الموضوع: لقيت زيت الموتور زايد كتير ورائحتة بنزين ملحوظ جدا حد يعرف السبب ؟

المشاركة الأصلية كتبت بواسطة amadios

الحتة الوحيدة إللى تخلى البنزين يختلط بالزيت هى الرشاشات لأن العربية بتاعة حضرتك مش كاربراتير ورداخ..... ولو رشاش مسيل حيخلى البنزين مايتحرقش والاسهل إنه يقع تحت بالجاذبية الارضية على الكارتير..... موضوع إن لو الرشاش مسيل تلاقى دخنه سودا ده بيبقى فى العربيات السولار لأن جزء من الجاز بيتحرق نتيجة إرتفاع ضغط وحرارة الإسطوانة.

السلام عليكم

الوان الدخنة

اولا بالنسبة لعربيات البنزين او الجاز

دخنة بيضة : تدل علي وجود الماء في الوقود
دخنة رصاصي تميل الي زرقاء : تدل علي حرق زيت (مكنة مفوتة - جلد صبابات)
دخنة سوادء: تدل علي احتراق غير كامل خلل في stoichiometric ratio وهيا نسبة الهواء الي الوقود وتكون 1:15 في حالة البنزين , وفي الجاز وديه المسئول عنها (lambda sensor)) او حساس الاكسجين ذي ماهو متعارف عليه في السوق ولو حصل خلل بالشكل البشع ده ذي محضرتك بتتخيل ان البنزين بينزل بفعل الجاذبية علي الشنابر اكيد كان حيحصل الاتي

1-لمبة الشيك تنور عن طريق قراءة حساس الاكسجين
2-لابد من دخنة سودا
3-واكيد العادم رائحته بنزين ني

من فضلك راجع المصدر ادناه

Exhaust Color Diagnosis | White Smoke Blue Black
Exhaust fumes colour diagnosis - Manejo Inteligente - Infomanejo




ثانيا بالنسبة للعربيات الجاز احب اقول ان الاحتراق بيتم فيها (self ignition) اي اشتعال ذاتي مفيش بوجيهات بيكون ناتج من حرارة الهواء بعد ضغط البستون له وعلي حسب كلامك حضرتك كدا المفروض كل مكن الجاز يدخن حتي لو كان جديد

من فضلك راجع المصدر ادناه

HOW DOES A DIESEL ENGINE WORK? | Motorade.net


طبقا لكل ما سبق نستطيع وعلي حسب شرح asteraster للاعراض الي عنده يمكن القول ان الرشاشات سليمة

يص حضرتك انت نزلت الزيت الزايد خلاص ياريت تابعه من حيث الرائحة والمستوي لمدة تلات ايام لو الدنيا اتظبتت يبقي تمام لكن لو اتكررت المشكلة تاني

يبقي اكيد الاتي
ااحتمالية ان جوان وش سليندر ضرب (لان كتير من الناس تعتقد ان لازم يخلط زيت علي مية بس وده مش صح)
كما هوا موضح ادناه الاماكن المشهورة التي تتضرر للجوان والاعراض



او شرخ في وش السليندر نفسه ديه اظن لو عندك الميكانيكي عمر ما هيعرف يكتشفه (نتمني من الله ان يكون الجوان)

ادناه المصدر مع التوضيح

AGCO Automotive Repair Service - Baton Rouge, LA - Detailed Auto Topics - Symptoms of a Blown Head Gasket



اتمني من الله ان يوفقك وانا متابع معاك

المشاركة الأصلية كتبت بواسطة asteraster

انا فعلا برجح فكرة الرشاش المسيل دي لان في تسقيف في العربيه يعني بسمع صوت البوجيهات كانها بتشعل ع الفاضي لما بكبس بنزين وبشم ريحة بنزين في العربيه وانا سايق لكن وهي واقفه مش بشم حاجة وعموما انا النهارده شفطت الزيت الزيادة وهتابعه لو زاد تاني في خلال يومين تلاته هروح اكشف ع الرشاشات . هو الميكانيكي لو فك الرشاش هيعرف مسيل ولا لا

البنزين الي بتشمه جوا العربية وانت بتجري ده نتيجة الي

1- تلف في اورينجات الرشاشات الي بتسبتها علي المانيفولد
2-ياريت تفتح اربة الميه كدا وتشمها لو كان فيها ريحة بنزين لان ممكن يكون تلف الجوان او وش السليندر خلي المكنة تسرب الشحنة المضغوطة الي المية فابالتالي بلف الامان بتاع الربه يفتح وتشم انت البنزين وانت ماشي لان الاربة من ناحيتك وانت سايق عند الصدر

بانسبة للتسقيف ده عادي لو انتا شغال بنزين 80

لكن لو بنزين 92 يبقي ده بياكد كلامي علي وجود مشكلة في الجوان بتاع وش السليندر او وش السليندر نفسه

ياريت تقلي العربية موديل كام وماشية كام الف

المشاركة الأصلية كتبت بواسطة amadios

الحتة الوحيدة إللى تخلى البنزين يختلط بالزيت هى الرشاشات لأن العربية بتاعة حضرتك مش كاربراتير ورداخ..... ولو رشاش مسيل حيخلى البنزين مايتحرقش والاسهل إنه يقع تحت بالجاذبية الارضية على الكارتير..... موضوع إن لو الرشاش مسيل تلاقى دخنه سودا ده بيبقى فى العربيات السولار لأن جزء من الجاز بيتحرق نتيجة إرتفاع ضغط وحرارة الإسطوانة.

الجزء الي انا معلم عليه ده معناه ايه

بالنسبة لموضوع الزيت انت عندك حق في انه يغيره طبعا

بالنسبة للقاعدة الذهبية يتاعت حل المشاكل الي كلنا عارفينها طبعا بنطبقها بس في الحاجات الي ليها ارتباط بالمشكلة وده الي انا مش شايفه في موضوع الرشاشات و ارتباطها بالمشكلة الحالية

في النهاية نرجو من صاحب الموضوع ان يقوم بطرح حل المشكلة علينا بعد مايوصل ليها لكي تعم الفائدة