بالظبط كده .. ما تقدرش تقول دلوقتي
يبقي ترجع لإيه ؟ لتثبيت العوامل
انت ليه مصر تدخل اي عوامل اخري تبوظ بيها المعادلة و تطلعه كلام غلط؟
و انا لا جبت سيرة ماركات ولا قطع غيار ولا غيره
تحياتي
عرض للطباعة
أنا قلت لحضرتك إن الكلام مضبوط
إنما الواقع حاجة تانية.. وبيدخل فيه حسابات يفترض إنك كمستثمر تبصلها.
بكلم حضرتك من خلفية كوني مهندس صناعي يعرف يعني إيه دراسات جدوى.. وكمان عملي كمهندس واستشاري جودة.. يعني فاهم ازاي تقيم منتج.. وكمان خبرتي السابقة في الصيانة.. يعني فاهم أهمية إتاحة المكن للعمل بكفاءة.. وخلفية دراسة في تمهيدي ماجستير في الإدارة.. يعني عندي معلومات مبدئية في المحاسبة وإدارة الأعمال.
مع تحياتي.
...
انت جميل..انت صح
عندي سؤال كده
انا حاجز تويوتا كورولا من التوكيل فرع العباسية المهم الوكيل اتصل بيطلب باقي الثمن ليستكمل نقل السيارة من الإسكندرية
السؤال بقا مش المفروض اشوف العربية اقبل مدفع باقي الثمن وبعد ما ادفع يستكمل الورق وبعدين استلم
ارجو الرد السريع
لا يا فندم عادى
احنا كلنا دفعنا مقدم
ولما المركب وصلت والعربية وصلت الميناء ف الاسكندرية بيطلب منك تسدد باقى تمن العربية علشان تتنقل من اسكندرية للفرع الى انت حاجز فية عادى
روح ادفع باقى المبلغ وبعدها بايام بتستلم العربية ان شاء الله
متقلقش انت بتاخد شيك بالمبلغ الى انت دفعته وانت بتتعامل مع شركه محترمه تويوتا ايجيبت
الف مبروك مقدما
تحياتى
:giveflowers::giveflowers:
الورد دا لكل اللى شارك فى المناقشة المثمرة دى
واللى بتعبر عن النضج الفكرى والمستوى الرفيع لكل المشاركين ..
بكون سعيد جدا لما بشوف اننا بنعبر عن رأينا بكل أمانة وحيادية تامة ودا أكيد بيفيد أى شخص عنده استفسار أو محتار فى أمر ما وأنا منهم ...
تحياتى لكم جميعا
انا اسف كان بقالى مدة طويلة اوى مش بدخل بسبب ظروف معينة ,, المهم انا حبيت اوضح للأستاذ اللى سألنى ازاى مش فارق معايا سعر اعادة البيع ورغم كده بقارن بين اسعار العربيات ,, طبعا مع احترامى الشديد جدا لشخصه ,, انا لما قلت مش فارق معايا سعر اعادة البيع كنت اقصد انى مش هاشترى عربية علشان سعر اعادة البيع ميزة بالنسبة لى ,, او بمعنى اصح عايز اقول بشكل غير مباشر ياريت ماحدش يحط سعر اعادة البيع فى حساباته عند المقارنة او الأختيار ,, علشان مع احترامى الشديد جداا لكل الأراء ,, سعر اعادة البيع ده مرتبط اكتر بعوامل السوق والأقتصاد والعرض والطلب وبشكل شخصى (يخصنى انا علشان ماحدش يزعل) مش ممكن افكر انا هابيع العربية بكام قبل ما اشتريها اصلا علشان المفروض انك بتجيب عربية تركبها تستمتع بيها تريحك تحس انك اخدت اكبر مميزات بسعر معقول لكن مش علشان اتاجر فيها واحسب مكسبى وخسارتى قبل ما احسب 5 سنين على الأٌقل استخدام وسواقة هايبقى شكلهم ايه؟؟ علشان كده حضرتك يهمنى سعر الشراء وليس سعر اعادة البيع
انت بتتكلم صح..بس كلامي ماكانش موجه ليك مباشرةً
كان موجه للي كانو بيقولولك كورولا افضل عشان نسبة سعر اعادة البيع اعلي حتي لو حتدفع اكتر
تحياتي
بس ماعرفناش استقريت علي ايه ؟؟
