الموضوع: أول مشاركة ليا واوعدكم مش هسأل كورولا ولا فلوانس

المشاركة الأصلية كتبت بواسطة roland

يا جماعة بجد محتاج حد يفيدنى بالنصيحة اختار انهى عربية ولا اعمل ايه وياريت يكون حد مجرب اى عربية فيهم ولا الدنيا برد والناس مكسلة ترد

انا معايا الفلوانس 2015 الفئة اللي قبل الأخيرة لسه مستلمها من 10 ايام تقريباً وسافرت بيها والعربية ممتازة جدا على الطريق وثابتة جدا كنت ماشي على 140 ومش حاسس بالسرعة وعلى فكرة انا ركبت الفلوانس 2013 والفرق في السحب كبير جدا لدرجة أن صاحبها لما ركب عربيتى طلب مني اني أسأل في التوكيل اذا كان ممكن يغير الفتيس بتاعة ويركب الفتيس بتاعي... المهم يا باشا حضرتك اللي تقدر تحدد تختار ايه لأن الأتنين ممتازين بس لو نويت على الفلوانس التحرك بسرعة عشان تلحق الخصم وأسأل عن أي حاجة تحب تعرفها وانا اجاوبك بس كفخامة الرينو افخم بكتير وأوسع انا زيك فكرة في التويوتا ولما قارنة بينهم الرينو تكسب وخصوصا أن الفرق بين العربيتين لا يساوي ابدا فرق السعر ابدا بل بالعكس في حاجات في الرينو مش موجودة في التويوتا والعكس صحيح

يافندم سؤالك مظبوط جدا , هل فرق ال 20 الف يستاهل ؟ انا شايف انه مايستاهلش بصراحة وفى رأيى تجيب الفلوانس , انا عربيتى فلوانس اول فئة وعن تجربة سحب العربية رائع وممتاز , وكان معايا قبلها لانسر بومة والفلوانس بتدينى نفس اداء وسحب واعتمادية اللانسر المعروفة بسحبها الكويس, حتى لو فى الكورولا حاجات تتفوق على الفلوانس ف ماعتقدش ابدا انها تساوى 20 الف

المشاركة الأصلية كتبت بواسطة محمود عمر

انا معايا الفلوانس 2015 الفئة اللي قبل الأخيرة لسه مستلمها من 10 ايام تقريباً وسافرت بيها والعربية ممتازة جدا على الطريق وثابتة جدا كنت ماشي على 140 ومش حاسس بالسرعة وعلى فكرة انا ركبت الفلوانس 2013 والفرق في السحب كبير جدا لدرجة أن صاحبها لما ركب عربيتى طلب مني اني أسأل في التوكيل اذا كان ممكن يغير الفتيس بتاعة ويركب الفتيس بتاعي... المهم يا باشا حضرتك اللي تقدر تحدد تختار ايه لأن الأتنين ممتازين بس لو نويت على الفلوانس التحرك بسرعة عشان تلحق الخصم وأسأل عن أي حاجة تحب تعرفها وانا اجاوبك بس كفخامة الرينو افخم بكتير وأوسع انا زيك فكرة في التويوتا ولما قارنة بينهم الرينو تكسب وخصوصا أن الفرق بين العربيتين لا يساوي ابدا فرق السعر ابدا بل بالعكس في حاجات في الرينو مش موجودة في التويوتا والعكس صحيح

اشكر حضرتك على ردك وألف مبروك العربية وربنا يبارك لك فيها يارب ,,, اللى قريته فى منتديات الفلوانس خوفنى من سحبها علشان كده دى كانت اكتر نقطة قلقانى وكذلك الثبات مع السرعة واعتقد حضرتك بتقول ان السحب والثبات كويسين ,, الحاجة التانية ايه رايك فى التوكيل (ده لو كنت غيرت زيت اول 1000) علشان برضه فى منتديات الفلوانس بيقولوا ان فى التوكيل بيغيروا زيت الفابريقة بزيت من توتال مش متوافق مع الموتور وبيخللى صوته عالى برضه احب اعرف رأى حضرتك ومعلش كمان سؤال لو تسمح لى ايه اخبار العزل وانت مسافر وعفشة العربية؟؟

المشاركة الأصلية كتبت بواسطة hanyyacot

يافندم سؤالك مظبوط جدا , هل فرق ال 20 الف يستاهل ؟ انا شايف انه مايستاهلش بصراحة وفى رأيى تجيب الفلوانس , انا عربيتى فلوانس اول فئة وعن تجربة سحب العربية رائع وممتاز , وكان معايا قبلها لانسر بومة والفلوانس بتدينى نفس اداء وسحب واعتمادية اللانسر المعروفة بسحبها الكويس, حتى لو فى الكورولا حاجات تتفوق على الفلوانس ف ماعتقدش ابدا انها تساوى 20 الف

