السلام عليكم .
عندي مشكلة مجنناني بقالها كام شهر العربية لما بتقف في الزحمة بتسخن و لما أجي أمشي بيها الاقي الحرارة نزلت للمعدل الطبيعي ولو ماشي على سرعة عالية بتنزل خالص فعاوز أعرف إيه المشكلة ديه. مع العلم إني غيرت الريداتير و شلت الثرموستات .
عرض للطباعة
السلام عليكم .
عندي مشكلة مجنناني بقالها كام شهر العربية لما بتقف في الزحمة بتسخن و لما أجي أمشي بيها الاقي الحرارة نزلت للمعدل الطبيعي ولو ماشي على سرعة عالية بتنزل خالص فعاوز أعرف إيه المشكلة ديه. مع العلم إني غيرت الريداتير و شلت الثرموستات .
أولا وقبل ما نتكلم في أي حاجة.. لازم ترجع الثرموستات تاني
الثرموستات لو عامل مشكلة ما يخليش العربية تسخن وتبرد
ولو عايز تعرف تفاصيل أكتر ممكن تدخل على الموضوع ده:
http://www.nilemotors.net/Nile/328708-a.html
نيجي بقى نشوف المشكلة جاية منين
ما دام العربية بتسخن في الزحمة يبقى معنى الكلام ده إن التبربد مش كفاية.. وغالبا مروحة الرادياتير فيها مشكلة وبتشتغل متأخر
شوف كمان لو المية بتنقص.. ودي لوحدها ممكن يكون ليها كذا سبب
أولاً شكراً لاهتمامك أنا قريت موضوع الترموستات و هركبها تاني إن شاء الله
بس في مشلكة دلوقتي إن بعد لما العربية سخنت بعديها فتحت الريداتير و حطيت شوية ميه و العربية وقفت بيها في زحمة تاني و مسخنتش !!!
و عملت اختبار كلتش المروحة لقيت المروحة تقيلة و عملت اختبار طرمبة المياه و لقيت المياه بتتحرك في الريداتير .. فحضرتك شايف إيه عشان أنا اتجننت :d
ما دام بتقول كلتش المروحة تبقى بتتكلم على موتور بالطول..
هي الدايهاتسو بتاعة حضرتك "فيروزا"؟
عموما.. اختبار المروحة بيبان أكتر من الصوت.. يعني لو عليت الـrpm والعربية سخنة هتلاقي صوت المروحة قوي جدا وكإنه صوت "وحش" كده :)
طيب.. مادام حضرتك زودت مية والعربية ما سخنتش بعدها.. يبقى كفاءة دورة التبريد كويسة... فاضل نشوف المية بتنقص منين.
أول حاجة لازم تشوف مستوى المية في القربة .. بيزيد وينقص ولا ثابت؟؟؟
لإن المفروض المية في القربة تكون مستواها نازل .. ولما العربية تسخن المية تعلى في القربة... وبعدين تنقص تاني لما العربية تبرد.
بعد كده .. تكشف على غطا الرادياتير... لو الغطا قديم يستحسن تغيره.. لإنه ممكن يكون بيهرب بخار مية
لو ضامن غطا الرادياتير.. نشوف خراطيم المية..
خلي بالك إن أي حاجة كاوتش في العربية عمرها 5-6 سنوات بالكتير... فلو ما غيرتش خراطيم خلال الفترة دي.. اعمل حسابك تغيرهم قريب قوي.
ممكن كمان طلمبة المية تكون بتسرب من عند أكس المروحة... ودي إصلاحها تكلفته أكتر من تمنها جديدة.. غيرها علطول لو عرفت إن التسريب منها.
لو كل ده سليم... احتمال كبير تكون طبات الموتور مصدية أو مخرومة.. ودي تكلفتها هي نفسها بسيطة قوي .. بس لازم الموتور يترفع من العربية علشان تتغير.
وابقى طمنا عملت إيه.
...
أولاً شكرا لحضرتك ..
أنا عربيتي تريوس 2000 مش فيروزا و القربة المية بتنقص فيها و غطا الريداتير و الريداتير كله لسه مغيره و لسه هشوف بقى حوار طربمة المياه