هام و عاجل جدااااااااااااا

**smartman** · 31-10-2008 04:44 PM

يا جماعة اللى ناوى يشترى دلوقتى اى عربية يتأنى و يصبر شوية.....فيه مصدر موثوق منه و قريت على النت فى مواقع اقتصادية ان اسعار السيارات ح تنزل بنسبة 15 الى 20% ....أنا شخصيا كنت دافع مقدم عربية و كنت مستنى موديلات 2009 و الحمد لله كل تأخيرة و فيها خيرة .....انا ح اجل الشراء لغاية لما الآمور تستقر .....اظن تبقى بايخة اوى لما الواحد يشترى عربية ب 100 الف و بعد اسبوع ولا اثنين ولا حتى شهر سعرها ينزل 15 ل 20 الف جنيه ...طبعا ده كله بسبب ازمة السيولة اللى بيمر بيها العالم كله و بالتالى سوق العربيات ح يبقى الطلب عليه قليل ف ح ينزل السعر و دليل اخر ان فيه شركة بريليانس منزلة عربية 1600 سى سى اسمها Frv العربية دى سعرها 70 الف جنيه

**blazer** · 31-10-2008 04:53 PM

المشاركة الأصلية كتبت بواسطة smartman

فيه شركة بريليانس منزلة عربية 1600 سى سى اسمها Frv العربية دى سعرها 70 الف جنيه

مش عشان شركه نزلت عربيه رخيصه يبقى كله هيعمل زيها
طيب ما الجين 2 تعتبر رخيصه جدا بلنسبه للمنافسان بتوعها و اوبشنها عالى جدا فدا مش دليل
ثم ان مصر صعب قوى ان دا يحصل

**ToYoTa** · 31-10-2008 05:02 PM

المشاركة الأصلية كتبت بواسطة smartman

.....فيه مصدر موثوق منه و قريت على النت فى مواقع اقتصادية ان اسعار السيارات ح تنزل بنسبة 15 الى 20% ....

طب ياريت حضرتك تقولنا اسم المواقع الاقتصادية دي ايه ؟؟

ولا هو سر

**smartman** · 31-10-2008 05:58 PM

و لو انى عارف انك انت يا بلازر و انت يا تويوتا شغالين فى معرض سيارات و من مصلحتكم طبعا ان التخفيضات دى متحصلشى لكن انا بأرد عليكوا و ادى الموقع اهوه وهو مش موقع اجنبى لا سمح الله ولا حاجة لكن موقع مصرى اسمه كونتاكت كار اكيد تعرفوه ما انتوا شغالين فى نفس المجال
http://www.contactcars.com/News_View...sp?NewsID=2323

**ToYoTa** · 31-10-2008 06:01 PM

وبعدين ايه اللي جاب البريليانس frv لموضوع الاسعار

البريليانس frv دي عربية صيني هاتشباك زي اي عربية صيني هاتشباك كنت يعني عايزها تبقي بكام دي ياراجل كتير عليها ال 70000 كمان (شكلها مقرف شوية)

صورتها اهي عشان تبقي عارف

**smartman** · 31-10-2008 06:12 PM

المشاركة الأصلية كتبت بواسطة ToYoTa

وبعدين ايه اللي جاب البريليانس frv لموضوع الاسعار

البريليانس frv دي عربية صيني هاتشباك زي اي عربية صيني هاتشباك كنت يعني عايزها تبقي بكام دي ياراجل كتير عليها ال 70000 كمان (شكلها مقرف شوية)

صورتها اهي عشان تبقي عارف

اعتقد انك مش لاقى كلام تقوله ....مش عارف فيها ايه يعنى لو الناس يخلوا عندهم شوية ضمير و يقولوا كلمة الحق ان سوق السيارات ح يقع قريب يعنى ده ح يخلى الناس اللى لسه ما عندهاش فكرة و رايحين يشتروا دلوقتى يوفروا 18-20% يعنى ده حرام ؟

**شريف** · 02-11-2008 10:50 AM

لا مش حرام ياباشا
والناس نفسها محدش قال حاجة

**Osama_soliman** · 02-11-2008 11:38 AM

فى مصر.............. لا مؤشرات
فى مصر.............. لا تأثير للازمة العالمية
فى مصر ............. حاجة تجنن

**waled369** · 02-11-2008 11:42 AM

المشاركة الأصلية كتبت بواسطة ToYoTa

وبعدين ايه اللي جاب البريليانس frv لموضوع الاسعار

البريليانس frv دي عربية صيني هاتشباك زي اي عربية صيني هاتشباك كنت يعني عايزها تبقي بكام دي ياراجل كتير عليها ال 70000 كمان (شكلها مقرف شوية)

صورتها اهي عشان تبقي عارف

بالعكس العربية دي تعتبر صورة مصغرة من جيب نيسان انفينتي يعني شكلها جميل جدا مش مقرفة و لا حاجة .
معقول دي تمنها 70000 بس و الله حلوة أوي