العربيه بتجييييير في الغسيل

**swimmer25** · 30-11-2014 01:04 PM

المشاركة الأصلية كتبت بواسطة elgazar 7007

ايواااااااا لون السقف غير باقي العربيه
اما بمسحه بفوطه مبلوله بيرجع اللون اما بينشف بيبض اللون
ارمور اول جامد بجد
طب حل الموضوع دا ايييييه ؟
البوليش؟
تعرف نوع كويس بدون صاروخ وكدا

أعتقد البولش مش هيحل المشكلة
الحل الوحيد الدهان

**swimmer25** · 01-12-2014 10:03 AM

المشاركة الأصلية كتبت بواسطة Elgazar 7007

لا الحمد لله حضرتك اشتريت بوليش & شمع ف نفس الوقت بيترش
عملته النهارده وجاب نتيجه هايللللله
بس الرش دا صيني تعبان ومكنش فيه غيره
ياريت ال يعرف ارمور اوول بوليش بيتباع فين
يقولينا وسعره

هو إيه الرش دا؟
أي بوليش أو تلميع أعتقد هيكون نتيجته وقتيه فقط والله أعلم وبمجرد زوال طبقة البولش أو الشمع هيرجع اللون تاني زي ما كان
البولش بيشيل طبقة خفيفة أوي من الدهان وبيستخدم لما يكون فيه خرابيش وعايز تخفيها عشان تكون كل طبقة الدهان زي بعضها والإستخدام الكتير يؤدي إن طبقة الدهان اللي عمال تشيل فيها بالبولش بتخلص ويحصل اللي حصل عندك إن البوية تجير
والشمع بيستخدم لتغطية طبقة الدهان بطبقة تكاد تكون دهنية وهي الشمع او WAX
عشان تحافظ على الدهان من الشمس والعوامل الجوية
مثال للشمع نوع إسمه 3M:

3M Synthetic Wax Protectant 8 ounce 39056 - 3M Auto

الكلام ده على حد معلوماتي وعموما إنت مش خسران حاجة كدا كدا الدهان مجير بس متصرفش كتير في منتجات البولش وجرب بمنتجات مش غالية الأول
ما تصور كدا السقف يمكن تلاقى حد كان عنده نفس المشكلة وحلها
بالتوفيق

**ARKOON** · 05-12-2014 06:02 PM

المشاركة الأصلية كتبت بواسطة elgazar 7007

برفع الصور كل مره يقولي حدث خطأ
جبت النهارده شمع امريكي وبوليش مع بعض غير الرش الصيني دا
اعتقد ان الحته ال لونها بيبيض بعد الغسيل فعلا لونها راح بس الشمع والبوليش بيرجع جزء من اللون او ع الاقل مبقاش اللون ال راح ظاهر اوي
في شامبو من ارمور اوول شامبو و شمع ف نفس الوقت ياريت كلنا نستخدمه ونبطل البريل والكيماويات الزفت دي
سعره ٣٥ ونفسسسسي ارفع الصور الشامبو و الشمع والبوليش وحاجات تانيه بس مش بينفع

صورة الشامبو موجود على نفس الموقع بتاع ارمور اوول
وفي نوع تاني امريكي بردو اسمه ابرو ( abro ) سعره 25 ج .