ايه الحل فى فرامل سيفيك 2008 عشان الواحد اكتئب !

ياريت يا جماعة حد يفيدني عشان الواحد جاب آخره خلاص ..
العربية ماشية 80 الف تقريبا ... الطنابير الأمامية اتخرطت مرتين لحد الوقتي ..
أداء الفرامل أقل بكتير جدا عن الأول .. بصراحة بقى يقلقني و أنا ماشي
التيل سواء أصلي و لا مش أصلي مبتفرقش كتير ..
التيل اللى راكب حاليا مكملش 5 الاف كيلو ... بقالى فترة مسافرتش و المشى جوه البلد على سرعات بطيئة الى متوسطة مكنش فى مشكلة غير طبعا الأداء الأقل من متوسط للفرامل عموما بس زى ما تقولوا اتعودت على كده .. الجديد انى سافرت امبارح و العربية مشيت على سرعات عالية 120-160 كم/س فى مرحلة ما من الطريق .. بعد المرحلة دى عينك ما تشوف الا النور ... صوت صعب جدا مع اى فرامل -باقى الطريق سرعة متوسطة 80-100- ... الصوت مستمر مع اى دوسة الفرامل و تزيد شدته مع الضغط بقوة على دواسة الفرامل .. صوت يشبه الاحتكاك .. مش عارف بصراحة اذا كان التيل اتاكل و بيحك فى الطنابير بعد 5 الاف كيلو بس !! انا مسمعتش نوعية الصوت دى قبل كده مع تآكل التيل و تغييره كذا مرة ... اكتئبت بصراحة و ركنت العربية و مش عايز حتى أفك العجلة عشان أشوف التيل متاكل و لا لأ .. و جربت النهاردة بعد ما سبت العربية تبرد أحرك العربية كام متر جوه الجراج و امسك فرامل الصوت موجود ..
المهم انا عايز حل جذرى للمشكلة بدل ما بقيت كل يوم و التانى اروح اجيب تيل و اغيره و خلاص .. عايز أحسن كفاءة الفرامل ايه العمل ؟؟
أغير الفرامل الخلفية لديسكات ؟؟ طيب الامامية فى أى تعديل ممكن يتعمل فيها ؟؟
أفيدونى أفادكم الله .. و لو فى حد عنده لينكات لمواضيع ناقشت مشكلة الفرامل فى السيفيك قبل كده ياريت يحطها

مش عارف ليه حاسس ان الطنابير هيا الى عايزه تتغير ؟؟!!

اقتباس:

---

المشاركة الأصلية كتبت بواسطة arkoon

مش عارف ليه حاسس ان الطنابير هيا الى عايزه تتغير ؟؟!!

---

أنا برضه شاكك فى كده ...

اقتباس:

---

المشاركة الأصلية كتبت بواسطة arkoon

مش عارف ليه حاسس ان الطنابير هيا الى عايزه تتغير ؟؟!!

---

اعتقد ذلك مع تغيير جلد الماستر صيانه وقائيه واحكام وتغيير كل الزيت الباكم فى الدوره

اقتباس:

---

المشاركة الأصلية كتبت بواسطة rotanamasoud

اعتقد ذلك مع تغيير جلد الماستر صيانه وقائيه واحكام وتغيير كل الزيت الباكم فى الدوره

---

جلد الماستر دى بتكون فين ؟؟

اكيد طنابير اتخرطت مرتين قبل كده يعنى سمكها قل عن الاول بكتير وده هيخلى الفرملة ضعيفة طبعا - ولو الطنابير فيها عالى وواطى هتبوظ اى تيل جديد هيركب - متفق مع راى تغيير الطنابير ومعاه تيل جديد كمان

طيب ان شاء الله أغير الطنابير
فى اى تعديلات ممكن تتعمل عشان ازود كفاءة الفرامل ؟؟

