موضوع رائع
رقم العضوية : 122569
تاريخ التسجيل : 01Apr2012
المشاركات : 195
النوع : ذكر
الاقامة : world
السيارة: GEELY xpandino
السيارة[2]: KIA Picanto
الحالة :
الفرق بين موديلات لمبات فيليبس
من شغلي في قطع غيار السيارات عامة ولمبات السيارات خاصة حاسيت ان عندي شوية معلومات ممكن تفيد ناس من تعاملي معاهم حاسيت انهم محتارين بين موديلات لمبات فيليبس المختلفة زي الفيليبس رالي والفيليبس اكستريم فيجن والنايت جايد والفيليبس كريستال فيجن والفيليبس دايموند فيجن
اللي حقولوا ده ناتج عن تجارتي في اللمبات ديه وتصفحي الكثير من المواقع اللي بتتكلم عن هذه اللمبات يعني يحتمل الصحة والخطأ فلو فيه حد شاف حاجة خطأ في اللي حيتقال يا ريت يصححلي معلوماتي وجزاه الله خيرا
كل اللمبات اللي حيتم شرحها تحت الهدف منها تحسين اضاءة السيارة بدون تعديل في السيارة وتركيب زينون لكن اكيد قوة اضاءة الزينون حتبقي احسن واللي يقولك ان فيه لمبة هالوجين تضئ بقوة الزينون يبقي بيضحك عليك وكمان حاجة لما بقول زينون بيبقي قصدي زينون اصلي او نوعية صيني جيدة متجربة لأن فيه نوعيات زينون اللمبة البطيخة العادية بتاعت زمان احسن منها في الاضاءة والعمر الافتراضي
حاجة اخيرة اللي بقولوا ده مش بقولوا بدافع البيع والتجارة ولكن والله يعلم ذلك ما هي الا مجرد معلومات عندي جايز يستفاد بيها حد في اخذ القرار في حالة انه عاوز يحسن اضاءة سيارته
لمبات فيليبس رالي – Philips Rally
هي اقوي لمبة فيليبس موجودة من حيث القوة وشدة الاضاءة وده عشان اللمبة ديه بيجي قوة الوات بتاعها ضعف اللمبات الفابريقة للسيارة فعادة لمبات فابريقة السيارات وخصوصا الحديثة منها بقت بتيجي 55 وات وده الوات المسموح بيه في الدول الاوربية حاليا لانه اقصي وات ممكن يدي اضاءة قوية دون احداث ضرر او مشاكل لسائقين السيارات المقابلة.
واللمبات الرالي بيسموها في اوربا لمبات (off road) وده لانها غير مسموح بيها علي الطرق ولكن يمكن استخدامها فقط في المناطق الجبلية والصحراوية ومن هنا جاءت التسمية بفيليبس رالي
الفيليبس رالي بتدي اضاءة قوية لكن مش مركزة امام السائق بمعني انها بتنتشر اضاءتها في كل الاتجاهات وده عشان تفي بالغرض الاصلي منها وهو ان السيارة في الجبل او الصحراء مش بتبقي ماشية بسرعة فا مش محتاج طول اضاءة لمسافة بعيدة امام السيارة ولكن بيبقي محتاج قوة اضاءة في كل الاتجاهات ولذلك فاضاءتها مبعثرة.
وده بيخلي اللي جاي في مقابل الفيليبس رالي يحس بنور قوي جدا امامه وانت بردوا وانت راكب جوا العربية حتحس باضاءة قويه لو انت في شارع في المدينة لكن لما تطلع علي طريق صحراوي مثلا حتلاقي ان الاضاءة مش راميه امامك علي الطريق لمسافة بعيدة زي اللمبات الاخري زي الاكستريم مثلا
امتي تكون مفيدة:
1- اللمبات اللي راكبه عندك اصلا 100 وات
2- اللمبات اللي راكبه عندك 55 وات بس انت معندكشي مانع تعدل في كهربة السيارة وتركب كتاوت
امتي لا تكون مفيدة:
1- اللمبات اللي راكبة عندك 55 وات ومش عاوز تعدل في كهربة العربية لانك لو ركبتها من غير ما تركب كتاوت وتعدل سلك ضفيرة اللمبات لسلك اقوي ده ممكن يسخن دراع النور وممكن يتلف الضفيرة.
2- الفوانيس اللي راكبة عندك مش اصلية لانها ممكن تسيح او تغير لون الفوانيس للون الاصفر وده عشان فيليبس رالي بتتنتج حرارة مضاعفة عن اللمبات الاخري نظرا لشدة اضاءتها
h7_rallyh4_rally
philips_rally
لمبات فيليبس اكستريم فيجن – Philips X-treme Vision
هي اخر اختراع من فيليبس في مجال اللمبات الهالوجين حتي الان.
