه يبقى تغير البليه ولازم اللى يغيرهالك يكون عنده مكبس مش يخبط بالشاكوش