الموضوع: (بالصور) تجربة استخراج وثيقة ميلاد كمبيوتر من الإنترنت وتوصيلها حتى البيت

المشاركة الأصلية كتبت بواسطة secret-man

على فكره لو دورت فى بوابه الحكومه الاكلترونيه المصريه هتلاقى خدمات كتير اوى اونلاين بس تفتقد وعى وثقافه المواطن المصرى للموضوع ده

انا حاجات كتير بخلصها اونلاين ببساطه جدا

بوابة الحكومة المصرية

معتقدش إنها مسألة وعي وثقافة المواطن بقدر ما هي مسألة فقدان ثقة من المواطن في إن الحكومة ممكن تقدم خدمة زي دي بجودة عالية وبدون عوائق أو مشاكل والسبب الرئيسي في المسألة دي هو الحكومة نفسها اللي مش قادرة تروج للخدمات دي وتقدم إثباتات على إنها بتعمل بكفاءة وبدون مشاكل
لكن أنا بتمنى إن من خلال موضوعي ده إني أكون شجعت ناس كتيرة إنها تقوم بالخطوة دي خاصة إنها غير مكلفة على الإطلاق يعني أنا بعتبرها أرخص من المشوار والوقت اللي هيضيع في الذهاب للسجل المدني علشان أطلع بطاقة زي دي !
وأتمنى من كل واحد قدر يعمل حاجة مشابهة للموضوع ده إنه يوضحها للناس علشان يشجعهم يعملوا زيه بدل الحكومة مش قادرة تروج لخدماتها !

المشاركة الأصلية كتبت بواسطة mido_soliman

مفيش بدل فاقد لشهاده الاعفاء النهائى من التجنيد ؟

شهادات الجيش ملهاش علاقة بمصلحة الأحوال المدنية ومينفعش تطلع حاجة منها أونلاين لازم تروح المكاتب التابعة للتجنيد

المشاركة الأصلية كتبت بواسطة a_taamer

الهيكل الادارى للدوله بالكامل محتاج دفعه قويه فى الخدمات الاكترونيه
هيكون له اثر كبير على :

1- صناعه تكنولولجيا المعلومات
2- ثقه المواطن فى الحكومه
3- القضاء على الرشوة والفساد الادارى
4- تقليل مصاريف المواصلات وزحمه المرور
5- انشاء قواعد بيانات سليمه تساعد على عمليه التنميه واتخاذ القرار
6- احكام قبضه الدوله على المخالفين والمزورين
7- تدفق مالى كبير لميزانيه الدوله من العمليات الالكترونيه لسهوله الحصول عليها
8- الاستغناء عن مصاريف لموظفين يعملون بطريقه البطاله المقنعه
9-انتشار الوعى المعلوماتى لدى المواطنين ورجال الاعمال والشركات
10- تسهيل التعاملات القانونيه والاداريه بين جهات الحكوميه مباشره

احد الدول العربيه لها دخل يومى واكرر يومى 80 الى 100 مليون جنيه من التعاملات الماليه للحكومه الالكترونيه

احد اسباب اكبر واهم الاسباب تاخر مصر فى هذا القطاع
1- كميه المصالح والرشاوى الى يحصل عليها مقدم الخدمه و التى قد تقف عن انشاء الخدمه الكترونيه
2- عدم وجود رغبه سياسيه قويه فى التنفيذ لانها ستكشف الكثير من مشاكل جداول الانتخابات
3- جهاز ادارى ضخم من موظفين الصف التانى والثالث يقفون بالمرصاد لذلك لما فى ذالك من مصالح ورشاوى واستمرار فى العمل بشكل مقنع
4-الاحتياج لراسمال قوى فى بدايه الخدمه الالكترونيه مثل اى مشروع استثمارى يدر العائد بعد فترة
5- الكفاءات الفنيه فى مصر على اعلى المستوى وتستطيع التنفيذ ولكن نقف اما حاجز الضعف الادارى والكفاءات فى ادارة المشاريع الكبرى
6- عدم وجود تصور عام وشامل لكل الخدمات ولكن كل قطاع او مصلحه تبحث عن مصلحته منفرده لاثبات عدم خضوها لجهه اخرى


كل ماسبق يمكن تلافيه فى حاله وجود اراده سياسيه واداره فنيه قويه

مظبوط كده

المشاركة الأصلية كتبت بواسطة fepsceasar

يا رب عقبال باقى الخدمات

آمين