فيليبس قدمت مفهوم جديد في الاكستريم فيجن وهو ان اللمبة بتستهلك كهرباء نفس استهلاك اللمبات الاستاندر (55 وات) لكن بتطلع اضاءة مضاعفة توازي اضاءة الفيليبس رالي وعشان كده علبة اللمبات مكتوب عليها 100% اضاءة اضافية وده عن طريق انهم غيروا نوع الغاز المستخدم داخل اللمبة وخلوه غاز زينون وده نتج عنه ان اللمبة اضاءتها بقت اقوي لكن بنفس استهلاك الكهرباء وفي نفس الوقت الحرارة الناتجة نفس الحرارة الناتجة عن اللمبات الاستاندر لان الزينون بطبعه مش بينتج حرارة عالية
في نفس الوقت عدلوا في الرأس الامامي للمبة وخلوا عليها ما يسمي بالفلاتر (طبقة زرقاء علي اول اللمبة) وده دوره انه يمنع تشتت الضوء ويخليه مركز امام السائق وعشان كده اللمبات ديه بتطلع طول اضاءة بيوصل في بعض السيارات لي 35 متر ( بيختلف طول الاضاءة من سيارة لسيارة نتيجة شكل السطح العاكس وجودته وايضا جودة الزجاج الامامي للفوانيس).
ايضا الطبقة الزرقاء اللي علي رأس اللمبة ادت ان اللمبات ديه بقت تتنتج لون اضاءة ابيض (مش ابيض بالظبط زي الزينون لكن ابيض بنسبة مقارنة بلون اللمبات الاستاندراللي بيبقي لونها اصفر).
امتي تكون مفيدة:
1- اللمبات اللي راكبة عندك اصلا 55 وات ومش عاوز تعدل اي حاجة في كهربة السيارة نظرا للضمان او كمبيوتر السيارة ممكن يطلع خطأ او من الاصل خايف من الكهربائية ولعبهم في العربية
2- خايف علي الفوانيس اللي عندك من الحرارة الزيادة
3- عاوز طول اضاءة علي الطريق
4- خايف ان استهلاك الكهرباء الزيادة يؤثر علي بطارية السيارة
امتي لا تكون مفيدة:
1- اللمبات اللي راكبة عندك 100 وات لان في الوقت ده مش حتحس بأي فرق لو ركبت اللمبات ديه
2- العربية عندك موديل قديم ومتركب فيها كتاوت نور او ما عندكش مانع انك تعدل في الكهربة فيستحسن انك تركب رالي وتوفر في السعر لان الرالي اقل ثمنا من الاكستريم فيجن
H7_xtreme_visionh4_xtreme_vision
xtreme_vision_1
فيليبس نايت جايد – Philips Night Guide
الفيليبس نايت جايد ده اختراع تاني من فيليبس. النايت جايد ممكن نقول انها لمبة ممكن تركبها لو انت النور عندك كويس بس بردوا عاوز تحسنوا شويه لانها بتدي 50% اضاءة اضافية يعني لو اللمبة 55 وات فهي بتضئ اضاءة ال 75 وات
الفيليبس نايت جايد فيها ميزة تانية انها بتضئ 3 الوان اضاءة امام السائق اصفر وابيض وابيض مزرق (اكيد مش حتلاقي الالوان ديه واضحة قوي زي الوان الطيف امام السيارة لكن لما تركز في الاضاءة حتحس ان ناحية اليمين النور ابيض بينما ناحية الشمال النور اصفر) وده فيليبس بتقول انه بيوضح للسائق العلامات الارشادية اللي علي اليمين ويقلل الوهج بتاع اضاءة السيارات المقابلة وبيزيد من تركيز السائق اثناء القيادة
امتي لا تكون مفيدة:
1- ضوء الاضاءة عندك كويس انت راضي بيه بس معندكشي مانع تحسنه شوية
2- نفس ميزة الاكستريم فيجن انها لاتحتاج اي تعديل في كهربة السيارة لانها 55 وات
امتي لا تكون مفيدة:
لما تبقي حاسس انك عاوز اكتر من مجرد تحسين بسيط في الاضاءة عشان ما تشتريش لمبات وبعد كده تحس ان مش هي ديه اللي انت عاوزها
h7_nightguide_1 h4_night_guide_4
night-guide
فيليبس كريستال فيجن – Philips Crystal Vision
فيليبس كريستال فيجن هي لمبات فيليبس نورها ابيض صافي (لامع) طبعا كشكل اضاءة ديه من احلي اشكال الاضاءة اللي ممكن تبقي عاوز تشوفها في عربيتك.
