خد بالك من الاستيكر الابيض ونصيحة بلاش معرض السقا
الحمد لله اشتريت عربية لانسر 1600 سى سى
وعند استلامى للعربية مردتش اشيل الاستيكر الابيض ( قولت بدل ما كمين يوقفنى والعربية مش عليها نمرة )
وعند استلام العربية كان واضح ان الاستيكر سليم و مفيهوش اى مشاكل ...... بعد ترخيص العربية نزعت الاستيكر وفجأة القى خبطتين تحت الاستيكر واحدة فى الكبوت وواحدة فى السقف زى ما يكون معمولين بألة حادة شبيه بخبطة الشكوش ودا كله والاستيكر من برة سلـــــــــــــــــــــــ ـــــــــــــــــــــــــ يم !!!!!!!!
طبعا روحت معرض السقا( مصر الجديدة خلف الميرلاند) الى اشتريت منه علشان اشوف ازاى الغش دا يحصل وطبعا لانى مضيت على ورقة بأستلام العربية سليمة فا مخدتش منهم حق ولا باطل
انا حبيت انبه كل واحد بيستلم عربية جديدة ياخود باله ويشيل الاستيكر الابيض قبل ما يستلم العربية ومش مشكلة كمين ولا بتاع
وكمان يفكر كويس قبل ما يشترى من معرض السقا اعتقد ان دى الفايدة الى ممكن نديها لبعض من المنتدى دا ان احنا يكون لينا قوة تأثير ايجابية على سوق السيارات فى مصر
محمد حنفى - صيدلى
