مشروع عاوز اعمله ، مطلوب نصائحكم فضلاً لا أمراً

**buisnessman** · 29-11-2014 03:48 PM

السلام عليكم

كنت عاوز أعمل موقع يكون بمثابة مشروع يدر لي دخلاً.
أنا طبعا محتار الموقع ده يكون ايه ؟
ومين ممكن يصممه ؟ وهيكون هناك فريق عمل طبعاً.
فيا ريت حد يقوللي التكلفة هتكون كام ؟
ودي عبارة عن تكلفة انشاء الموقع.
تكلفة الاستضافة وتكلفة اسم الموقع.
تكلفة طاقم العمل شهرياَ ودي بتعتمد على نوعية الموقع وهيشتغل لى ايه . أنا دوري هيكون اشرافي فقط لأني مش متفرغ ومش محترف انشاء او تطوير موقع.

ارجو من الخبراء الافادة.

**Merooxx** · 29-11-2014 04:00 PM

اعزرني ازاي هتعمل حاجا انتا منتش فاهم فيها
يعني ولا عارف الموقع هيكون محتواه ايه ولا مين هيصممه ولا التكلفة ولا عارف اي حاجة
ازاي هتشتغل !!

**Bassem Youssef** · 29-11-2014 04:22 PM

مواقع الويب بقت مضروبه في مصر حاليا

كل الشعب حاليا مقضيها علي الفيس و السلام

تعالي شوف المنتدي هنا

نسبه المشاهدات و المشاركات بقت ضعيفه جدا

عن نفسي عايز افتح موقع ويب عن التصوير و كده

بس عارف انه مش هيجيب فلوس و مصاريف علي الفاضي

**Karim Alaa** · 29-11-2014 05:24 PM

طبعا فى مواقع كتير ممكن تكسب بشكل كويس بس ركز على جمهور و محتوى اجنبى عشان قيمه الترافيك الى جاى تبقى عاليه ممكن تعمل موقع مقالات عن الجيمز دى شغاله كويس و اعلانتها غاليه سواء من ادسنس او اى شبكه تانيه مين ممكن يصممه اى مصمم كويس خش على فرى لانسر و حط شروطك هتحتاج دومين و هوستنج على حسب الترافيك الى جاى و هتحتاج كتاب ممكن تاخد شباب صغير فى الجامعه يبدا معاك و مع الوقت و الترافيك يزيد تقدر تجيب كتاب خبره اكبر اهم شىء تبقى حابب ده و متعملش ان ده مجرد حاجه بتجيب قرشين على جنب المنافسه نار و بالنسبه لناس كتير برا ده full time jop