يا نهار اسود على صوت العربيه

**KHALED AYMAN** · 01-11-2008 12:07 AM

معايا استرا 2006 سيدان كنت ماشى بيها و فى طوبه كبييييييييييره فى وسط الشارع (مش عارف ازاى مشفتهاش) المهم دخلت فى الطوبه دى بين العجلتين الى ادام و سمعت الصوت اتفزعت العربيه كانت بتتنطط على الطوبه و قلبى كان بيتقطع و انا امعها بتتمزع من تحت حتى الناس الى ماشيه على رجليهم و الى راكبين عربيات اعدو يضربو كف على كف و يقولو لا حول ولا قوه الا بالله (زى ميكون انا كافر و بكسر فيها بمزاجى) المهم عديت و صوت العربيه قلب بقى عالى و فى رجه خفيفه فى العربيه لما بنقل من ال n لل d او الr يعنى لما بعشقها و حاسس ان العربيه مكتومه شويه و سحبها ضعيف و صوتها بقى زى الشيروكى .!!!!!!!!!!!!!!!!!!!
انا مرعوب و مش عارف ايه ده اروح التوكيل و لا ايه (انا بصيت على الشكمان لقيته سليم مش مخروم)
حد يفيدنى بسرعه يا رجاله

**Ahmed Hassan** · 01-11-2008 12:39 AM

زم تروح التوكيل بسرعه... شكلك يا اما الفتيس اتخبط من تحت... يا اما تكون بسيكه و الخبطه في الشكمان بس.... روح التوكيل و تابع مستوى زيت الفتيس علشان لو فيه ضرر ميزدش

**abdelaziz-waleed** · 01-11-2008 01:19 AM

المفروض انك عندك صاجة حماية تحت الفتيس يعني مستحيل الفتيس يتخبط من تحت
ممكن صاجة الحماية تكون اتأثرت بالخبطة ومحتاجة استعدال
وده بيسبب انها بتعملك دوشة رهيبة نتيجة انها بقت ملامسة لجسم العربية من النص
عموما ان شاء الله بسيطة بس انت اطلع بسرعة على التوكيل واكشف على العربية من تحت

**KHALED AYMAN** · 01-11-2008 01:57 AM

الف شكر يا باشا على ردك السريع اانا فعلا حاسس ان فى حاجه لامسه العربيه من تحت حتى لما بتكون العربيه مش واخد اى تعشيقه على الp مثلا او الn الصوت بيكون الصوت ضعيف ساعه منقل على الd بسمع صوت اكن حاجه خبطت من تحت
يا رب تطلع هى الصاجه دى و تكون بسيطه.
شكرا على ردك يا استاذ عبد العزيز

**abdelaziz-waleed** · 01-11-2008 02:34 AM

المشاركة الأصلية كتبت بواسطة wheals

الف شكر يا باشا على ردك السريع اانا فعلا حاسس ان فى حاجه لامسه العربيه من تحت حتى لما بتكون العربيه مش واخد اى تعشيقه على الp مثلا او الn الصوت بيكون الصوت ضعيف ساعه منقل على الd بسمع صوت اكن حاجه خبطت من تحت
يا رب تطلع هى الصاجه دى و تكون بسيطه.
شكرا على ردك يا استاذ عبد العزيز

العفو ياباشا
اصل الموضوع ده كان عندي والصاجة كانت لامسة جسم العربية وكانت عاملالي دوشة رهيبة خاصة في النقلات. انما بعد الاستعدال حسيت ان العربية بقت هادية جدا. في التوكيل الاستعدال هايكلفك حوالي 40 جنيه
بس رجاء ماتستناش لازم تروح بسرعة

**KHALED AYMAN** · 01-11-2008 11:58 PM

للاسف الشكمان طلع مخروم بس بره الصاجه طلعت لامسه العربيه من تحت و عدلتها عند ميكانيكى مشهور بالاوبل و الاوكتافيا اسمه ابو جمره
سمع صوت العربيه قالى الشكمان مخروم و فعلا سديت الشكمان و دوست بنزين لقيته بيسرب بكره ان شاء الله هروح الحمه عند اى واحد بتاع شكمانات بس مش عارف اديله كام و يا ترى هيفكه و لا هيرفع العربيه و يلحمه
يا ريت حد يفيدنى:k17:

**M.Osama** · 02-11-2008 07:08 PM

شكماني كان مكسور نصين
رفع العربيه ولحمه والحمدلله ماشي تمام من ساعتها

**KHALED AYMAN** · 02-11-2008 08:23 PM

الحمد لله انا روحت النهارده لواحد بتاع شكمانات بص عليه قالى انه مخروم و علبه الشكمان مخبوطه لحمه و عدل علبه الشكمان و خد 15 جنيه و العربيه بقت زى الفل
انا مش عارف اشكر الاستاذ عبد العزيز على مساعدته و كل الى ساعدونى

**ASKAFRAWY** · 02-11-2008 08:25 PM

متخافش يا باشا بسيطة لحام الشكمان نبيخدش 10 دقايق ومش هيفكه من مكانه وهياخد منك 10_15 جنيه وكله هيرجع احسن!

والحمد لله انها جت على قد كده

الموضوع: يا نهار اسود على صوت العربيه

LinkBack

أدوات الموضوع

عرض

يا نهار اسود على صوت العربيه - انشر الموضوع فى :

-

-

-

-

-

-

-

المواضيع المتشابهه

لون اسود بالشكمان من الداخل (هباب اسود) فيرنا 2011

البونتو بتطلع عادم اسود فحم طينانا العربيه كانت مش بتدور وكنت عامل حادثه والحمد لله خ

يا نهار اسود...لو حد معاة عربية دايو ميركنهاش قدام جامعة....

الكلمات الدلالية لهذا الموضوع

المفضلات

المفضلات

ضوابط المشاركة