محتاج رائيكم معايا

**ah-elgendy** · 01-12-2014 11:42 PM

انا الفتره اللى جايه هايكون استخدامى للعربيه كتير حوالى 100 كيلو كل يوم هى العربيه فيكترا 99 مانويل الموتور الاسود 1600 سى سى
وموضوع البنزين بالنسبه ليا مشكله وبفكر لما احط بنزين استخدم 20 لتر 92 ومعاهم 20 لتر 80 انا مجربتش الموضوع ده قبل كده غير انى حطيت 80 بس ومحستش بفرق بس معملتش كده علشان استخدامى كان قليل ولا ابيع العربيه واشوف حاجه 1300 سى سى زى تويوتا يارس او لنسر بومه
رائيكم ايه ؟

**harphosh** · 02-12-2014 11:19 AM

أخى العزيز بالرغم من المشاكل اللى بيقول عليها الكثير من الناس بسبب البنزين إلا أننى عن تجربة شخصية وهذا لأنى فى اليوم الواحد بعمل حوالى 150 كيلو متر والعربية فيكترا بى 99 موتور أسود 1600 مستمر فى وضع بنزين 80 نت حوالى 3 سنين ، وهذا مع وضع فيشة الأوكتان على 87 وما فيش أى مشاكل والحمد لله فى العربية أو الموتور ، وعموماً لك مطلق الحرية فى اختيار نوع البنزين مع العلم أنى لوحسبتها حتى لو الموتور تلف بالكامل فخلال السنوات الثلاث أنا وفرت ثمن موتورين مش موتور واحد

**ah-elgendy** · 02-12-2014 04:07 PM

اعتقد ان لو فى تاثير هايكون ع الرشاش مش الموتور صح ؟

**mrastra** · 02-12-2014 10:23 PM

نسبة الشوائب ثابتة فى البنزين ...مش على شان 80 ىيبقى فى شوائب اكتر
وانما الفرق فى اوكتان البنزين
والـ 80 بيشتعل اسرع من الـ 92 غشان كدة بيشتعل قبل ما يوصل البستم للنقطة الميتة العليا والبستم بيقابل ضغط عكسي فبيحصل ظاهرة الصفع او التسقيف
وبما ان موتورك فى حساس كنوك
اعتقد ما فيش اى مشكلة .... كمان نسبة انضغاط موتورك مش كبيرة