الموضوع: عاوز اجيب كربراتير جديد للادا 2105 حد يعرف نوع كويس ؟

المشاهدة 31 و محدش عبرني :d حد يقولي اعمل ايه و الله بقيت بحلم بالكربراتير :d

بص يا باشا انا من رأيي انك تجيب واحد استيراد بس تخلي الراجل يفكه قدامك من العربيه ومتخليهوش يديهولك من عنده كده احسن واضمن بس انا اسمع عن واحد بتاع كربراتيرات اتعمل عليه كام موضوع هبعتلك اسمه واللينك

المشاركة الأصلية كتبت بواسطة mossallem

بص يا باشا انا من رأيي انك تجيب واحد استيراد بس تخلي الراجل يفكه قدامك من العربيه ومتخليهوش يديهولك من عنده كده احسن واضمن بس انا اسمع عن واحد بتاع كربراتيرات اتعمل عليه كام موضوع هبعتلك اسمه واللينك

اللي اسمه معتز اعتقد بس فى حاجة كل الناس متفقة على اني تصليح الكربراتير ضياع فلوس ع الفاضي و ده حصل معايا بس عاوز افهم منك حاجة يعني يفكة من عربية قدامي و اجيبة منين اصلن الاستيراد ده يعني المكان اللي هروحة اجيب منه استيراد بتبقى فى عربيات واقفة و و هو يجبلي منها و لا ايه عشان اروح ابقى فاهم بس ميعملش ناصح و يدبسني فى حاجة تعبانه

سيبك ياباشا من موضوع الاستيراد ده،مش مضمون خالص وحتى لو فكيته من عربيه استيراد،صدقنى هتضيع فلوسك على الفاضى ده غير انه هتضطر تاخد معاك ميكانيكى هياخدله خمسين جنيه على الاقل،وبرضه ماتصلحش القديم،انا رايى هاتلك واحد جديد وريح دماغك،الصينى هيقعد معاك سنة بالكتير وهيقرفك اما الروسى هيعيش معاك اقل حاجه ٣ سنين بدون اى مشاكلمشاكل يعنى لو حتى هتستلفهم هيبقى احسنلك،وممكن تجيب الصينى تمشى بيه نفسك وتبيع العربيع وتريح دماغك

المشاركة الأصلية كتبت بواسطة ahmscu

سيبك ياباشا من موضوع الاستيراد ده،مش مضمون خالص وحتى لو فكيته من عربيه استيراد،صدقنى هتضيع فلوسك على الفاضى ده غير انه هتضطر تاخد معاك ميكانيكى هياخدله خمسين جنيه على الاقل،وبرضه ماتصلحش القديم،انا رايى هاتلك واحد جديد وريح دماغك،الصينى هيقعد معاك سنة بالكتير وهيقرفك اما الروسى هيعيش معاك اقل حاجه ٣ سنين بدون اى مشاكلمشاكل يعنى لو حتى هتستلفهم هيبقى احسنلك،وممكن تجيب الصينى تمشى بيه نفسك وتبيع العربيع وتريح دماغك

شكرا
انا برده رائي كده و الله بس هل حضرتك جربت الروسي او الصيني و لا لآ ؟

و هل برده حضرتك تعرف حاجة عن الاسعار ؟

المشاركة الأصلية كتبت بواسطة soundjammer

شكرا
انا برده رائي كده و الله بس هل حضرتك جربت الروسي او الصيني و لا لآ ؟

و هل برده حضرتك تعرف حاجة عن الاسعار ؟

للامانه انا شخصيا مجربتوش بس انا هنقلك من تجارب اعضاء من المنتدى وجروبات الفيس بوك،الصينى تقفيله مش كويس والصواميل والمسامير بتتفك على طول من اهتزازات الموتور ده غير انه بيفك من وش الموتور كل فتره،الروسى ناس جربته وبقاله معاها اكتر من سنتين بدون مشاكل،الصينى بحوالى 550 والروسى بالضمان بحوالى 1200 ،الامر يرجعلك يعنى لو انت عربيتك حالتها مش كويسه ومشاكلها كتير وناوى تخلص منها قريب يبقى خليك فى الصينى يمشيك فتره ككويسه لغاية لما تبيع،لكن لو انت عربيتك حالتها كويسه ومش ناوى تبيع قريب فى خلال سنتين مثلا يبقى هات الروسى وفى كل الاحوال تركب فلترين بنزين قبل الطرمبه وصيانه للكاربراتير كل 6 شهور وتغير فلتر الهوا باستمرار كده هتضمن الكاربراتير يعيش معاك اطول فتره

هو الكربراتير اللى عندك زي الفيات 125؟ ولو كده انا كنت شارى واحد جديد بولندى الاصلى ب 900 جم من محل اسمه محمد يوسف فى شارع التحرير - الدقى

المشاركة الأصلية كتبت بواسطة ahmscu

للامانه انا شخصيا مجربتوش بس انا هنقلك من تجارب اعضاء من المنتدى وجروبات الفيس بوك،الصينى تقفيله مش كويس والصواميل والمسامير بتتفك على طول من اهتزازات الموتور ده غير انه بيفك من وش الموتور كل فتره،الروسى ناس جربته وبقاله معاها اكتر من سنتين بدون مشاكل،الصينى بحوالى 550 والروسى بالضمان بحوالى 1200 ،الامر يرجعلك يعنى لو انت عربيتك حالتها مش كويسه ومشاكلها كتير وناوى تخلص منها قريب يبقى خليك فى الصينى يمشيك فتره ككويسه لغاية لما تبيع،لكن لو انت عربيتك حالتها كويسه ومش ناوى تبيع قريب فى خلال سنتين مثلا يبقى هات الروسى وفى كل الاحوال تركب فلترين بنزين قبل الطرمبه وصيانه للكاربراتير كل 6 شهور وتغير فلتر الهوا باستمرار كده هتضمن الكاربراتير يعيش معاك اطول فتره

تمام طب ايه افضل مكان اجيب من الروسي و يكون مضمون ميكونش صيني و ايه الصيانة اللي اعملهاله كل 6 شهور تنظيف يعني و لا متخصص كربراتير ؟ عشان لو راح لمتخصص كربراتير يبقى تقريبا هيرجع بايظ و انا عمتا الاستهلاك بتاعي دلوقتي الصفيحة جوا البلد بتعمل 150 و على طريق سفر ممكن توصل 200 او 210 ده كده معدل استهلاك كويس عمتا و لا لآ ؟ وانت ايه المعدل بتاعك برده من باب العلم انا عربيتي موديل 84 و 1500 سي سي معلش انا عارف اني صدعتك بس و الله بحلم بالكربراتير :0002014a: