عند تركيب السيراميك ايه ممكن اخد بالى منه قبل وخلال شغل الفنى

السلام عليكم ورحمة الله وبركاته

الاخوة الكرام :welcome1:

انا باجهز شقة ابنى استلمتها على المحارة
تم تركيب الكهرباء والصرف الصحى والنجارة
باقى تركيب السيراميك

ممكن تنصحونى بايه علشان الشغل يطلع كويس
ومايحصلش ان بعض البلاطات تنخلع من الارضية او تنشرخ
لان البعض قال لى انه الصنايعى كان المفروض يبل البلاط بالماء
قبل التركيب عشان يمسك كويس فى المونة
ايه الملاحظات الفنية اللى المفروض تتعمل قبل وخلال وبعد عملية التركيب
سواء للحوائط او الارضيات عشان البلاط كمان سعره غالى وموش عاوز تهدير كبير فيه
ولكم منى جزيل الشكر

هتخبط على البلاط بعد التركيب المطبله او تحس ان تحتها فاضى لازم يشيلها

والفروقات بين البلاط لازم كلها تتملى كويس جدا ولو هيقطع بلاط لازم بالمكنه بلاش الصاروخ لانه بيعمل شرشره

واشترى له اعواد بلون البلاط علشان الزوايا فى المطبخ والحمام بتبقى شيك جدا وامان لانها بتكسر حرف الزاويه

محدش يعرف صنايعى سيراميك كويس فى القاهره

البلاط لازم يكون بميل مظبوط ناحية البلاعه عشان مفيش مياة تقف ف المطبخ والحمام. لان الموضوع ده مجنني

خد عندك يا سيدى :

1- الصنايعى النضيف لازم يوزن الحيطة بخيطان قبل التركيب فلازم تتأكد إنه شادد خيطان على الجنب أو ممكن المبيض يوزن حوائط المكان كله بحاجة إسمها بؤج و ده أفضل .
2- وهو بيركب و بيحط المونة على ظهر البلاطة لازم و هو يلزقها المونة تطلع من الجنب الفاضى علشان مايبقاش فيه تعشيش (فراغ ) خلفها و دى حاجة كدة زى الكاتشب لما يبظ من الساندوتش .
3- بعد ما يخلص الجنب أو جزء منه فيه حاجة إسمها إدة (مسطرة ألومنيوم طويلة ) ممكن تخليه يحطهالك علشان تتأكد إن الجنب فى سوا واحد
4-يا حبذا لو تخليه يجيب زاوية حديد يحطهالك فى الكورنر علشان تتأكد إن الزوايا 90 درجة تمام
5-طبعا العراميس تبقى على خط واحد و دى ممكن تلمحها بالعين أو بحاجة بسيطة إن عدد البلاطات فى كل صف متساوى أو مقاس آخر بلاطة مش سليمة (غلاقة) يبقى ثابت تقريبا .


طبعا بعد كل ده لو كان صنايعى مؤدب حيلاقيك بتحبكها معاه و حيطلب سعر أزيد أما لو ضربك فأرجوك ما تدعيش عليا

الشغل الصح
1- خلى السيراميك فى الشقه كلها افقى وليس بميل علشان العفش ميلوقش
2- الحمام والمطبخ فقط خليهم بميل ناحية البلاعة
3- خلى المبلط يبدأ مثلا بالريسبشن ويدخل على الاوض بنفس اللحامات
4- يفضل ان الوزر ميبقاش وراه مونه كتيره
5- يفضل ان الوزر يبقى ماشى مع البلاط فى اللحامات لو انت هتعمل السيراميك افقى ورأسى
6- لو السيراميك لون واحد هيبقى ده اقل معدل تهدير لو لونين وسمبوكسه هيبقى فيه تهدير أكثر
7- هات زوايا تركب فى حوائط الحمام والمطبخ عند السوك
8- أهم حاجه ان الصنايعى يملى اللحامات كويس بأسمنت أبيض

ياريت كمان نصائح يا رجاله :d

بخصوص موضوع الميل تجاه البلاعات .. هو طبعا مفروض لكن مش إي صنايعي بيعرف يظبطه صح وهتلاقي الدنيا باظت منه.. البعض بيفضل يكون ميزان عشان تبقي مطمن إن الشغل مضبوط.

