الموضوع: باركولى اخيرا بقيت لانسراوى .

المشاركة الأصلية كتبت بواسطة Hassan Khalil

الف مليون مبروك يا اياد ..
ربنا يبارك لك فيها .. و تستعملها في الخير دايما ..
لغاية ما تعمل التقييم الحقنا بالمعلومات الاولية ( السعر - اللون - الكماليات - رواس رمسيس و اللا هدي شعراوي - المعاملة عاملة ازاي -اذا كان رواس رمسيس مين اللي باعلك هناك جورج و اللا احمد علاء - الضمان اد ايه ؟؟؟؟ )
الاسئلة كتيرة شويتين .. :) .. طيب جاوب علي اللي انت عايزه و خلي الباقي للتقييم ..
الف مبرروووووووووك :)

الله يبارك فيك يا استاذ حسان و انا تحت امرك فى اى حاجة
السعر : 94500 (انا حجزتها ب92 و قاللى دى زادت 2500 كمان و بعد ما اشترتها زادت 3000 يعنى دلوقتى بقت ب97.5 ) ربنا على المفترى
اللون : كحلى و إن شاء الله هرفع صورتها
الكماليات : مانيوال كاملة تكيف سنتر باور و جاى معاها حاجتها زى شنطة الاسعافات و العدة و الكريك و المثلث الاصلى و جهاز قياس ضغط الاطارات و الكتالوج بتاعها
بس مش جاى معاها كاسيت بس انا لسه شارى واحد من التوفيقية امبارح سى دى
انا حجزتها من رواس رمسيس مع جورج بس استلمتها من فرع هدى شعراوى و بصراحة الناس كانو قمة فى الادب و الاحترام و سلمونى العربية باسرع ما يمكن و بدون مماطلات و كسل .
الضمان إن شاء الله 3 سنين او 60 الف كيلو

يارب كده اكون قدرت اوضحلك كل حاجة و لو فى اسألة تانى اسأل ولا يهمك انا تحت امرك