الموضوع: مشكلة في عفشة نوبيرا

السلان عليكم يا شباب..
أنا عضو جديد .الحقيقة إني إشتركت مخصوص علشان مشكلة عندي غي النوبيرا
عربيتي مستعملة موديل 2008
لما اشتريتها وبعد الكشف تبين إنها محتاجة تقريبا عفشة كاملة
وقد كان ..
غيرت لها أربع مساعدين وتيشات الميزان والمقصات وطانبير أمامية بتيلها
واشتريت أربع فرد كوتش جداد بريللي ومنجهتها آخر منجها
النفروض بقى أنا راكب وحش كوري مش طبيعي دلوقتي ...
لاااااااا
أمشي بيها يا مؤمنين ويدوبك أجيب 90 100 أحس برجرجة !!
آجي أدوس فرامل .. ألاقي العربية كلها بترجرج رجرجة مش طبيعية لدرجة إن بحس إن الكوتشات هتنفصل عن العربية
مع العلم إني مرصص وظابط زوايا

أفيدوني جزاكم الله خيرا