اقتباس:

---

المشاركة الأصلية كتبت بواسطة amr011111

الشغل الصح
1- خلى السيراميك فى الشقه كلها افقى وليس بميل علشان العفش ميلوقش
2- الحمام والمطبخ فقط خليهم بميل ناحية البلاعة
3- خلى المبلط يبدأ مثلا بالريسبشن ويدخل على الاوض بنفس اللحامات
4- يفضل ان الوزر ميبقاش وراه مونه كتيره
5- يفضل ان الوزر يبقى ماشى مع البلاط فى اللحامات لو انت هتعمل السيراميك افقى ورأسى
6- لو السيراميك لون واحد هيبقى ده اقل معدل تهدير لو لونين وسمبوكسه هيبقى فيه تهدير أكثر
7- هات زوايا تركب فى حوائط الحمام والمطبخ عند السوك
8- أهم حاجه ان الصنايعى يملى اللحامات كويس بأسمنت أبيض

---

تمام الله ينور عليك : إسمحلى أضيف على كلامك حاجة نسيتها : أنه يستعمل الصليبة البلاستيك علشان يظبط سمك العرانيس بين البلاطات سواء أرضى أو حوائط علشان خط اللحامات مايلعبش منه . و بمناسبة الزوايا ممكن كمان أن صاحب الشقة يجيب سلك شبك ممدد عرض 15 سم و يخلى مبيض المحارة يثبتوا بين الكمر و المبانى علشان لو الحيطة نملت ما يسمعش فى السيراميك

كل من لديه سؤال قد يجده في هذا الموضوع عن السيراميك في قسم تجارب الاعضاء في مصر موتورز

اقتباس:

---

المشاركة الأصلية كتبت بواسطة ahmedwagdy03

خد عندك يا سيدى :

1- الصنايعى النضيف لازم يوزن الحيطة بخيطان قبل التركيب فلازم تتأكد إنه شادد خيطان على الجنب أو ممكن المبيض يوزن حوائط المكان كله بحاجة إسمها بؤج و ده أفضل .
2- وهو بيركب و بيحط المونة على ظهر البلاطة لازم و هو يلزقها المونة تطلع من الجنب الفاضى علشان مايبقاش فيه تعشيش (فراغ ) خلفها و دى حاجة كدة زى الكاتشب لما يبظ من الساندوتش .
3- بعد ما يخلص الجنب أو جزء منه فيه حاجة إسمها إدة (مسطرة ألومنيوم طويلة ) ممكن تخليه يحطهالك علشان تتأكد إن الجنب فى سوا واحد
4-يا حبذا لو تخليه يجيب زاوية حديد يحطهالك فى الكورنر علشان تتأكد إن الزوايا 90 درجة تمام
5-طبعا العراميس تبقى على خط واحد و دى ممكن تلمحها بالعين أو بحاجة بسيطة إن عدد البلاطات فى كل صف متساوى أو مقاس آخر بلاطة مش سليمة (غلاقة) يبقى ثابت تقريبا .


طبعا بعد كل ده لو كان صنايعى مؤدب حيلاقيك بتحبكها معاه و حيطلب سعر أزيد أما لو ضربك فأرجوك ما تدعيش عليا

---

ماشاء الله
بس ملحوظه هو شطب المحاره خلاص وموضوع البؤج ده الشغل الصح لكن غالى طبعا مصنعيته بتختلف كتير


ومن ناحيه البلاط السيراميك فى الارضيه بيتوزن بخرطوم مياه ... وده الشغل الصح جدا

والميل فى الحمام لازم ومطلوب وبردو بيجى بخرطوم مياه (ميزان خرطوم)

اللحامات مستقيمه مع بعضها وتخبط على البلاطة من الزاويتين اللى فى الاسفل ( دايما بتبقى مفرغه من الجزء ده )
وتعمل الحركه دى اول كام بلاطه يعملهم .. كده هايعرف انك فاهم وياخد باله من شغله .. بالتوفيق