طيب حد يعرف الطنبورتين الامامى يكلفوا كام ؟

1450 جنية عند الوليد فى شارع السودان - الجيزة

01094192822

شوف انا مش هزود عن كلام الاعضاء كتير لان كل واحد قال معلومة ومجموع المشاركات يديك اجابة 100%

ان المشكلة اللى عندك سببها الاتى باختصار

1- خرط الطنابير اكتر من مرة خصوصا ان المرة التانية بيتاكل منها اكتر من المرة الاولى

2- التيل لازم يكون اصلى عشان يحافظ على الطنابير , وللاسف كل تيل السيارات من منتصف 2014 هيكون اقصى فترة لية فى العربية 12 الف كيلو ( بسبب ان كل التيول هتكون بدون الاسباتوس المساعد الاساسى على ان التيل يمسك كويس جداا وفى نفس الوقت مايتاكلش بسرعة

3- يفضل انك تغير العفشة الخلفية الى ديسكات , ودية تكلفتها بكل حاجة 1200 جنية بالتركيب بكلة وعندك محمد على فى اخر جمال عبد الناصر يعملك القصة دية , وهتحس بفرق رهيب فى الفرامل

الطنابير عايزة تتغير لان حصل معايا الموضوع ده اي سرعة بعد 100 تيجي بس تريح علي الفرامل الدركسيون كان بيترجج معايا والعربية كمان بعد ما غيرتها لقيتها احسن مع العلم انا hrv 2005 لان التير مش عارف يتوافق مع التنبورة عشان كده حصل معايا الموضوع ده

اقتباس:

---

المشاركة الأصلية كتبت بواسطة sameh_fouad

1450 جنية عند الوليد فى شارع السودان - الجيزة

01094192822

شوف انا مش هزود عن كلام الاعضاء كتير لان كل واحد قال معلومة ومجموع المشاركات يديك اجابة 100%

ان المشكلة اللى عندك سببها الاتى باختصار

1- خرط الطنابير اكتر من مرة خصوصا ان المرة التانية بيتاكل منها اكتر من المرة الاولى

2- التيل لازم يكون اصلى عشان يحافظ على الطنابير , وللاسف كل تيل السيارات من منتصف 2014 هيكون اقصى فترة لية فى العربية 12 الف كيلو ( بسبب ان كل التيول هتكون بدون الاسباتوس المساعد الاساسى على ان التيل يمسك كويس جداا وفى نفس الوقت مايتاكلش بسرعة

3- يفضل انك تغير العفشة الخلفية الى ديسكات , ودية تكلفتها بكل حاجة 1200 جنية بالتركيب بكلة وعندك محمد على فى اخر جمال عبد الناصر يعملك القصة دية , وهتحس بفرق رهيب فى الفرامل

---

1450 دى طنابير اصلي ؟ تغيير الفرامل الخلفية حاجة ملحة و لا ممكن اكتفى مؤقتا بتغيير الطنابير الامامية مع رجلشة الفرامل الخلفية و سحب اى هواء فى الدايرة ؟ اصلى قدامى 3-4 شهور و مسافر برا مصر ان شاء الله فترة طويلة شوية و مش عايز اصرف كتير ... عايز اعمل الحاجة الضرورية ..
شكرا لرد حضرتك

اقتباس:

---

المشاركة الأصلية كتبت بواسطة esmat mousa

الطنابير عايزة تتغير لان حصل معايا الموضوع ده اي سرعة بعد 100 تيجي بس تريح علي الفرامل الدركسيون كان بيترجج معايا والعربية كمان بعد ما غيرتها لقيتها احسن مع العلم انا hrv 2005 لان التير مش عارف يتوافق مع التنبورة عشان كده حصل معايا الموضوع ده

---

تمام .. هو فى اجماع كده على تغيير الطنابير
شكرا لرد حضرتك

أجيب طنابير بريمبو كويسة و لا لأ ؟؟ الاصلى غالية جدا جدا "الاتنين بحوالى 2000 جنيه"