لا يافندم ولا انا كلامى كان ليك ده كان للى بيتناقش معاك اسمه اعتقد استاذ سالم وانا رديت فى اخر المناقشة اللى بينك وبينه حوالين مفهوم سعر اعادة البيع ,, وانا لم قلت ان سعر اعادة البيع مش فارق معايا كنت اقصد انه مش الميزة اللى هاتخلينى اشترى عربية لأن بصراحة كل ما اسأل واحد على التيوتا يقولى سعر اعادة البيع لما ورمت من سعر اعادة البيع هههههه ,, حبيت اقول ياريت حد يكلمنى عن العربية ويقنعنى بيها وبسعرها من غير ما يقولى سعر اعادة البيع ,,, المهم ان بعد المناقشات المثمرة دى كلها انا قررت اصرف نظر عن الكورولا وعلشان ماحدش يزعل انا فعلا بحب العربية دى وبحترمها جدا بس انا عايز اركب عربية بقيمة تعادل سعرها او بمعنى اصح عايز احسن عربية بأفضل سعر ,, وبالمبدأ ده (وبصرف النظر عن اختلاف الموديلات) هايكون ترتيبى كالأتى الفلوانس - الكروز - الشارك ,, وفيه ناس بترشح التوليدو بقوة ,,, ياريت اعرف رأيك علشان انا فعلا محتار جدااا وخصوصا ان خبرتى محدودة فى السيارات وانا ميال جدااا للفلوانس - منصور كتوكيل مع ضيق الصالون والكنبة الخلفية مخوفنى من الكروز رغم ميزاتها وسعرها - كذلك بيقولوا توكيل اللانسر اسوء من منصور ورغم ان العربية ممتازة بس الناس بتشتكى من ان العزل فيها سيئ جداا - التوليدو ماعنديش اى معلومات عنها - تانى ياريت تفيدنى برأيك واسف لو طولت عليك
الموضوع وسع وكبر واخد اتجاهات كتير
الكوروللا سعرها عالي...ايوه ...بس كل العربيات سعرها عالي ولو فرق السعر اللي حضرتك شايفه 25 الف نزل من تمنها ساعتها هاتبقي بنفس سعر المنافسين وهتاكل 90% من المبيعات
العربيه مجملا كويسه وناس كتير بتحبها
لو هاتقارنها بالفلوانس او السوبارو او السيراتو او اي حاجه تانيه هتلاقي التويوتا ماسكه العصايا من النص سواء في اﻻعطال او اﻻمان او اﻻحتفاظ بالسعر..وانا باقول ماسكه العصايه من النص مش متفوقه في كل حاجه
لو تمن الكورولا متوافق مع ميزانيتك وسوقتها بنفسك وجربت المنافسين ليها وعجبتك يبقي توكل علي الله وهاتها..لو حسيت انك مش مبسوط في ركوبتها يبقي فكر في البدائل
بالتوفيق في اﻻختيار
كقيمة مقابل سعر. .الفلوينس و التوليدو
يتذيل القائمة الكروز و الكورولا
فلوينس لها افضلية قطع غيار و توكيل محترم
بخلاف ان لو التوليدو فتيس dsg. .يبقي انساها فوراااا
الكورولا الميزه الفيها انها عربية اعتمادية بمعني إعادة بيع مسكه سعرها والميكانيك بتعتها مش معقدة توفر قطع الغيار بكثرة عربية بتعيش
بعد استخدام اكثر من عام و 32000 كيلو ، و مقارنة بالفلوانس بالذات،، الكورولا سعر اعلي بس..
1- راحة بال (مشاكل فريي)
2- واسعه - اوبشنز - تيل الفرامل عمل 32000 كيلو
3- محرك قوي و استجابه فوري رائعه
4- شكل ثوري من الخارج و انا من الناس الي معجب جدا بالتابلوه من جوه
5- و باقي الحاجات بقي اعادة بيع - اعتماديه - تكاليف مقبوله مقابل الصيانه
اخر حاجه النعومه الياباني الاصلية و ليست الكوريه و لا حتي الفرنسيه في الفئه دي.
جوود لاك و ربنا يوفقك في الي فيه الخير
هو سير الكاتينة فى الكرولا جنزير والا كاوتش عشان الفلوانس جنزير
سيدى الفاضل
بكل سهولة وبساطه هات اى عربية من العربيات اللى حضرتك بتقارن بينهم شوف الموديلات السابقة مثلا خمس سنين ورا وشوف مين اللى صامد الى الان بنفس الجوده والاعتمادية والمصاريف
وفى الاخر حضرتك اللى حتركب مش احنا احنا ما علينا الا النصيحه ونقل المعلومة بكل امانه
تحياتى وبالتوفيق فى الاختيار
يا ترى ايه راى صاحب الموضوع لما كان مستغلى الكرولا لما كانت ب 195 الف وحاليا نفسها بقت ب 405 الف جنيه مصرى !!!!!!!
تقريبا فى سنتين بقت الضعف