السلام عليكم ورحمة الله وبركاته

اخوانى واحبائى الكرام

بصراحة موش عارف اشكركم اذاى لاهتمامكم الكبير بالموضوع
ولسرعة تفاعلكم والمعلومات الفنية الغزيرة والتى كنت اجهل معظمها
ودى الميزة اللى يتميز بها منتدانا لمساعدة بعضنا البعض
فى جميع المجالات ربى يحفظكم ويسعدكم جميعا

اقتباس:

---

المشاركة الأصلية كتبت بواسطة طارق _عبد السلام

هتخبط على البلاط بعد التركيب المطبله او تحس ان تحتها فاضى لازم يشيلها

والفروقات بين البلاط لازم كلها تتملى كويس جدا ولو هيقطع بلاط لازم بالمكنه بلاش الصاروخ لانه بيعمل شرشره

واشترى له اعواد بلون البلاط علشان الزوايا فى المطبخ والحمام بتبقى شيك جدا وامان لانها بتكسر حرف الزاويه

---

طارق باشا بالنسبة للاعواد اللى بلون البلاط علشان الزوايا
انا شفت فى السوق اعواد بلاستيك مسطحة يعنى موش زاويا
عرضها حوالى 3 سم ولها شفة مائلة حوالى 3او 4 مللى وعليها نقوش زخرفية ملونة
هى دى اللى تقصدها وهل بتركب فى نهايات الحوائط مع السقف والا فى زوايا الحوائط بس
بصراحة موش عارف بتركب اذاى بالضبط
لو عندك معلومة تفصيلية ياريت تقولها لى عشان الصنايعى
سيبدأ عمله بعد اسبوع ان شاء الله تعالى

اقتباس:

---

المشاركة الأصلية كتبت بواسطة ahmedwagdy03

خد عندك يا سيدى :

1- الصنايعى النضيف لازم يوزن الحيطة بخيطان قبل التركيب فلازم تتأكد إنه شادد خيطان على الجنب أو ممكن المبيض يوزن حوائط المكان كله بحاجة إسمها بؤج و ده أفضل .
2- وهو بيركب و بيحط المونة على ظهر البلاطة لازم و هو يلزقها المونة تطلع من الجنب الفاضى علشان مايبقاش فيه تعشيش (فراغ ) خلفها و دى حاجة كدة زى الكاتشب لما يبظ من الساندوتش .
3- بعد ما يخلص الجنب أو جزء منه فيه حاجة إسمها إدة (مسطرة ألومنيوم طويلة ) ممكن تخليه يحطهالك علشان تتأكد إن الجنب فى سوا واحد
4-يا حبذا لو تخليه يجيب زاوية حديد يحطهالك فى الكورنر علشان تتأكد إن الزوايا 90 درجة تمام
5-طبعا العراميس تبقى على خط واحد و دى ممكن تلمحها بالعين أو بحاجة بسيطة إن عدد البلاطات فى كل صف متساوى أو مقاس آخر بلاطة مش سليمة (غلاقة) يبقى ثابت تقريبا .


طبعا بعد كل ده لو كان صنايعى مؤدب حيلاقيك بتحبكها معاه و حيطلب سعر أزيد أما لو ضربك فأرجوك ما تدعيش عليا

---

كلامك كله فى الصميم ياباشمهندس احمد
بالنسبة للبؤج ده اعتقد فى المحارة وانما ميزان الخيط فعلا بيقبى فى السيراميك

بالنسبة بقى لو انا ركبت فوق دماغ الصنايعى وبحبكها
انا وافقت على سعر مصنعيته كما طلب بدون مساومة
بشرط يعمل شغله صح على اكمل وجه بدون مطالب تانية وبدون تهدير للبلاط
ووالموضوع موش راح يوصل للضرب :10_9_133:هههههههههه
لانه معرفة و صديق اخى وربنا يسترها معانا
احسن فعلا الصنايعية الايام دى اذا لم تتفق معاهم على كل حاجة من البداية
ممكن تفاجىء خلال الشغل انه قسم العملية لاجزاء ومراحل
عشان يكبر فى اجره الا من رحم ربى
موضوع الصليبة البلاستيك دى ماحدش عندنا فى السويس بيستخدمها انا شفتها على اليوتيوب فعلا حاجة ممتاز

اقتباس:

