الموضوع: الاسعار غليت

المشاركة الأصلية كتبت بواسطة mahmoud_lutfi

يا اخواننا .. انا حجزت لوجان من شهر و ان شاء الله هستلمها بعد شهر و نصف .. بس قالولي في المعرض ان سعرها متوقف على سعر الدولار يوم الاستلام يعني لو زاد هتزيد عليا في السعر
انا كنت حاجز ب 92400 دي لو فيها زيادة هتبقى توصل كام بالصلاة ع النبي . ؟

كمان انا اتصلت بواحد صاحبي شغال في شركة اوراق مالية .. قالي ان الدولار مش متوقع انه يزيد خالص الفترة اللي جاية

معلش إزاي يعني السعر متوقف على مش عارف إيه، أمال انت حضرتك حاجز ليه أصلا. أي حجز في الدنيا ملوش دعوة بتغير الاسعار بمجرد ما اتكتب فاتورة بالمبلغ

المشاركة الأصلية كتبت بواسطة bassemali

الكلام ده مضبوط إلا ف العربيات ( في مصر بس) لإن الوكيل بيجيب أساسا أقل من اللي هيبيعوه ف السوق عشان يضم نأن مافيش حاجه هتفضل عنده عشان كده بيبقى الحجز ع العربيات بالشهور على مايعمل حسابك وهو بيجيب الدفعه التانيه ... فيقوم يغلي عليك العربيه بحجة الدولار او بحجة الإستلام الفوري أو أي إبن كلب وخلاص عشان يطلعوا منك بقرشين فلو رفضت هيبعها لغيرك على طول مش خسران حاجه .... حسبي الله ونعم الوكيل .

لا حول ولا قوة إلا بالله
فعلا حسبي الله ونعم الوكيل

يا جدعان انا حاجز لوجان من شهر و مفروض كنت استلم بعد شهر ونصف

لقيت التوكيل بيكلمني امبارح و يقولي عربيتك هتكون جاهزة للتسليم الاسبوع الجاي

بس اللون اللي اختارته مش متوفر .. مفيش غير سلفر و نبيتي

ولو انتظرت لشهر 1 او لما اللون بتاعك يتوفر هتلاقي اللوجان كلها سعرها زاد 5000 جنيه

ايه رأيكم دلوقت اتوكل على الله و اجيب لون من الالوان المتاحة ولا استنى و اغامر ؟

ايه الاستهبال ده؟؟؟
يعني ايه استلم بسعر الدولار وقت الاستلام؟؟؟؟دي سرقة علني
وكمان ايه موضوع اللون مش متوفر وهو ده اللي عندنا يا اما تستني بقي لما اللون ييجي؟؟؟
هما فاكرين العربيات دي بيدوهالنا ببلاش ولا ايه
وكمان ازاي سعرها هيزيد رغم ان الجمارك هتقل علي كل العربيات الاوروبية يعني السعر المفروض ينزل مش يزيد,,,مافيا قذرة

حسبي الله ونعم الوكيل

الصينى ولع نااااااار

ولع نار ازاي يا باشا,,,عندك فكرة الاسعار كام دلوقتي بالظبط وبالذات البي واي دي اف ثري؟؟؟
وهل انت سالت عالاسعار في المعارض بنفسك ولا مجرد سمعت بس؟؟؟