حاجه مرعبه حصلت معايا ، الدريكسيون لف يمين 180 درجه بعنف فجأة -
انشر الموضوع فى :
السلام عليكم و رحمة الله و بركاته
يا جماعه، انا اللي حصل معايا مش مصدقه لغاية داوقتي،
كنت مروح البيت، و انا راجع بعد نزلة كوبري و سرعتي لا تتجاوز 60 بأي حال من الاحوال، لقيت الدريكسيون لف يمين 180 درجه بعنف، و رجع تاني و خد نفس اللفه دي بنفس الدرجه من العنف، و طبعا العربيه حدفت اقصي اليمين و بعدين اقصي اليسار و انا مذهول لانها كلها لحظه، كلبشت ايدي الاتنين ف الطاره عشان اسيطر عليها، و للاسف وقفت ع الفرامل مش مكنتش مستوعب الموقف و لا عندي فرده طارت و لا حاجه،
طبعا لما فرملت العربيه خمست و بقي وشي في وش اللي ورايا
طبعا الحمد لله مكانش حد قريب مني او جنبي في الوقت دا،
ركنت علي جنب و نزلت من العربيه و فتحت الكبوت و بصيت علي الكاوتشات و بصيت تحت العربيه، مالقيتش اي حاجه ملفته للانتباه
طبعا كملت الطريق مرعوب و بفكر ف اللي حصل
و العربيه كانت طبيعيه تماما بعد كدا
بس خايف و مش عارف ممكن يكون السبب ايه،
اكشف علي ايه و لا اعمل ايه مش عارف
انا لغاية دلوقتي مش مصدق اللي حصل.
تم تعديل العنوان ليتناسب مع المحتوى
م ب 3
المفضلات