---

المشاركة الأصلية كتبت بواسطة almohaor

طارق باشا بالنسبة للاعواد اللى بلون البلاط علشان الزوايا
انا شفت فى السوق اعواد بلاستيك مسطحة يعنى موش زاويا
عرضها حوالى 3 سم ولها شفة مائلة حوالى 3او 4 مللى وعليها نقوش زخرفية ملونة
هى دى اللى تقصدها وهل بتركب فى نهايات الحوائط مع السقف والا فى زوايا الحوائط بس
بصراحة موش عارف بتركب اذاى بالضبط
لو عندك معلومة تفصيلية ياريت تقولها لى عشان الصنايعى
سيبدأ عمله بعد اسبوع ان شاء الله تعالى

---

هى بتركب في الزوايا الحاده زى مثلا عامود في الحمام او المطبخ اولا بيكون شكلها جميل ثانيا تخفيف مخاطر الزاويه لو حصل اصطدام بيها مثلا وهى فعلا اللى حضرتك بتوصفها

وده شكلها


http://t1.gstatic.com/images?q=tbn:A...It6v5RUA4x9_Xg


http://www.nilemotors.net/Nile/data:...yO5EAdYgp//9k=



https://encrypted-tbn1.gstatic.com/i...zYbpo45Ox_6sm3

https://encrypted-tbn0.gstatic.com/i...tzfluOHL2Fy4TQ

لو عندك عامود او زاوية حائط
خليه بالصاروخ يصنفر زاوية الوزرة علشان لو حد خبط
فيها مش يتعور

اسمنت اللحامات ممكن تلونه بلون قريب للسيراميك بيخفى اللحامات شوية

الحوائط يكون اللحام موزون افقى

اقتباس:

---

المشاركة الأصلية كتبت بواسطة طارق _عبد السلام

هى بتركب في الزوايا الحاده زى مثلا عامود في الحمام او المطبخ اولا بيكون شكلها جميل ثانيا تخفيف مخاطر الزاويه لو حصل اصطدام بيها مثلا وهى فعلا اللى حضرتك بتوصفها

وده شكلها


http://t1.gstatic.com/images?q=tbn:a...it6v5rua4x9_xg


http://www.nilemotors.net/nile/data:...yo5eadygp//9k=



https://encrypted-tbn1.gstatic.com/i...zybpo45ox_6sm3

https://encrypted-tbn0.gstatic.com/i...tzfluohl2fy4tq

---

الله يفتح عليك ياباشمهندس طارق
فعلا هى دى اللى شفتها تقريبا لان دى اول مرة كنت اشوفها على الطبيعة
عند بتوع الاكسسوارات وقالى ان طولها حوالى تلاتة متر وسعر العود حوالى سبعة جنهيات
على كده ممكن اخللى الفنى يركبها كمان عند( نهاية الحوائط) مع( السقف) بدل مااركب كرانيش خشب
عشان تقفيل البلاط مع السقف يبقى حلو وكمان اسهل والا هى خاصة (بالزوايا للسوك) فقط
وهل فيه منها ارتفاعات مختلفة بين وجه وخلفية العود
لان بلاط الحمام سميك بعض الشىء عن بلاط المطبخ
معلهش انا طولت على حضرتك لان الموضوع ده دخل دماغى
وعاجبنى فعلا واهى فرصة طيبة لكل اخوانا الاعضاء الكرام
يعرف معلومة جديدة وربنا يبارك لنا فى عمرك

اقتباس:

---

المشاركة الأصلية كتبت بواسطة almohaor

الله يفتح عليك ياباشمهندس طارق
فعلا هى دى اللى شفتها تقريبا لان دى اول مرة كنت اشوفها على الطبيعة
عند بتوع الاكسسوارات وقالى ان طولها حوالى تلاتة متر وسعر العود حوالى سبعة جنهيات
على كده ممكن اخللى الفنى يركبها كمان عند( نهاية الحوائط) مع( السقف) بدل مااركب كرانيش خشب
عشان تقفيل البلاط مع السقف يبقى حلو وكمان اسهل والا هى خاصة (بالزوايا للسوك) فقط
وهل فيه منها ارتفاعات مختلفة بين وجه وخلفية العود
لان بلاط الحمام سميك بعض الشىء عن بلاط المطبخ
معلهش انا طولت على حضرتك لان الموضوع ده دخل دماغى
وعاجبنى فعلا واهى فرصة طيبة لكل اخوانا الاعضاء الكرام
يعرف معلومة جديدة وربنا يبارك لنا فى عمرك

