قشقاي 2015 سبورت ( اعلى فئة) تقرير مصور عالسريع من السبع

**Mohamed Shokry** · 01-12-2014 10:29 AM

العربية دي طال انتظارها و اظنها هتاخد حصة كبيرة من الاسبورتاج في سوق الكروس اوفر

**houseiny** · 02-12-2014 12:05 AM

Dig -t اعتقد ده يوازي في الكوري الموتور جي دي أي بس ده تربو ، على حد معلوماتي ان الجي دي اي ، بيزود ضخ الهواء مع الوقود زائد ان الرشاشات بتضخ الوقود على البساتم مباشرة فالحرق بيكون كامل من غير اي هدر للطاقة ، زائد التربو فيدي قوة اكبر ، بس التربو اعتقد محتاج يدي قوته مع بنزين 95 عشان خاطر سرعة الاشتعال ، سؤال بقي دلوقتي ، هل نسبة الانضغاط القليلة بتاعت الموتور ده ، هتعوض عن البنزين 95 ، لان نسبة الانضغاط 10:1 فاعتقد ده هيكون فلة مع 92 ، لكن هل التربو هيحتاج 95 عشان العربية متخسعش معاك في التسارع مع نشبة انضغاط الموتور مش محتاجة 95 ، وتبقي بطة بلدي وخاصة انها 1200 سي سي مع التربو بتدي 117 حصان ، بس لو بنزين سريع الاشتعال زي 95 مع تربو ، هل 92 مع نسبة انضغاط قليلة هتدي نفس الكفاءة ، التخوف الاكبر من حاجة تانية هل لو تم استخدام 92 هلى كفاءة الموتور هتنزل للتلتين كالمتوقع عشان نسبة الحرق بتاعت البنزين 92 اقل ن ده اذا كان البنزين في مصر 92 اصلا"، الواحد دماغة لفيت مع الناس دي ، هما ليه مبينزلوش عربيات زي خلق الله معروف اولها من اخرها ، ويحطو موتور شكله عدل بدل اللي شكله يسد النفس اللي راكب فيها ده زي ميكون متركب في الحرفيين كل كابل في ناحية ومتعرفش هو كل سلك جاي منين ورايح فين ، اللي يضحكك بقي اني بسال الراجل بتاع المبيعات في نيسان النهاردة بقوله هو الموتور ماله ملعبك وشكله مبعزق ليه كده ، مافيش حتي غطي علبة تلاجة حتى يحطوه يداري الهم ده كله ، قالي شغل انجليز بقي ، هما شغلهم بيبقي كده ، والله ضحكت ، محسسني انه بيتكلم على ناس من السنغال ميعرفش ان الانجليز اكتر ناس محسكوة في شغلها وبتحبب تظهر الحاجة بشكل مرتب عشان سهولة الصيانة على الاقل

**Omar_4ever** · 04-12-2014 03:38 PM

المشاركة الأصلية كتبت بواسطة Omar_4ever

بسم الله الرحمن الرحيم

انهارد كنت في السبع

وفوجئت بالقشقاي الجديدة فئة السبورت

السعر 235 الف جنيه بس لسا مفيش تسليم دلوقتي

الخامات الداخلية اتحسنت كتير والعربية تحسوا انها بقت اكبر حجما

الموتور 1200 سي سي تيربو ، 190 نيوتن عزم عند ار بي ام 2000

بيشتغل على بنزين 92 بس انا طبعا مش مقتنع بالكلام ده لأنه اكيد التيربو مش هيشتغل مع ال 92 بنفس الكفاءة

- مكتوب خلف غطاء التانك ( ينصح ببنزين 95 )

اسيبكم مع الصور وابرز التعديلات

المقصورة الداخلية

كرسي كهرباء

جنط 19

البانورامــــــــــــــــ ـا

سخانات وليدات الفانوس الخلفي

ليدا الفانوس الأمامي ( الشمس كانت ضاربة فيه فمش باين اوي )

**ayman2** · 04-12-2014 04:08 PM

المشاركة الأصلية كتبت بواسطة M.Elwan

عشان تعرف ينفع بنزين ٩٢ او ٩٥ لازم نعرف compression ratio
بس في كل الأحوال مفيش مشاكل تضر الموتور من البنزين لان العربية فيها engine knocking sensor بس ممكن قدرة المحرك تقل

