نقرة في دهان السيريون

**aliabutaleb** · 31-10-2008 06:00 PM

السلام عليكم

من حوالي شهرين واحد ابن حلال ربنا يسامحه خربشلي العربية بحاجة زي مفتاح أو مسمار بس مش خربوش بالطول، لا ده عمل نقرة في الدهان
فضلت النقرة دي زي ماهي مش عارف أعمل فيها إيه
لغاية ما لقيت بعد آخر شوية مطرة لونها اتحول للون البني زي ما يكون بقى فيه صدأ
زي ماهو في الصورة دي
يارب الصورة تكون واضحة

دلوقتي هل فيه حاجة ممكن أعملها عشان متصديش أكتر من كدة وتعمل بارومة زي ما ناس كتير حذرتني؟

**MoToRiZeR** · 31-10-2008 06:09 PM

أعتقد .. واكس !؟
بس هي تلحق تصدي بسرعة كدة ؟ مش ممكن يكون مش صدأ ؟

امال انا الإكصدام بتاعي من تحت شكله بقي دلوقت ايييه ربنا يستر

**أبو عبدالله** · 31-10-2008 06:11 PM

بص يا اخي علي

اولا قدر الله وماشاء فعل وربنا يحفظك انت واهلك ومالك ان شاء الله

دي هتحتاج تروح لأي محل من اللي بيبعوا البوية بتاعت العربيات
علشان يضربلك لون زي بتاع العربية وتاخد زجاجة صغيرة في حدود 5 او 7 جنيه
حاجه كده صغيرة
وتجيب صنفرة ناعمة
وتصنفر المكان ده براحه كده بحيث تشيل اللون بتاع الصدا ده
خلي بالك ده مش صدأ زي ما انت متخيل
ده حاجه خفيفه كده
ولكن مش صدأ اللي هيمسك في العربيه وياكل الصاج
ده اي حديده بتسبها شويه في جو رطب بتعمل اللون ده وهيا حاجه خفيفه
وعلى فكره صاج العربيه متجلفن كله يعني متخفشي ان شاء الله

وبعد الصنفرة هتجيب قطنه وتعملها بوز وتحطها في البوية وتريم يا معلم على المكان ده
يعني تغطيه وبس خلاص

بس عاوز ايدك تبقى زي بتاعت الفنان كده وخلي جمبك زجاجة بنزين علشان لو معجبكشي اللي انت علمته
تروح شايله بالبنزين ومكمل تاني

وابقى صورلي الشغل بقه

وان شاء الله تطلع حلوة بإذن الله

**أبو عبدالله** · 31-10-2008 06:16 PM

المشاركة الأصلية كتبت بواسطة MoToRiZeR

أعتقد .. واكس !؟
بس هي تلحق تصدي بسرعة كدة ؟ مش ممكن يكون مش صدأ ؟

امال انا الإكصدام بتاعي من تحت شكله بقي دلوقت ايييه

ربنا يستر

بص يا محمود عمرها ما تصدي دلوقتي ابدا
الصاج كله متجلفن من جوه وبره

بس هو معروف اي حديده لو تركتها في الجو الرطب شويه بتلاقيها تعمل عليها زي طبقة خفيفة كده نفس اللون بتاع الصدأ
ومع اول دعكه منك بتلاقيها اتشالت
يعني ده بيبقى اكسده فوق طبقة الحديد وليس داخل الحديد نفسه
يعني مش ماسك في الحديد وانما طبقه فوقه

**MoToRiZeR** · 31-10-2008 06:19 PM

طب هو مش ممكن يا أبو عبد الله نصنفرها و نغطيها بعد كدة بطبقة شمع ؟
بدل ما نحط لون ممكن ميبقاش متطابق مع لون العربية و يبقي شكلها وحش

**أبو عبدالله** · 31-10-2008 06:22 PM

لا متخفشي اصلا من موضوع الصدأ ده

اما بخصوص اللون
هو الراجل بتاع الدهان هيضربلك لون وبيجربه على العربيه لحد ما يطلع زي بتاعها بالظبط
متخفشي

**aliabutaleb** · 31-10-2008 06:42 PM

على فكرة النقرة باينة في الصورة كبيرة أوي
هي أصغر من كدة بكتير

فنان يابو عبد الله والله :)
ربنا يجزيك خير على النصيحة
هاجرب وأصور لكم وربنا يستر

محمود
انا فكرت في الواكس
بس المشكلة ان النقرة عميقة مش مجرد خربوش
يعني أظن جابت صاج العربية
ربنا يسترها معانا جميعاً من الشوارع اللي مليانة مرضى نفسيين

**معاذ الشرباصى** · 31-10-2008 10:03 PM

يا على مش دى زى بتاعة الباب الخلفى اليمين؟

حاجو زيها يعنى؟

**aliabutaleb** · 31-10-2008 10:58 PM

المشاركة الأصلية كتبت بواسطة معاذ الشرباصى

يا على مش دى زى بتاعة الباب الخلفى اليمين؟

حاجو زيها يعنى؟

لو تفتكر دي يا معاذ اللي كنت وريتهالك فيها آثار كدة زي مايكون معمولة بمفتاح
بس أيامها كان لونها متحولش للون صدا زي دلوقتي
هي تفرق عن النقرة اللي جنب الباب اليمين في إنها أعمق شوية ومسطحة مستوية

**bmya** · 01-11-2008 12:12 AM

ياباشا حلها طبعا زي ما ابوعبدالله قالك وبعدين انا عندي العربيه من وره بعد ما اتخبطت
ورديتها علي البارد كلها نقر من دي وعلمتها زي مما ابو عبدالله قالك وهو ده الحل الوحيد

الموضوع: نقرة في دهان السيريون

LinkBack

أدوات الموضوع

عرض

نقرة في دهان السيريون - انشر الموضوع فى :

-

-

-

-

-

-

-

-

-

المواضيع المتشابهه

نقرة في الزجاج

الزجاج الامامى فيه نقرة

حل نقرة الفانوس

يا ملاك السيريون و خبراء السيريون

الكلمات الدلالية لهذا الموضوع

المفضلات

المفضلات

ضوابط المشاركة