فورمان 94 تنتيش شديد جدا

**Hany 82** · 02-12-2014 12:16 PM

السلام عليكم اعضاء سكودا الكرام . انا عضو جديد وكنت متابع المنتدي بس بدون عضويه و بعد ما شوفت مشاركتكم الغيده جداً اصرت علي المشاركه .

انا معايا فورمان 94 من سنه و كانت ماشيه تمام بس من فتره ظهرت شويه مشاكل عايز رايكم فيها .

1- بعد ما غيرت التيل الامامي بدات اسمع صوت من عند الفرده الشمال صوت غير صفير التيل بعد ما اعمل مشوار و الطنابير تسخن يروح لما اسحب جامد بس لما اهدي او امشي علي السلانسيه يظهر الصوت ... يا تري دا من ايه ؟؟؟

2- ظهرت مشكله تنتيش جامد علي السرعات العاليه بعد ال 80 و رحت للبيه اليكانيكي قالي روح ظبط الكاربراتير . المهم روحت لبتاع الكرباراتير معملش اي حاجه و قالي هويتلك البوابه شويه .. مشيت لاقيت التقطيع لسه موجود .. دخلت قريت مشاراكات حضراتكم لاقيت شبه اجماع ان التقطيع سببه ممكن يكون المبينه .. رحت غيرت المبينه بواحدة تشيكي اصلي ب 160 جنيه من عند سيد صلاح في التوفيقيه و غيرت 4 بوجيهات ngk و طقم توزيع الكهربا و منقي البنزين في الكارباراتير و بصيت علي فلتر البنزين لاقيته ماليان ( عشان احتمال ان السبب هي طلمبه البنزين ) .. و بعد ده كله التنتيش برده موجود ... و السحب ممتاز التالت ممكن يجيب ل 80 كم .. هو بس بحس ان العربيه بتغطس كده ... فعل دا عيب ظبط كهربا ؟؟؟

واسف علي الاطاله بس انا احترت جدا و مش عارف اعمل ايه ؟؟؟؟

**hemaa_82** · 02-12-2014 12:29 PM

ممكن الاسبيراتير يكون في بوش فمش بيوزع كهربا صح ...

**Hany 82** · 02-12-2014 02:16 PM

المشاركة الأصلية كتبت بواسطة hemaa_82

ممكن الاسبيراتير يكون في بوش فمش بيوزع كهربا صح ...

الف شكر لرد حضرتك يا استاذ hemaa_82

**Hany 82** · 02-12-2014 02:23 PM

اعضاء المنتدي الكرام

حد يعرف ميكانيكي كويس في حدائق المعادي او في دار السلام يكون بيفهم ويراعي ربنا اروحله يقولي ايه المشكله .

**Hany 82** · 02-12-2014 02:32 PM

طب و في رأي حضرتك اغيره بجديد ولا استيراد و يكون بكام

**romany_ac** · 02-12-2014 03:39 PM

المشاركة الأصلية كتبت بواسطة hany 82

اعضاء المنتدي الكرام

حد يعرف ميكانيكي كويس في حدائق المعادي او في دار السلام يكون بيفهم ويراعي ربنا اروحله يقولي ايه المشكله .

فى واحد كويس اسمة سيد فى عرب المعادى ممكن م/احمد سيد يقولك رقم موبيلة ويوصية عليك.

**Maged_Samy** · 02-12-2014 08:13 PM

لو عيب ظبط كهرباء من الاسبراتير هتحس بخنقة تحس بسحب وحش تحس بحرارة لكن تنتيش لا اظن ..
1- ممكن تتأكد من سلامة خراطيم البنزين لان لو فيه واحد مشقق الطلمبة بتسحب هواء بدل البنزين وده بيبان اكتر على السرعات علشان بتحتاج بنزين اكتر .
2- تأكد من سلامة كابلات البوجيهات .
3-تأكد من سلامة المشط الالكترونى (البلاطة) .

**hemaa_82** · 03-12-2014 08:50 AM

بص ... انا كان معايا 128 ... و كنت زيك علي السرعات بحس ببرجلة و حبة تظبط و حبة لا ...غيرتة بقت حلاوة ...بس كان ب 180 جنية من اكتر من 8 سنين ....
لو الميكانيكي اتأكد ان هوه السبب الاحسن الجديد طبعا لانك مش هتضمن الاستيراد ... بس طبعا عامل السعر هوه اللي هيحدد ظروفك ايه ...
ربنا يهديك للصواب

**Hany 82** · 03-12-2014 09:25 AM

اولا : الف شكر علي رد حضرتك يا استاذ ماجد .
ثانيا : هاحاول افحص موضوع وصلات البنزين .
بالنسبه لكابلات البوجيهات انا لسه مغيرها مع البوجيهات من 4 ايام .
وعلي حد معلوماتي ان الاليكتروني يا اما بايظ خالص و العربيه مدورش يا اما شغال ولو انا غلطان قولي .

**Hany 82** · 03-12-2014 09:28 AM

المشاركة الأصلية كتبت بواسطة romany_ac

فى واحد كويس اسمة سيد فى عرب المعادى ممكن م/احمد سيد يقولك رقم موبيلة ويوصية عليك.

ياريت يا استاذ روماني بس م/احمد سيد تقريبا لسه مشفاش الموضوع عشان يديني رقم الميكانيكي

الموضوع: فورمان 94 تنتيش شديد جدا

LinkBack

أدوات الموضوع

عرض

-

-

-

المواضيع المتشابهه

سعر سكودا فورمان مو 94

سكودا فورمان 94

انخفاض شديد بدرجات الحرارة مصحوب باتربة وهواء شديد الاربعاء والخميس

سكودا فورمان 94

سؤال عن سكودا فورمان

الكلمات الدلالية لهذا الموضوع

المفضلات

المفضلات

ضوابط المشاركة