يا راجل يا طيب

في حد يخرط طنابير في عربية جديدة

الخرط دة لمويلات الثمانينات و السبعينات

طبعا الفرامل حتضيع

اقتباس:

---

المشاركة الأصلية كتبت بواسطة ashouhdy

يا راجل يا طيب

في حد يخرط طنابير في عربية جديدة

الخرط دة لمويلات الثمانينات و السبعينات

طبعا الفرامل حتضيع

---

مظنش ان خرط الطنابير له علاقة بالعربية جديدة و لا سبعينات .. مرة من الاتنين كنت فى التوكيل و المهندس هو اللى قال الطنابير محتاجة خرط مع تغيير التيل و عملوها عندهم فعلا

غلط جدا طبعا واللى قال كدة مش مهندس دة كبيرة صنايعي اى شعرة في الخرط بتخرب الدنيا وتاكل التيل وتبوظ الحساسات

اللى قال كدة دة يأما بيوفر فلوس الطنابير ياما مش عايز يقول ان التيل بوظ الطنبورة

او ممكن يبقي عيب استعمال منك انت ذى مثلا ماتكون جى من مشوار والعربية والطنابير سخنة تقوم مغسولة على طول

الطنابير تفقع و تبوظ

فيه مشكلة عندك في الفرامل الخلفيه
عشان كدا كل التحميل قدام بالاضافه للخرط الزيادة

اشترى طنابير عاديه من السوق مش لازم من الوكيل طالما انت كدا كدا هتسافر و مش هتستخدم العربيه لفتره

السلام عليكم ورحمة الله وبركاته
معايا سيفك 2009 غيرت العفشه بالكامل ماعدا مساعدين
وبرضه بسمع صوت حاجه مفكوكه في الجنب اليمين وانا ماشي هادي في المطبات المدقدقه
كل ماسال اهل الخبره يقولولي علبة دريكسيون
وناس تاني تقولي اكشف علي المساعد اليمين
وناس تقولي مفيش عيب علبة دريكسيون في موديل 2009
سالت علي اصلاح العلبه في التوكيل طلع 1850جم وضمان 3 شهور او 10000كم
وناس بيقولولي بتبوظ تاني
وفي الحرفيين بيصلحوها 600جم وبرضه بيقولوا بتبوظ تاني
يا اهل الخبره ده عيب علبه فعلا
ولو عيب علبه تنصحوني اعملها فين
ولكم جزيل الشكر

السلام عليكم ورحمة الله وبركاته
معايا سيفك 2009 غيرت العفشه بالكامل ماعدا مساعدين
وبرضه بسمع صوت حاجه مفكوكه في الجنب اليمين وانا ماشي هادي في المطبات المدقدقه
كل ماسال اهل الخبره يقولولي علبة دريكسيون
وناس تاني تقولي اكشف علي المساعد اليمين
وناس تقولي مفيش عيب علبة دريكسيون في موديل 2009
سالت علي اصلاح العلبه في التوكيل طلع 1850جم وضمان 3 شهور او 10000كم
وناس بيقولولي بتبوظ تاني
وفي الحرفيين بيصلحوها 600جم وبرضه بيقولوا بتبوظ تاني
يا اهل الخبره ده عيب علبه فعلا
ولو عيب علبه تنصحوني اعملها فين
ولكم جزيل الشكر

اللي أنا فهمته إن طنابير السيفيك صغيرة على وزنها وده يؤدي إلي سخونة الطنابير بصورة كبيرة فبينتج عنه brake fade وكمان الطنابير بتبوظ بسرعة لأنها بتتعرض لإجهاد حراري عالي
وده إتعدل في سيفيك الجيل التاسع بفرامل أكبر وبالتالي هتحتاج تعمل تعديل للفرامل الأمامية بقطع مناسبة من طنابير وكالبرات وتيل وممكن تكون قطع الجيل التاسع مناسبة إنها تركب على الجيل الثامن والله أعلم