الموضوع: القسم طبعا دخل فى البيات الشتوى

السلام عليكم ورحمة الله وبركاته

انا حقول حاجة يمكن تستغربوها

انا شايف ان السبب في "البيات الشتوي" اللي سيادتك اشرت اليه هو سياسة ارتوك اوتو وكيل سكودا في مصر
ححاول الًخص وجهة نظري بدون رغي كتيير



1- فين الموديلات الجديدة اللي نزلت مصر من اكتر من سنتين (سوبيرب - ستيجو - اكتافيا استيت - فابيا ...الخ)
2- فين التنوع داخل كل سيارة زي اكتافيا مثلاً بموديلاتها المختلفة وبما فيها المانيوال مع الموتور tsi1400
3- سياسة الضمان السيئة اللي مطفشة كتير من العملاء وانا واحد منهم (سنتين ضمان في حين ان ضمان الكوري والصيني 5 سنوات وضمان سكودا 7 سنوات في بعض دول اوروبا و10 سنوات في الصين علي الفتيس)
4- مفيش اعلانات أو خدمات أو عروض والتوكيل وبيشتغل بسياسة اصرف ليه علي العربية هي بتبيع نفسها وبيكتفي باعلانات رابيد علشان بيهبش فيها هامش ربح خزعبلي
5- سياسة تسعير قائمة علي الهبش دخلت العربية في شريحة سعرية غير مناسبة ليها وبالتالي منافسة اعلي واشرس


كل اللي فات خفض مبيعات سكودا كتير (مش مقارنة بمركات تانية فقط لكن مقارنة بمبيعاتها نفسها السنين اللي فاتت) والنتيجة المنطقية لانخفاض المبيعات انخفاض الاهتمام وهو ده اللي وصلناله

الحكاية كده عاملة زي وضع مصر قبل الثورة ولازم يسقط النظام علشان الحل في التغيير




يسقط يسقط حكم أرتوك أوتو
يسقط يسقط النظام