عرض للطباعة
لاساتذه الليبرتي معايا ليبرتي 2002 بها هزه في الماتور علي الصلانصيه ولما بطلع بيها بحس انها متلته تم تجربه الاتي رشاشات جديده وفلتر بنزين جديد وبيجوهات وبوابه وحساس كامه وموبينه والعيب زي ماهو واتجننت لان العربيه متلته وبتقطع في الكيك داون وتم تغيير الطرمبه وزهقت اووووي لان العربيه عجباني ومريحاني لكن اتخنقت لانها مش مدياني قوه الجيب ال 3700 فياريت اللي يعرف ويفهم فيها يقولي السبب
ممكن تكشف على طارة الشداد بتاع السير ساعات كتير بتبوظ وبتحتاج تغير الشداد ..... كمان اكشف على طارة الدينامو ممكن تكون حركتها مش كويسة يعنى بتركن نتيجة تراب او تكون باظت . بس ابدأ انك تشوف السير مشدود مظبوط ولا مريح وكمان هل السير كويس ولا عاوز يتغير .
السير مشدود
بس ساعت تبقي كويسه وساعت تبقي مش مظبوطة
وبليه الشداد فيها ونة بسيطة
يبقى تغير الشداد وتكشف على طارة الدينامو والتكييف بالمرة
لما شيلت السير خالص العربيه ظبطت
هتشوف الاسبيراتير ,وحساس الكرنك عيب شايع في مواتير الهوي
يبقى كده احنا بنقرب للحل .... لفف بقى طارة الشداد وطارة الدينامو وشوف انهى واحدة اللى بتعض او فيها خشونة ... فى الغالب بيبقى الشداد ويليه فى الاحتمالات طار الدينامو .... لو الاتنين كويسين يبقى التكييف وده مواله كبير شويه شوف الاول الحاجتين دول وانا معاك ان شاء الله وربنا يوفقك وابقى طمنااقتباس:
المشاركة الأصلية كتبت بواسطة ostoraa
برضه بص حوالين طلمبة الميه ( ورا المروحة ) هل فى اثار لميه مملحه ناشفه حواليها ولا مافيش
طب ده ايه علاقتو بالتقطيعة
لو التكييف يبقي حلو ايه
أى طارة فى مجموعةالطارات اللى بيلف عليها السير بتعض او بتبقى تقيلة فى الحركة بتأثر على عدد لفات الدينامو وبالتالى بتأثر على الكهربا إللى خارجه منه وتؤدى إلى برجلة وتقطيع فى كهربة الموتور
انت لما شيلت السير الكمبيوتر بتاع العربية عرف انه شغال من البطارية فظبط نفسه على كده لكن والسير راكب والدينامو مش عارف يلف عدد لفاته المظبوط فالكمبيوتر وصلاه اشارة ان الدينامو شغال فبيظبط نفسه على كده ولما كهربة الدينامو تبقى مش مظبوطة فالاشارة بتاعة الدينامو اللى رايحة للكمبيوتر بتبقى قيمتها غلط فبالتالى الكهربا الى واصلة الموتور بتتبرجل .
اكشف الاول على الشداد وبعدين طارة الدينامو وبعدين طارة طلمبة الميه اللى ورا المروحة يعنى ممكن تلف المروحة علشان تعرف هل حركة طلمبة المية كويسة ولا لأ.
بالنسبة للتكييف الطارة بتاعته كلتش مش طارة عادية علشان كده بتبقى صعبة شوية . بس لو انت مش مشغل التكييف والعربية لسه بترتل يبقى التكييف فى الغالب مش هو السبب.
الترتيله بتبقي موجوده سواء مع التكييف او من غيرو ع العموم انا رايح الحرفيين دلوقتي وهعمل اللي قولتلي عليه وربنا يكرم ويبقي ع ايدك الحل
الترتيله موجودة سواء بالتكييف او من غيرو بس بليه الشداد فيها ونه ممكن تبقي هي السبب؟؟
علي العموم انا رايح الحرفيين دلوقتي وربنا يكرم
الطارات اللى عمرها قصير بالترتيب هى : طارة الشداد ( الشداد) - طارة الدينامو - طارة طلمبة الميه (طلمبة الميه) - طارة التكييف.اقتباس:
المشاركة الأصلية كتبت بواسطة ostoraa
ربنا يوفقك وتلاقى العطل أياً كان ويتصلح وإبقى طمننا .
بالفعل البلى وطارة اي مجموعه نسبب العيب الموضح
طيب واعرفها ازاي انها بايظه ؟؟؟؟؟؟؟؟
انت كشفت على الطارات ولا لسه ؟؟؟؟
فيه حاجه ممكن تعملها لو كانت طارة الشداد سليمة وطارة الدينامو سليمة .... قيس البطارية بالفولتميتر والعربية مبطله المفروض يقرا ١٢ أو ١٢,٥ فولت ولما تدور العربية المفروض تقيس البطارية تلاقيها بين ١٣,٨ و ١٤,٥ فولت يبقى كده الدينامو تمام ..... ولو كان الفولت والعربية شغالة اقل من ١٣,٧ فولت يبقى الدينامو فيه مشكله ياإما الطارة أو الدينامو عاوز يروح لكهربائى كويس يفكه ويعمله صيانة ...... بس إكشف على الشداد الأول لأن ممكن تكون المشكلة فى الشداد هى اللى مخلية الدينامو يلف مش بسرعته وبالتالى الفولت الخارج منه أقل من المفروض.
مفيهاااش اي حاجه خالص في الطارات والعيب مش راضي يروح وانا زهقت اووووووي
يبقى قيس الكهرباء زى ماقولتلك، ممكن يبقى العيب في الدينامواقتباس:
المشاركة الأصلية كتبت بواسطة ostoraa