بالظبط حضرتك هوه ده اللى انا بسأل عليه ,, انا مش بقارن بين العربيتين وعارف ان كل مقارنة حصلت هنا فى المنتدى انتهت لصالح الكورولا واعتقد فى رأيى الشخصى المتواضع انها كانت لصالح الكورولا بسبب اعادة سعر البيع وتاريخ واسم كورولا ,,, وانا بمنتهى الأمانة لا بقلل من شأن الكورولا ولا من شأن الفلوانس بس لو قلنا ان فيه فرق اوبشن بين الكورولا وبين الفلوانس سؤالى بالتحديد هل فعلا فرق الكام حاجة دول يستاهل 20 ألف جنيه واعتقد فعلا انه ما يستاهلش بس انا بجد حبيت أتأكد علشان ابقى استثمرت المبلغ احسن استثمار مش اكتر بأعتبار ان السيارتين محترمين

بعيدا عن المقارنة لان الاثنين كويسين
من كلامك ارجح الكورولا حتي لو اغلي شوية
والله اعلم ..

من الأفضل ان حضرتك تحاول تعمل تست درايف علي الفلوينس والكورولا ، ممكن من خلال احد الملاك بالمنتدي او بالتنسيق مع وكلاء السيارتين .
دا كفيل لوحده ان يحسم قرارك ، لأن ممكن تقارن بين العربيتين علي الورق وبعد ما تشتري تلاقي نفسك مش مستريح - علي الأقل في وضعية الجلوس في كرسي السائق .
دي كانت تجربتي في بداية نزول الكورولا ٢٠١٤ حجزتها وقعدت مستني الاستلام ، وبالصدفة لقيتها مع زميل بالعمل واتفاجئت لما سوقتها أول احساس جالي مش معقول المبلغ ده علي العربية كتير عليها ، بصراحة كنت منتظر من اسم تويوتا حاجة افصل من كده ، تاني حاجة بالنسبالي كانت وضعية كرسي السائق غير مريحة يعني تحس انك قاعد تحت ، الغريب ان كورولا ٢٠١٣ كنت بستريح في قاعدتها ، طبعا لا داعي للتعليق علي تصميم العربية من الداخل والخارج لانها أذواق ، وفي الاخر لغيت الحجز .
في النهاية الكورولا عربية اعتمادية وممتازة دا مفيهوش جدال لاكن مش بالسعر دا وفر فلوسك أحسن ،
بالنسبة للفلوينس هتلاحظ ان رغم سمعة الفرنساوي السيئة في مصر بدأت السيارات الفرنساوي تنتشر في شوارع مصر ودا يرجع لسبب رئيسي وهو القيمة مقابل السعر اللي بدأت السيارات الأوروبية تنافس عليه .
من وجهة نظري الفلوينس افضل - لانها الأفضل كسعر في فئتها ، الأرخص في اسعار قطع الغيار .
بالتوفيق في اختيارك .

المشاركة الأصلية كتبت بواسطة roland

اشكر حضرتك على ردك وألف مبروك العربية وربنا يبارك لك فيها يارب ,,, اللى قريته فى منتديات الفلوانس خوفنى من سحبها علشان كده دى كانت اكتر نقطة قلقانى وكذلك الثبات مع السرعة واعتقد حضرتك بتقول ان السحب والثبات كويسين ,, الحاجة التانية ايه رايك فى التوكيل (ده لو كنت غيرت زيت اول 1000) علشان برضه فى منتديات الفلوانس بيقولوا ان فى التوكيل بيغيروا زيت الفابريقة بزيت من توتال مش متوافق مع الموتور وبيخللى صوته عالى برضه احب اعرف رأى حضرتك ومعلش كمان سؤال لو تسمح لى ايه اخبار العزل وانت مسافر وعفشة العربية؟؟

الله يبارك فيك... وحكاية الزيت دي انا كمان قرأتها لكن المفاجأة اني لما راجعت كتالوج العربية اكتشفت أن التوكيل بيستخدم درجة لزوجة الزيت المكتوبة في الكتالوج... أما العزل ممتاز والعفشة ناعمة جدا انا عندي البلد مكسرة من يوم تركيب الغاز وأقدر أحكم وأقول وانا واثق مليون في المية أن العفشة ناعمة جداً

و على فكرة لما اتصلت بالتوكيل عشان أسأل عن معاد تغيير زيت الفابريقة قالي عند 10000 مش الف زي ما ناس بتقول أما التجربة العملية مع صديق ليا الفلوانس 2013 ومغيرش زيت الفابريقة إلا عند 8000 عشان كده مش حغير زيت إلا عند 8000 وأول صيانه عند 5000 وهي مجانية وفيها تربيط عفشتها وكشف على العربية ومفيش حاجة اسمها صيانة 1000