---

الله يبارك لك

هى معموله لتركيب كحليه ولكسر حده الزوايا لكن لا اظن انها ستناسب قفل البلاط مع السقف

انا عاملها عندى فى الزوايا فقط والسقف والحوائط سيراميك

وكلها مقاساتها ستاندر وتنفع مع البلاط السميك ايضا

وربنا معاك لان التشطيب مرهق ومحير ومكلف ايضا انا استويت فى التشطيب :)

لو حتجيب صنايعي كويس يبقى مفيش داعي تركز في حاجة
ولو جبت صنايعي ضعيف .. يبقى مهما تعمل وتركز وتراجع مش حتاخد شغل كويس

اقصد انك الاول تلاقي صنايعي كويس وبعدين راجع وراه

اقتباس:

---

المشاركة الأصلية كتبت بواسطة طارق _عبد السلام

الله يبارك لك

هى معموله لتركيب كحليه ولكسر حده الزوايا لكن لا اظن انها ستناسب قفل البلاط مع السقف

انا عاملها عندى فى الزوايا فقط والسقف والحوائط سيراميك

وكلها مقاساتها ستاندر وتنفع مع البلاط السميك ايضا

وربنا معاك لان التشطيب مرهق ومحير ومكلف ايضا انا استويت فى التشطيب :)

---

شكرا لاهتمامك وسرعة ردك اخى الحبيب وباقى الاخوة الكرام

والله موش راح تصدق انا بقالى سنة باجهز فيها من لحظة خروجى على المعاش
وكله بسبب الصنايعية اللى نصاب واللى يبوظ لك الحاجة وهى لسه جديدة والاسعار كمان ولعت نار
وغير كده ياسلااااااام بقى على الالتزام بالمواعيد
وانك تدور على الخامة الكويسة والنقل والمشال الخ
الحمد لله اهى هانت تركيب السراميك ومن بعدها سكينة المعجون النهائى والدهان
ولسه بقى تأثيث المطبخ بدواليبه الخ والله المستعان
والله العربية بتاعتى كانت على الزيرو تعبت من كتر المشاوير لان المدينة السكنية جديدة ومتطرفة وشوارعها لم تمهد بعد ولكن كانت خير عون لى والحمد لله

اقتباس:

---

المشاركة الأصلية كتبت بواسطة egyption2012

لو حتجيب صنايعي كويس يبقى مفيش داعي تركز في حاجة
ولو جبت صنايعي ضعيف .. يبقى مهما تعمل وتركز وتراجع مش حتاخد شغل كويس

اقصد انك الاول تلاقي صنايعي كويس وبعدين راجع وراه

---

والله يااخى الفاضل انت جبت الخلاصة

بس فين هو الصنايعى الكويس اللى عنده ضمير الا من رحم ربى
شاور لى عليه دول شبه انقرضوا
كل اللى جبتهم عن طريق المعارف والاقارب
ولم اناقشهم فى اجرهم عشان يتقوا الله فى شغلهم
بس تقول ايه بقى انت وحظك والتوفيق من الله
ولازم( تكون متابع) لشغل الصنايعى والا ممكن يقفل شغل اى كلام او حسب مزاجه
ده بيبقى شغال عندك ورابط شغل فى مكان تانى فى نفس الوقت
تلاقيه راح ضارب بلانص يومين تلاتة فى نص الشغل وابقى قابلنى
يرجع بالف حجة ومجبر اخاك
الله المستعان واكرر شكرى لحضرتك لاهتمامك

مبلط سيراميك ممتاز أنا جربته فى شغل عندى حاجه محترمه 01124169999 /صابر/ ده اسنه

بصراحه عملى الحمامات حاجه ممتازه وكله بالميزان تليفونه 01124169999 اسمه صابر

طيب ممكن يا محمد بيه تقولنا عملت المتر بكام؟ والشغل كان في أي مدينة او منطقه؟

المتر ب 25 جنيه حوائط 20ج ارضى
المنطقه مدينة نصر