عايز افكر بصوت عالي

**Mark20** · 28-11-2014 04:17 PM

انا لسه مسجل في نايل موتورز بصراحه انبهرت من الاحترام و حرص الاعضاء انهم يفيدوا بعض من غير ما يكون لهم مصلحه و اشكركم مسبقا علي الرد

انا بفكر اجيب عربيه حاليا
محتار بين كذا عربيه
المستعمل تويوتا ياريس 1300
اولانسر 1300
الاتنين مانيوال
موديل 2007

انا بيتهيالي مش هيزيدو عن 80الف

او هيونداي ماتريكس بس طبعا هزود السعر شويه

و احتياري الاكبر اني اجيب زيرو و بالذات بعد موديل
رينو لوجان (عاجبني الصراحه )و بالذات الفئه التالته
اللي قالقني فيها اني من اسيوط التوكيل عندنا مش للدرجه و خايف ماستفيدش من ضمان الزيرو و كمان انا شخصيا مش بميل للوجان

محتار جدا

محتاج مساعده عن تجربه

اشكركم علي الافاده

**amr011111** · 28-11-2014 04:43 PM

طبعاً هات مستعمل كفابه انك هتروح المعرض تختار العربيه واللون اللى انت عاوزه ومش هتبقى شايل هم كل عربيه مستعمله تروح تشوفها تكشف عليها وطبعاً مهما كشفت عليها مش هتعرف كل خباياها

ده غير اى عربيه مستعمله هتشتريها هتصرف عليها مبلغ وقدره فى الصيانه العاديه اللى بتتعمل لما تشترى اى عربيه مستعمله
هتلاقى نفسك بتغير كل السيور ( كاتينه وباور وتكييف ودينامو ) وهتغير كل الزيوت ( فتيس وفرامل وموتور ) وهتغير كل الفلاتر ( تكييف - زيت - هوا ) واحتمال تغير كاوتش كمان

يبقى الافضل ليك الزيرو وخاصة رينو لوجان عربيه واسعه من جوه جداً وشيك وهتعجبك ان شاء الله

لو عاوز مستعمل يفضل تخدها من حد معرفه تكون عارف تاريخ العربيه معاه ايه وانه بيبيع للتحديث مش علشان العربيه تعباه
وبالتوفيق

**J A G U A R** · 28-11-2014 05:16 PM

لو اللوجان قطع غيارها متوفره عندكم والتوكيل كويس توكل على الله
غير كده شوف حاجه استعمال نظيف 1600 وبلاش 1300 خالص

**hugan** · 30-11-2014 01:38 AM

ماتشتريش عربيه مستعمله
الا اذا كنت متاكد مبيون في المايه من ا العربيه سليمه ونضييفه ومش ملعوب فيها
غير كده اشتري زيرو وريح دماغك
ولا تثق في اي حد ولا اي تاجر حتي لو اقسم لك بجميع الايمان