سكودا مغيرتش العربية عشان الموتور الربو فيه مشاكل بالعكس ده كان موتور رائع وبيشتغل ب٩٢ عادي
سكودا غيرت العربية عشان الفتيس dsg كان ليه مشاكل في الاستخدام في مصر

+1

**S O P H O S** · 06-12-2014 06:58 PM

تسلم يا باشا
تقرير جميل للتحفه الجديدة
تظل المشكلة سعر وحجز العربية

**walid tageldine** · 06-12-2014 07:18 PM

المشاركة الأصلية كتبت بواسطة s o p h o s

تسلم يا باشا
تقرير جميل للتحفه الجديدة
تظل المشكلة سعر وحجز العربية

اليكم اسعار التسليم الفوري من السبع
الفئة الاولي 222 الف
الفئة التانية 235 الف
الفئة التالتة 255 الف

و التسليم علي طول و العربيات واقفة في المخزن الكبير الي في اول شارع النزهة في كميات رهيبة و كل الالوان و الفئات

**marwanragab** · 06-12-2014 07:26 PM

المشاركة الأصلية كتبت بواسطة walid tageldine

اليكم اسعار التسليم الفوري من السبع
الفئة الاولي 222 الف
الفئة التانية 235 الف
الفئة التالتة 255 الف

و التسليم علي طول و العربيات واقفة في المخزن الكبير الي في اول شارع النزهة في كميات رهيبة و كل الالوان و الفئات

يانهار ابيض دة فرق سعر رهيب !!!!

**sherif zayed** · 06-12-2014 08:31 PM

يخسارة بجد الواحد كان مستنى العربية دى بفارغ الصبر بس للأسف دة حال الوكيل فى مصر. قمة الأستهتار بعقول المستهلكين. على سبيل المثال ماتور اية اللى 1200 تربو دة ﻻ يناسبنا وﻻ يناسب ظروفنا وﻻ البنزين الزبالة اللى عندنا. دة حتى بنزين 95 بيتغش يا جدعان. الحاجة التانية النيو قشقاى فى أوروبا بينزل بشاشة تاتش محترمة كدة فيها كل أوبشن العربية أنما زى ما أنا شايف من صور التقرير أنها شاشة صغيرة ومش تاتش وحاجة تقرف بصراحة.
الخﻻصة إن مفيش وكﻻء محترمين للسيارات فى مصر عموما. حسبنا الله ونعم الوكيل

**marwanragab** · 07-12-2014 12:26 AM

المشاركة الأصلية كتبت بواسطة sherif zayed

يخسارة بجد الواحد كان مستنى العربية دى بفارغ الصبر بس للأسف دة حال الوكيل فى مصر. قمة الأستهتار بعقول المستهلكين. على سبيل المثال ماتور اية اللى 1200 تربو دة ﻻ يناسبنا وﻻ يناسب ظروفنا وﻻ البنزين الزبالة اللى عندنا. دة حتى بنزين 95 بيتغش يا جدعان. الحاجة التانية النيو قشقاى فى أوروبا بينزل بشاشة تاتش محترمة كدة فيها كل أوبشن العربية أنما زى ما أنا شايف من صور التقرير أنها شاشة صغيرة ومش تاتش وحاجة تقرف بصراحة.
الخﻻصة إن مفيش وكﻻء محترمين للسيارات فى مصر عموما. حسبنا الله ونعم الوكيل

كلام مظبوط جداااا والله بس انا راي ان دي اقل عربية اتشال منها حجات في مصر ال ix35 والسبورتاج اكتر بكتييييير

**الكندي** · 07-12-2014 12:32 AM

المشاركة الأصلية كتبت بواسطة walid tageldine

اليكم اسعار التسليم الفوري من السبع
الفئة الاولي 222 الف
الفئة التانية 235 الف
الفئة التالتة 255 الف

و التسليم علي طول و العربيات واقفة في المخزن الكبير الي في اول شارع النزهة في كميات رهيبة و كل الالوان و الفئات

قمة الاستهبال وعدم احترام العملاء من نيسان... سايبين نفسهم للوكلاء والوكلاء ينفخوا العملاء براحتهم... يعني العربية موجودة وبضمان نيسان مصر وبالسعر ده؟ وتبقى العربية بسعرين في السوق!! والله لن اخضع لجشع التجار حتى لو انتظر سنة ..