الكريستال فيجن بتضئ شكل اضاءة حلو قوي واي حد بيقف امام السيارة حيشوف فوانيس شكلها حلو بس بالنسبة للسائق خصوصا في الطرق السريعة حيحس ان الاضاءة مش حلوه قوي امامه
الكريستال فيجن لون اضاءة لكن مفيهاش قوة اضاءة اعلي من الاستاندر زي الاكستريم فيجن (100% اضاءة اضافية) و النايت جايد (50% اضاءة اضافية) يعني اضاءة الكريستال فيجن هي هي اضاءة اللمبات الاستاندر 55 وات بس بي لون اضاءة مختلف
امتي تكون مفيدة:
1- لما تبقي مش عاوز اضاءة اضافية وقوة الاضاءة عاجباك بس عاوز لون اضاءة ابيض زي الزينون
2- لما بتبقي اغلبية سواقتك داخل البلد مش علي طرق سريعة كتير
امتي لا تكون مفيدة:
1 – لما تبقي عاوز قوة اضاءة بغض النظر عن لون الاضاءة
h7_crystal_vision h4_crystal_vision_2
crystal_vision_2
فيليبس دايموند فيجن Philips Diamond Vision –
الفيليبس دايموند فيجن ممكن نقول عليها نفس الكلام اللي قولناه علي الفيليبس الكريستال فيجن مع اختلاف واحد وهو ان لون اضاءة الدايموند فيجن ابيض تلجي مش ابيض صافي في ماعدا ذلك كل المواصفات والشرح السابق ينطبق عليهاH4_diamond_vision_2h7_diamond_vision
diamond_vision_1
منقول للافادة
[a7la1=#000000]
" استودعكم الله واترككم في حفظ الله وأمنه ورعايته سبحانه وتعالي أرجو من الله أن يوفقكم جميعا وان يحفظكم من كل سوء ويقيكم كل شر"[/a7la1]
رقم العضوية : 85345
تاريخ التسجيل : 09Jan2011
المشاركات : 1,514
النوع : ذكر
الاقامة : giza
السيارة: لانسر2007
السيارة[2]: فليشيا
دراجة بخارية: لايوجد
الحالة :
موضوع رائع
رقم العضوية : 153944
تاريخ التسجيل : 31Dec2013
المشاركات : 193
النوع : ذكر
الاقامة : القاهرة
السيارة: NO
السيارة[2]: فيكترا B
الحالة :
الله ينور
رقم العضوية : 25406
تاريخ التسجيل : 17Nov2008
المشاركات : 2,925
النوع : ذكر
الاقامة : الاسكندرية / ميامي
السيارة: الحمد لله
السيارة[2]: Daewoo Lanos1/ 2000
دراجة بخارية: لالالالالالالالالالالالالا
الحالة :
بسم الله الرحمن الرحيم
تسلم
شرح فى منتهى الجمال و البساطة
https://www.facebook.com/ahmedzizo147?fref=ts
رقم العضوية : 153193
تاريخ التسجيل : 14Dec2013
المشاركات : 698
النوع : ذكر
الاقامة : الأسكندرية
السيارة: لا توجد
السيارة[2]: هيونداى ماتريكس
دراجة بخارية: ...
الحالة :
موضوع ولا أروع يا أ/ Rais
بس ياريت تنصحنى أركب لمبات إيه عندى علشان الإضاءة تتحسن وتبقى عالية قدامى
لأن معظم شغلى بيبقى الصبح بدرى قوى وبرجع متأخر قوى وطريق المطار أصلا ضلمة بالليل
أنا عربيتى ماتريكس أوتوماتيك
لا إله إلا أنت سبحانك إنى كنت من الظالمين
يارب سترك وعفوك ورضاك
رقم العضوية : 142395
تاريخ التسجيل : 03May2013
المشاركات : 182
النوع : ذكر
الاقامة : Cairo
السيارة: Cerato 2014
السيارة[2]: Cerato 2010
الحالة :
موضوع ممتاز فعلا استفدت منه كتير وممكن تساعدنى اركب لمبات X-Treme Vision لعربيتى انا معايا سيراتو 2010 وعاوز اعرف سعر اللمبات الواطى والعالى والشبورة واجيبهم منين وجزاك الله كل خير.
م / أحمد السيد
رقم العضوية : 81519
تاريخ التسجيل : 29Sep2010
المشاركات : 58
النوع : ذكر
الاقامة : E G Y P T
السيارة: ---
السيارة[2]: ---
الحالة :
رقم العضوية : 81519
تاريخ التسجيل : 29Sep2010
المشاركات : 58
النوع : ذكر
الاقامة : E G Y P T
السيارة: ---
السيارة[2]: ---
الحالة :
السلام عليكم ورحمة الله وبركاته
دا لينك ليها على سوق
Philips - Xtreme Vision H4 100% extra light (Pair) price, review and buy in Egypt, Alexandria City, Cairo | Souq
بس دى لمبة واحدة عالى وواطى فى بعض H4
مش عارف عندك بقى مقاسها إيه بالظبط - ممكن تكون واطى H1 وعالى H7 على حسب عربيتك
*=== (( ما يلفظ من قول إلا لديه رقيب عتيد )) ===*
رقم العضوية : 122569
تاريخ التسجيل : 01Apr2012
المشاركات : 195
النوع : ذكر
الاقامة : world
السيارة: GEELY xpandino
السيارة[2]: KIA Picanto
الحالة :
[a7la1=#000000]
" استودعكم الله واترككم في حفظ الله وأمنه ورعايته سبحانه وتعالي أرجو من الله أن يوفقكم جميعا وان يحفظكم من كل سوء ويقيكم كل شر"[/a7la1]
رقم العضوية : 142395
تاريخ التسجيل : 03May2013
المشاركات : 182
النوع : ذكر
الاقامة : Cairo
السيارة: Cerato 2014
السيارة[2]: Cerato 2010
الحالة :
المفضلات